Луис де ла Фуенте, селектор на Шпанија, зборуваше за програмата на Радио Марка, ден пред утрешниот натпревар против Хрватска кој од 18 часот се игра во Берлин.

„Тимот е многу фокусиран и добро подготвен. Тие едвај чекаат да истрчаат утре на теренот и нивното однесување ме прави горд. Тие се пример за доблес, тимска работа и соживот. Што се однесува до нивниот квалитет, за мене тие се најдобрите во светот“. започна Де ла Фуенте.

На новинарско прашање дали Шпанија е во „групата на смртта“, бидејќи тука се и Хрватска, Италија и Албанија, тој одговори:

„Најдобрите репрезентации се секогаш на ЕП и има многу квалитет. Сите репрезентации имаат играчи од висока класа, ова е можеби најсилната група на ЕП, но ние сме подготвено“.

За фаворитите, селекторот на Шпанија вели: „Ова е можеби најсилното ЕП во историјата. Англија, Германија, Франција, Португалија… Шпанија, која мора да се вброи меѓу најсилните на ЕП.“

Актуелниот европски првак Италија го отвора Европското првенство против Албанија во сабота од 21 часот во Дортмунд. Италијанците се големи фаворити, а во групата се и Хрватска и Шпанија (сабота, 18:00 часот, Берлин).

„Газета дело Спорт“ пред почетокот на турнирот објави список со работи кои селекторот Лучијано Спалети (65) им ги забрани на репрезентативците.

Спалети инсистира на точност. Првиот собир во денот е закажан напладне, а целиот тим има заеднички ручек во 12:45 часот. Вечерата е во 20 часот. Спалети им забрани на играчите да носат слушалки, а мобилните телефони се дозволени пред ручек и вечера, првенствено за видео повици со семејства. Пред и потоа мобилните се забранети.

Играчите имаат соби за забава и опуштање со маси за пинг-понг, билијард, фудбал на маса, флипер и четири конзоли со два симулатори за возење. „PlayStation“ може да се игра само во таа просторија.

Италијанците наведуваат дека дури и смеата и забавата се дозирани бидејќи Спалети бара максимална концентрација на фудбалот од своите репрезентативци.

Фил Фоден најдобриот играч во Премиер лигата е најголемиот адут на Англија на Европското првенство кое вечерва ќе започне во Германија. Фоден, во пресрет на континенталниот шампионат, бил кај гатачка.

Според таблоидот „Сан“, Фоден и неговата бремена девојка Ребека Кук биле кај гатачката Клои Смит која им гледала во тарот карти.

„Уживав во гледањето на тарот картите за Фил и Бека, и двајцата многу духовни и љубезни луѓе. На патот на Фил има многу среќа“, рекла гатачката.

Извор на овој весник открива дека асот на Манчестер сити се интересирал како ќе помине Англија на претстојниот турнир.

„Се надевам дека Клои му кажа дека го видела фудбалот како се враќа дома. Тој сакаше да ја „види“ својата иднина. Многу врвни играчи поминуваат време правејќи позитивни визуализации пред натпреварот со надеж дека тоа ќе им помогне. Ако тоа ги опушти и направи да се чувствуваат добро, тоа може да биде само позитивно“, наведува „Сан“.

25-годишната девојка, Клои Смит, на почетокот бесплатно им гледала во карти на пријателите, а потоа почнала да наплаќа околу 35 фунти за нејзината услуга. Денес меѓу нејзините клиенти има бројни познати личности од Велика Британија.

Англија ќе игра против Србија на стартот на Европското првенство, в недела од 21 часот во Гелзенкирхен.