Јаник Синер ќе игра против Новак Ѓоковиќ во полуфиналето на Австралија Опен.

Италијанскиот тенисер го победи Американецот Бен Шелтон со 3-0 во последното четвртфинале.

По речиси два ипол часа игра, бранителот на титулата, славеше со 6:3, 6:4, 6:4. Синер славеше рутински, сериозен отпор противникот пружи само во третиот сет.

Јаник Синер ќе игра против Новак Ѓоковиќ во полуфиналето, втората полуфинална двојка ја формираа Карлос Алкараз и Александар Зверев.

Foto/ depositphotos.

Ѕвездата на Пари Сен Жермен и освојувач на Златната топка, Усман Дембеле, стана цел на клубовите од Саудиска Арабија пред летниот преоден рок. Потенцијалниот трансфер веќе се најавува како „најголемиот договор во саудиската лига од доаѓањето на Кристијано Роналдо“.

Договорот на Дембеле со ПСЖ важи до 2028 година, но високи функционери во саудиската професионална лига наводно веќе подготвуваат исклучително профитабилна понуда за да го привлечат на Блискиот Исток.

Саудиската професионална лига веќе привлече голем број големи имиња како што се Роналдо, Карим Бензема, Нејмар и Садио Мане, а Дембеле е најновата голема ѕвезда на нивната листа на желби.

Според „Скај Спортс“, првите контакти веќе се направени во врска со можен летен трансфер. Сепак, францускиот репрезентативец наводно е целосно фокусиран на тековната сезона со ПСЖ, по што ќе се посвети на Светското првенство. Тој призна дека неговата цел е да ја освои титулата во Северна Америка.

Новинарот на „Скај Спортс“, Кавех Солхекол, ги коментираше шпекулациите за трансферот.

„Дали би можел да се случи овој трансфер? Мислам дека е малку веројатно, но фудбалскиот пејзаж во Саудиска Арабија се менува. Долго време, клубовите беа финансирани и контролирани од државата, а потоа најголемите клубови беа во сопственост на Државниот инвестициски фонд. Сега тие се отвораат за приватни инвестиции.

Затоа, повеќе не е само прашање на државни пари, туку и на приватни инвеститори кои ќе се обидат да доведат играчи со свои средства. Можно е да се обидат да го доведат, но останува да се види дали ќе сака да оди во Саудиска Арабија сега кога е на врвот на својата кариера“, додаде тој.

Иднината на Дембеле веќе беше предмет на медиумско внимание оваа сезона, поради шпекулациите дека францускиот репрезентативец бара значително зголемување на платата по освојувањето на Златната топка.

Тренерот на ПСЖ, Луис Енрике, ги отфрли пишувањата дека Дембеле одбил нов договор, додека претседателот Насер Ал Келаифи предупреди дека играчите мора да се вклопат во структурата на плати на клубот.

Foto/ depositphotos

Ден за одлука во Лигата на шампионите. Вечерва ќе се одигра последното коло во првата фаза.

Поради регуларноста, сите 18 натпревари ќе се играат вечерва од 21:00 часот.

На сите им требаат бодови, никој не е сигурен дека ќе остане на позицијата на која се наоѓа во моментов. Сигурно е само дека лидерот Арсенал и второпласираниот Баерн математички обезбедија место во Топ 8 пред последното коло.

Исто така, без шанси за пласман во нокаут фазата останаа Ајтрахт Фарнкфурт, Славија Прага, Виљареал и Каират Алмати.

Ова се двојките од последното коло:

Ајакс – Олимпијакос, Арсенал – Каират Алмати, Атлетик Билбао – Спортинг Лисабон, Атлетико Мадрид – Боде/Глимт, Барселона – Копенхаген, Баер Леверкузен – Виљареал, Бенфика – Реал Мадрид, Борусија Дортмунд – Интер, Клуб Бриж – Олимпик Марсеј, Ајнтрахт Франкфурт – Тотенхем, Ливерпул – Карабаг, Манчестер Сити – Галатасарај, Монако – Јувентус, Наполи – Челзи, Пафос – Славија Прага, Пари Сен Жермен – Њукасл, ПСВ Ајндховен – Баерн и Унион Сент Жилоа – Аталанта.

Покрај Арсенал и Баерн, уште 13 тима обезбедија барем место во плејофот. Тоа се: Реал Мадрид, Ливерпул, Тотенхем, ПСЖ, Њукасл, Челзи, Барселона, Спортинг, Манчестер Сити, Атлетико Мадрид, Аталанта, Интер и Јувентус.

Сите споменати тимови ќе се борат во последното коло и за Топ 8. Реал, Ливерпул и Тотенхем сè уште не обезбедиле осминафинале, но ќе бидат носители во плејофот, доколку случајно испаднат од Топ 8 во последното коло.

Дербито на последното коло од осмото коло дефинитивно е дуел на стадионот со култното име „Диего Армандо Марадона“ во Неапол, каде што актуелниот шампион на Италија ќе се сретне со Челзи.

Наполи е во тешка позиција, тие се први под линијата, но натпреварот е важен и за лондонските „сини“, бидејќи сакаат да останат во Топ 8 и да избегнат дополнителни плејоф натпревари.

Истото може да се каже и Бенфика, која спас бара против Реал Мадрид.

Бенфика е еден од двата поранешни европски шампиони меѓу најслабите 12 екипи на табелата. Вториот е Ајакс. Славните Холанѓани ќе бидат домаќини на Олимпијакос, последниот над линијата, во решавачкото осмо коло, на кого исто така му се потребни бодови.

Инаку, ждрепката за плеј офот и целата нокаут газа ќе се одржи во петок.