Спорт
Фудбалот се враќа дома или ќе се повторни 1992 година?

Англија и Данска вечерва ќе го одиграат второто полу-финале на Европското првенство. Победникот, на 11.јули, против Италија ќе се бори за титулата.
Англија, до полу-финалето стигна без примен гол. Џордан Пикфорд, не е совладан во првите пет натпревари. Во дуелот со Данска, Англија влегува со гол-разлика 8:0. Играчите на Герет Саутгејт постигнаа гол против Хрватска и Чешка, два против Германија и четири во претходната рунда во дуелот со Украина. Гол не постигнаа само против Шкотска.
Предводници на Англија во нападот се Рахим Стерлинг и Хари Кејн, кои постигнаа по три гола.
Овие двајца ќе бидат најголемата закана по голот на Каспер Шмајхел.
Англичаните се оптимисти, дека на домашен терен, по пауза од 55 години ќе освојат голем трофеј. Англија во 1996 година, на Светското првенство, ја освои единствената голема титула.
Но и Данска ќе има што да каже во полу-финалето. Европските шампиони од 1992 година, имаа чуден пат до завршницата.
Шампионатот го започнаа со поразите од Финска (0:1) и Белгија (1:2), потоа ги декласираа Русија и Велс, а без проблеми во четврт-финалето славеа победа против Чешка.
Натпреварот на Вембли ќе започне во 21 часот, ќе го суди Холанѓанецот Дани Макели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Роналдо покажа со прстот кон Гринвуд

Кристијано Роналдо продолжува да го обликува тимот според своите желби, а сега е пронајдено ново име кое би сакал да го види во тимот.
Според „Марка“, португалскиот фудбалер побарал од раководството на клубот да го доведе Мејсон Гринвуд.
Англискиот офанзивен играч се прероди и е најдобриот играч на Марсеј. Тој веќе имаше покани од Саудиска Арабија минатата сезона, но тогаш не сакаше да го промени средниот ред.
Не е лесно да останеш имун кога ќе те повика Кристијано Роналдо, иако медиумите тврдат дека Гринвуд не размислува за заминување, иако и Интер го има на својот радар.
Жоао Феликс неодамна пристигна во Ал Наср, а Роналдо сака по секоја цена да го освои првиот трофеј на Блискиот Исток.
Фото: ЕПА
Спорт
Штутгарт го изигра Атлетико – Мило на пат кон Саудиска Арабија

Францускиот фудбалер од редот за врска, Енцо Мило, долго време се поврзуваше со Атлетико Мадрид, но тој кариерата ќе ја продолжи во Саудиска Арабија.
Енцо Мило беше виден на стадионот „Метрополитано“, иако неговото пристигнување беше одложено поради Штутгарт, кој одолговлекуваше со условите за плаќање.
Се испостави дека „Швабите“, намерно ги одолжиле преговорите со шпанскиот клуб, чекале сигнал од Саудиска Арабија.
Мило беше поврзуван и со Тотенхем, но на крајот победи најбогатиот.
Усен договор меѓу Ал Ахли и играчот за врска веќе постои, и сè уште не е познато колку би можел да изнесува целиот договор. Се споменуваше дека Атлетико морал да плати 23.000.000 евра, па се очекува дека приближно иста сума ќе уплати Ал Ахли в касата на Штутгарт.
Спорт
Баер го продолжи договорот со Шик

Баер Леверкузен ја продолжи соработката со 29-годишниот централен напаѓач и чешки репрезентативец Патрик Шик, а голгетерот висок 191 см се обврза да остане во редовите на популарните „фармацевти“ до 2030 година.
Шик помина пет сезони во овој тим и значително придонесе пред две сезони, кога Баер ја освои Бундеслигата и ја прекина децениската апсолутна доминација на Баерн во германскиот фудбал.
Вкупно, Шик одигра 121 натпревар во Бундеслигата и постигна 64 гола, а постигна и девет гола во 33 натпревари во европските натпреварувања.
Кариерата на Шик започна во Спарта од неговата родна Прага, каде што не играше, а својата прва можност ја доби во дресот на Бохемијанс, каде што беше позајмен во сезоната 2015/16.
Следеше италијанската епизода, една сезона во Сампдорија и две во Рома, потоа неговото прво искуство во Бундеслигата во Лајпциг, каде што постигна 10 гола на 22 натпревари во елитниот ранг на германскиот фудбал во сезоната 2019/20.
Кога станува збор за чешката репрезентација, Шик постигна 24 гола на 46 натпревари.