Спорт
Фудбалерите на Манчестер Јунајтед сакаат Ван Нистелрој да остане
Фудбалерите на Манчестер Јунајтед сакаат Руд ван Нистелрој да остане во стручниот штаб кога новиот тренер Рубен Аморим ќе го преземе тимот.
Тие сакаат Ван Нистелрој да им биде „конектор“, бидејќи го ценат начинот на кој тој комуницира и се однесува кон нив.
„Скај Спортс“, објави дека има широка поддршка за 48-годишниот Холанѓанец да остане со играчите во одредено својство по истекот на неговиот период како привремен менаџер.
Тој на клупата го замени Ерик тен Хаг, кој доби отказ на почетокот од минатата недела поради слабите резултати, а тимот ќе го води до 11 ноември, додека не го преземе Рубен Аморим, кој ќе остане на клупата на Спортинг Лисабон до репрезентативната пауза.
Под водство на Холанѓанецот, Јунајтед прво го совлада Лестер со 5:2 во Купот, а потоа ремизираше со Челзи 1:1 во Премиер лигата. Тој ги импресионираше навивачите со страста што ја покажа по головите на својот тим, па јавноста верува во тоа дека и навивачите би биле незадоволни од евентуалното заминување на Ван Нистелрој.
Ван Нистелрој е ценет и од клупските челници за начинот на кој се однесуваат, заедно со оние кои помагаат во работата на првиот тим.
Иако засега не е познато кој ќе му помага на Аморим, јасно е дека Португалецот сака да го донесе челиот стручен штаб од Спортинг, меѓу кои се и неговите долгогодишни соработници Карлос Фернандез и Аделио Кандидо, како и искусниот Емануел Феро.
Ван Нистелрој има договор како помошник тренер и прашање е дали ќе има место доколку во клубот се преселат сите колеги на Аморим од Спортинг.
Освен Ван Нистелрој, постои желба да остане и Дарен Флечер, кој моментално е тренер во стручниот штаб.
Тој е врската помеѓу академијата на Јунајтед и првиот тим, откако самиот чекореше по тој пат и одигра повеќе од 300 натпревари и освои 13 трофеи со клубот за 20 години.
Извор на „Скај Спорт“ изјалвил: „Работата што ја прави Флечер можеби не е во центарот на вниманието, но е важна“.
Јунајтед моментално е 13-ти на табелата и има три победи од првите 10 натпревари, што е најлошиот старт на клубот во Премиер лигата и севкупно од сезоната 1985/86 кога го презеде Алекс Фергусон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брињоне златна во велеслалом, Хектор и Стјернесунд го поделија среброто
Неверојатната Федерика Брињоне го освои второто злато на Зимските олимписки игри во Милано и Кортина. По победата во Супер-Џи, Италијанската победи и во велеслалом.
Брињоне беше фантастична во првото возење (1:03,23), но и во второто, и покрај фактот што направи мала грешка на почетокот на второто возење.
Златото во велеслалом ѝ донесе вкупно време од 2:13,50, таа беше 0,62 секунди пред Сара Хектор од Шведска и Теа Луис Стјернесунд од Норвешка, кои го поделија среброто во фантастичен пресврт на настаните.
Брињоне сега има вкупно пет олимписки медали. Ова се нејзините први златни медали.
По првото возење, четвртото место го поделија три скијачки од Шведска Сара Хектор, Норвежанката Теа Луис Стјернесунд и Албанката Лара Колтури. Сите три ја завршија првата трка за 1:03,97.
Неверојатно е што Хектор и Стјеренсунд имаа ист резултат и во втората трка (1:10,15), вкупно 2:14,12! Во второто возење, Колтури беше 0,70 секунди зад двете.
Разочара најуспешната скијачка во историјата, Микаела Шифрин. Американката трката ја заврши на 11-то место.
Македонската скијачка Јана Атанасовска, прв пат се појави на Зимските олимписки игри. Таа стартуваше како 61-ва, не успеа да ја заврши првата трка. Атанасовска излета од патеката по 30-тина секунди.
Следен настап на Атанасовска на Олимпијадата во Италија ќе биде во среда, кога на програмата е трката во слалом.
