Спорт
Франција ја елиминира Канада

Кошаркарската репрезентација на Франција ја победи Канада со 82:73 во четвртфиналето на Олимписките игри. Во полуфиналето Французите ќе играат против Германија, која претходно денеска ја исфрли Грција.
Франција водеше во текот на целиот натпревар, во еден момент имаше и 19 поени разлика. Канаѓаните, екипа полна со НБА играчи, на овој меч не беа во водство ниту секунда.
„Сините“ веднаш почнаа да ги „мелат“ Канаѓаните, пред се дефанзивно. Тие веднаш направија голема предност, а клучно беше да се запре канадската надворешна линија, која е основа на играта на овој тим.
Канаѓаните немаа адекватни одговори на француските високи играчи, Виктор Вембањама, Гершон Јабуселе и Матијас Лесор
Канаѓаните успеаја да се вратат на едноцифрена негатива во вториот дел. Беа дури и на негатива од пет поени, но одговорноста ја презеде француската надворешна линија, се разбуди Еван Фурние кој врза осум поени и со тројка од девет метри стави точка на натпреварот.
Франција ја предводеа Јабуселе со 22 и Кординие со 20 поени, Фуурние постигна 15. Најефикасен Канаѓанец беше Шеј-Гилџис Александер со 27 поени, покрај него двоцифрен беше уште само Ар-Џеј Берет со 16 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Договорено: Еламс се враќа во Наполи

Елиф Елмас по 18 месеци се враќа во Наполи. Трансфер инсајдерот, Фабрицио Романо, објави дека Наполи и Лајпциг ги договориле сите детали околу трансферот. Елмас во градот под Везув се враќа на позајмица.
Елмас, пред 18 месеци од Наполи замина во Лајпциг за 24 милиони евра, сега се враќа во Неапол. Наполи ќе ја плати позајмицата со 1,5 милиони евра, а по завршувањето на сезоната за околу 12 милиони евра ќе може да го откупи договор на Елмас.
Она што е најважно за Лајпциг е што Наполи во целост ќе ја преземе платата на македонскит репрезентативец, која на годишно ниво изнесува три милиони евра.
Foto/ EPA
🚨🔵⚪️ Elif Elmas to Napoli, here we go! Deal in place for loan with buy clause as Elmas returns to Napoli from RB Leipzig.
Elmas has agreed immediately to the move weeks ago as he only wanted Napoli ahead of other options.
Back. 🔙🇲🇰 pic.twitter.com/GLanIUiVDJ
— Fabrizio Romano (@FabrizioRomano) August 28, 2025
Спорт
Шкендија во продолженијата остана без Лига Европа

Фудбалерите на Шкендија есенва ќе се натпреваруваат во главната фаза во Конференциската лига. Фудбалерите на македонскиот шампион, во Разград паднаа во продолженијата. Лудогорец во регуларните 90 минути победи со 2.1, а во продолженијата Бугарите постигнаа уште два гола за конечни 4:1.
Лошото прво полувреме, во кое на противникот му дозволија да упати 14 удари кон голот, од кои шест одеа во рамките на голот, ги чинеше фудбалерите на Шкендија поволен резултат. Два оф тие шетс удари завршија во голот во првите 24 минути. Куртулус и Чочев беа стрелци во деветтата и 24 минута.
Во вториот дел Шкендија се спротивцтави на вистински начин, во 64.минута Тамба постигна гол за 2:1. Гаје имаше нестварна интервенција во 87.минута, а во следниот напад Тамба не реализира во ситуација еден на еден.
Во дополнителните 30 минути, Лудогорец постигна два гола преку текпетеј во 98. и Биле во 122.минута.
Шкендија ждрепката за Конференциската лига ќе ја чека од петтиот шешир. Ждрепката е во петок од 13 часот.
Foto/ EPA/GEORGI LICOVSKI
Спорт
Трансфер „бомба“ во Премиер лигата – Волтемаде во Њукасл за повеќе од 80 милиони евра

Итлијанскиот инсајдер Фабрицио Романо објави ексклузива дека Штутгарт ја прифатил понудата на Њукасл од 80 милиони евра, која со бонусите може да достигне 90 милиони, за германскиот напаѓач Ник Волтемаде (22).
Германскиот репрезентаивец е на пат кон Њукасл, кога ќе ги заврши медицинските тестови ќе потпише договор со „страчките“.
Напаѓачот висок 198 сантиметри, кој се покажа како вистински кошмар за стоперите минатата сезона, има закажан лекарски преглед за утре, а британските медиуми истакнуваат дека ова е шокантен развој на настаните со оглед на тоа што напаѓачот беше поврзуван со Баерн поголемиот дел од летото.
Оваа сезона, тој одигра два натпревари за Штутгарт, по еден во Купот и првенството, и постигна еден гол.
Волтемаде беше цел на Баерн во текот на целото лето, но Штутгарт одби повеќе понуди вклучувајќи ја последната од 60 милиони евра, инсистирајќи на поголема сума.
Поради ова веста за понудата на Њукасл претставува пресврт во однос на претходната позиција на Штутгарт дека продажбата нема да се случи во овој преоден рок.
Доведувањето на Волтемаде многу веројатно ја отвора и вратата за трансфер на Александар Исак, кој штрајкува веќе неколку недели и тренира одделно со цел да го напушти клубот и да се приклучи на Ливерпул, актуелниот шампион на Англија.
Foto/ EPA/ANNA SZILAGYI