Спорт
Фудбалерите на Реал Мадрид добија нови автомобили од спонзорот БМВ

Фудбалерите и тренерот на Реал Мадрид традиционално добија нови автомобили за стартот на новата сезона. Годинава „кралскиот клуб“ има договор со БМВ, па играчите, како и тренерот Карло Анчелоти, можеа да изберат меѓу новите хибридни модели на БМВ.
Реал Мадрид се пофали дека е првиот тим кој вози автомобили кои не ја загадуваат околината.
Најмногу играчи го избраа најскапиот модел „BMW XM“, кој вреди 179.700 евра. Тој модел го зедоа Џуд Белингем, Тибо Куртоа, Кепа Аризабалага, Дани Карвахал, Дани Себаљос, Арда Гулер и Родриго. Лука Модриќ е единствениот играч на Реал кој се одлучи за моделот „iX M60“ кој чини 140.400 евра.
🚙😎 New cars, same style. @BMWEspana | #RethinkTheGame pic.twitter.com/oY3UtHBPpK
— Real Madrid C.F. 🇬🇧🇺🇸 (@realmadriden) October 10, 2023
Се истакна, но скромно, и Аурелиен Чуамени, тој го одбра најевтиниот модел од понудата, „i4 xDrive50“, кој чини „само“ 57.000 евра.
Возниот парк во Реал Мадрид
Тибо Куртоа: BMW XM – 179.700 евра
Кепа Аризабалага: BMW XM – 179.700 евра
Андриј Лунин: BMW iX xDrive50 – 108.450 евра
Едер Милитао: BMW i4 M50 – 79.550 евра
Давид Алаба: BMW iX xDrive50 – 108.450 евра
Начо Фернандез: BMW i7 xDrive60 – 139.350 евра
Дани Карвахал: BMW XM – 179.700 евра
Лукас Васкез: BMW i4 M50 – 79.550 евра
Фран Гарсија: BMW i4 M50 – 79.550 евра
Антонио Рудигер: BMW iX xDrive50 – 108.450 евра
Ферланд Менди: BMW i4 M50 – 79.550 евра
Џуд Белингем : BMW XM – 179.700 евра
Тони Крос: BMW iX xDrive50 – 108.450 евра
Лука Модриќ: BMW iX M60 – 140.400 евра
Едуардо Камавинга: BMW i4 M50 – 79.550 евра
Феде Валверде: BMW iX xDrive50 – 108.450 евра
Аурелиен Чуамени: BMW i4 eDrive35 – 57.350 евра
Дани Себаљос: BMW XM – 179.700 евра
Арда Ѓулер: BMW XM – 179.700 евра
Винисиус: BMW i4 M50 – 79.550 евра
Родриго: BMW XM – 179.700 евра
Хоселу: BMW XM – 179.700 евра
Брахим Дијаз: BMW iX xDrive50 – 108.450 евра
Карло Анчелоти: BMW i4 M50 – 79.550 евра
Real Madrid just gave its Players new BMW Cars whilst Barcelona gave their Players Free Spotify subscription, Poverty is one sad thing pic.twitter.com/NbPJEUv3kv
— Twilight (@the_marcoli_boy) October 10, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сане како слободен играч ќе го засили Галатасарај

Лирој Сане одби да го продолжи договорот со Баерн, а германските медиуми тврдат дека тој сигурно ќе го напушти клубот. Сане, според овие извори бил блиску до преселба во Галатасарај.
Сане отпатува во САД со Баерн на Светско клупско првенство, но дека само прашање на денови е кога ќе потпише со турскиот првак.
Турскиот шампион ги подобри финансиските услови што му ги нуди на Сане, играч чиј договор со германскиот шампион истекува на крајот на јуни. Тотенхем и Арсенал исто така беа заинтересирани за неговите услуги.
Сане ја започна својата професионална кариера во Шалке, а потоа играше за Манчестер сити од 2016 до 2020 година. Тој се пресели од англискиот клуб во Баерн, за кој одигра 153 натпревари во Бундеслигата и постигна 40 голови. Со Сити освои две титули во Премиер лигата, а со Баерн четири во Бундеслигата.
Галатасарај работи на зајакнување на играчкиот кадар пред сезоната во која ќе игра во Лигата на шампионите. Вредноста на Сане според „Трансфермаркт“ е 32 милиони евра.
Спорт
Чиле остана без пласман на СП и без селектор

Фудбалерите на Чиле забелаа уште еден пораз во квалификациите за пласман на Светското првенство следната година. По поразот од Боливија (2:0), Чилеанците остнаа без шанси за пласман на Мундијалот.
Ова е вистинска катастрофа за националниот тим, бидејќи не учествуваа и на претходните две Светски првенства, во Русија 2018 и Катар во 2022 година. Сето тоа се случи откако Чилеанците ја освоија Копа Америка во 2015 и 2016 година.
По поразот од Боливија, Чиле е на последното место на табелата во Јужна Америка. Како резултат на лошиот пласман, веднаш по поразот во Боливија, 67-годишниот Аргентинец Рикардо Гарека, доби отказ. Гарека го презеде Чиле во 2024 година, забележа само една победа во 13 официјални натпревари со Чиле.
Спорт
Сити го потврди трансферот на Рејндерс

Манчестер сити потврди уште едно засилување. Дресот на клубот од „Етихад“ ќе го носи и Холанѓанецот Тижани Рејндерс.
Сити го потврди трансферот од Милан на својата веб-страница, и иако не открија финансиски детали, медиумите објавија дека Сити ќе плати 70 милиони евра за трансферот на холандскиот репрезентативец, кој потпиша договор до летото 2029 година.
„Чест ми е што потпишав за Сити. Горд сум што сум дел од тимот на Пеп Гвардиола, чија работа ја следам со години, уште од Барселона со Лео Меси. Едвај чекам да почнам да работам со него и сигурен сум дека Гвардиола ќе ме направи уште подобар играч“, рече Холанѓанецот.
Пред Рејндерс, Сити ги претстави Рајан Аит-Нури и Рајан Шерки, додека голманот Маркус Бетинели пристигна од Челзи, кој ќе биде трет избор зад Едерсон и Стефано Ортега.
Нури пристигна за сума од околу 45 милиони евра, Шерки од Лион за 36+6 преку бонуси, што значи дека Сити потроши околу 150 милиони евра за летни засилувања.
Важно е да се истакне дека Пеп ќе може да смета на сите играчи на претстојното Светско првенство за клубови во САД.