Foto/ EPA
Спорт
Драма во потерата на 12 километри, златото за Понсилуома
Шведскиот биатлонец Мартин Понсилуома го освои златниот медал, во потерата на 12 километри на ЗОИ во Милано и Кортина.
Се чинеше дека Емилиен Жакелан убедливо ќе го освои златото, додека зад него се водеше голема борба за преостанатите две места на подиумот.
Сепак, Жакелан потфрли на последното пукање, имаше две промашувања, што му ја отвори вратата широко на Понсилуома, кој со нетрпение ја прифати можноста што му се укажа и на крајот стигна до златото.
Ова е негов втор олимписки медал во кариерата, тој освои сребро во Пекинг во трката на 15 километри (масовен старт).
Во Милано и Кортина беше деветти во трката на 20 километри, седми во трката на 10 километри и петти во мешаната штафета 4×6 километри.
По грешките во гаѓањето, Жакелан остана не само без златото, туку и без сребрениот медал, на крајот мораше да се задоволи со третото место.
Норвежанецот Струла Холм Лагрејд исто така ја искористи својата можност да го престигне во трчањето. Лагрејд го освои својот трет медал во Милано и Кортина. Тој освои бронзени медали на 10 и 20 километри.
За Жакелан, ова се трети Олимписки игри. Во Пекинг, тој освои сребрени медали во штафетите 4×7,5 километри и 4×6 километри. Во Милано и Кортина, тој беше четврти во спринтот на десет километри и 55-ти во поединечната трка од 20 километри.
Понсилуома ја заврши трката за време од 31:11,9, Легрејд заостануваше 20,6 секунди, а Жакелан заостануваше 29,7 секунди.
Foto/ EPA
Спорт
Деветто злато за Клабо, четврто на ЗОИ оваа година
Јоханес Хесфлот Клaбо ја испиша историјата на крос-кантри, со освојувањето на деветтиот златен олимписки медал, четврти на Игрите во Милано и Кортина.
Од денес, Клaбо е официјално најуспешниот олимпиец во крос-кантри, тој го престигна Бјорн Дели, кој освои осум златни медали, и вкупно 12 медали.
Во неделата, Норвежаните го освоија златниот медал во штафетата 4×7,5 километри. Со Клабо,како скијач во последната измена, штафетата ја сочинуваа Емил Иверсен, Мартин Левстрем Нингет и Ејнар Хедегарт.
Норвежаните ја завршија трката за 1:04:24,05.
Клабо не е само најуспешниот спортист кога станува збор за крос-кантри, тој е првиот спортист со освоени девет олимписки медали на Зимските олимписки игри. Покрај тоа, тој има еден сребрен и еден бронзен.
Марит Бјерген, 15, освои најмногу медали вкупно, но „застана“ на осум златни, исто како и Бјорн Дели.
Среброто им припадна на Французите, екипата составена од Тео Шели, Уго Лапалус, Матис Делож и Виктор Ловера. Французите имаа задоцнување од 22,2 секунди.
Италијанците Давиде Грац, Елија Барп, Мартино Карло и Федерико Пелегрино ја освоија бронзата. Италијанците беа 47,9 секунди зад Норвежаните.
Клабо има можност да освои уште две златни медали на Игрите во Милано и Кортина. До крајот на Игрите во крос-кантри, во машка конкуренција, нè очекуваат тимски спринт и масовен старт на 50 километри.
Foto/ EPA
(Видео) Големи поплави во Кичево, ЦУК на терен
Според вонредните информации од Центарот за управување со кризи за состојбата до 17:00 часот со обилните врнежи, во Скопскиот Регион,...
Во Гостивар две деца и нивната мајка останаа заробени во домот поради поплавите
Поради непрестајните врнежи и излевањето на реките, западниот дел на Македонија се наоѓа во вонредна состојба. Во Кичево, стотици семејства...
Обилните врнежи предизвикаа поплави во повеќе региони, во Кичево евакуирани околу 180 лица
Центарот за управување со кризи информира за состојбата по обилните врнежи од дожд заклучно со 12:30 часот, при што се...
Можни излевања на реките, критична состојба во Полошко, Кичевско и Пелагонија
Управата за хидрометеоролошки работи напладне издаде предупредување за значително зголемување на водостојот на реките во западните делови од државата, по...
Измени на Законот за електронски комуникации за укинување на трошоците за роаминг
Со измени на Законот за електронски комуникации, што се поставени за расправа на Единствениот национален регистар на прописи (ЕНЕР) државава...
Американците понудиле безбедносни гаранции за Украина, Зеленски не е задоволен
САД му понудија на Киев 15-годишни безбедносни гаранции, но Украина сака повеќе и смета на период од најмалку 30 години,...
Петнаесет возачи се лишени од слобода во еден ден поради возење без возачка дозвола
Петнаесет возачи се лишени од слобода вчера поради возење без возачка дозвола, со активна забрана за управување возило и под...
Ја давел и ја претепал бремената партнерка, се спасила откако го убедила да ја носи на лекар, па побегнала додека стоеле на семафор
Основното јавно обвинителство Скопје поведе постапка против 52-годишен маж осомничен за кривично дело Телесна повреда според член 130 став 2...
Градоначалникот Ќура ангажирал фирма што ќе утврди зошто е загадена водата во Струга
Градоначалникот на Струга, Менди Ќура, најави дека на 16 февруари приватна институција од Скопје ќе ги утврдува причините за загадувањето...
Осомничениот за убиството за жената од Челопек е поврзан и со други кривични дела
Јавен обвинител од Основното јавно обвинителство Куманово изврши увид на лице место во селото Челопек, каде беше пронајдено безживотно тело...
Убиство во Челопек, 78-годишна жена задушена со перница
Полицијата уапси дваесет и петгодишен жител на село Малотино од општина Старо Нагоричане, осомничен за убиство на седумдесет и осумгодишна...
Љубов или вино: што навистина славиме на 14 февруари?
Секој 14 февруари, истата ситуација – некои го препознаваат само Свети Трифун, додека други го сметаат Свети Валентин, или Денот...
Цвета Ристовска поднесе оставка од Антикорупциската комисија: „Никогаш немав намера да прикријам информација“
Членката на Државната комисија за спречување на корупцијата (ДКСК), Цвета Ристовска, поднесе неотповиклива оставка од функцијата, која ја доставила до...
Суспендирана полицајка од Кочани: се сомничи дека насилно внела колешка во возило и не ѝ дозволила да излезе
МВР поднесе кривична пријава против припадничка на полицијата од Кочани, поради сомнение за кривично дело „противправно лишување од слобода“, предвидено...
Манасиевски: Обвинителката Кадриу сведочи дека Филипче немал ниту елаборат за струја за модуларната болница во Тетово
Членот на Централниот комитет на ВМРО-ДПМНЕ, Валентин Манасиевски, на денешната прес-конференција изјави дека, според сведоштвото на поранешната обвинителка Лејла Кадриу,...
Мицкоски во Германија: Разговараме и привлекуваме реномирани светски компании кои веруваат во потенцијалот на нашата држава
Денеска во Минхен остварив работна средба со менаџментот на германскиот гигант Schwarz Group, под чија капа работат светски познатите брендови...
(Фото) Инспекциска акција во Центар, нема да толерираме диви депонии и небезбедни напуштени објекти, порача Герасимовски
Инспекциските служби на општина Центар започнаа со расчистување на два напуштени објекти на улиците „Тетовска“ бр. 20 во Ново Маало...
По информациите за енормно загадување на водата за пиење во Струга, обвинителството оформи предмет
Во врска со информациите за енормно загадување на водата за пиење и за основни животни потреби на подрачјето на градот...
(Видео) Страшна сообраќајна несреќа во Сараево: 23-годишник загина кога го удри трамвај на станица
Окружното обвинителство на Сараево денес ја продолжи истрагата за околностите околу тешката сообраќајна несреќа што се случи претходниот ден кога...
„Филипче ја составил документацијата за модуларната болница во Тетово без елаборат за електрична енергија, кој ќе сноси одговорност за техничките пропусти поради кои загинаа 14 луѓе“, прашува ВМРО-ДПМНЕ
„Поранешниот министер за здравство Венко Филипче, бил директно инволвиран во процесот на изработка на техничката документација за модуларната болница во...
