Спорт
Фуенлабрада нема да игра плеј-оф за пласман во Ла Лига

Фудбалерите на Фуенлабрада останаа без можност да се борат за пласман во Ла Лига, откако челниците на натпреварувањето решија одложениот натпревар помеѓу Ла Коруња и Фуенлабрада да не биде одигран.
На Фуенлабрада од овој меч ѝ беше потребен бод за да влезе во баражот за пласман во Ла Лига, додека Ла Коруња и со победа немаше шанси да се спаси од испаѓање.
Натпреварот требаше да се одигра на 20 јули, меѓутоа беше одложен откако Фуенлабрада објави дека 12 играчи се заразени со коронавирусот, односно дека во клубот има 29 лица кои се позитивни на вирусот Ковид-19.
Ла Лига својата одлука ја оправда со немањето термин кога би се одиграл натпреварот. Ова значи дека во баражот ќе влезе Елче, кој во последното коло ја скокна Фуенлабрада на табелата. Елче заврши со бод и натпревар повеќе од Фуенлабрада.
„Во ниту еден случај не чувствуваме одговорност за овој несреќен проблем кој настана пред последниот натпревар во Втората лига. Сметаме дека сме жртви бидејќи ни е одземена можноста да се бориме за пласман во Ла Лига. Ги почитувавме сите мерки и препораки на Ла Лига, меѓутоа не успеавме да го спречиме вирусот да влезе во нашиот клуб“, стои во соопштението на Фуенлабрада.
Од Втората лига во баражот пласман изборија Сарагоса, Алемрија, Џирона и Елче. Полу-финалните натпревари на програмата се на 30 јули и 2 август, а финалниот двомеч ќе се игра на 5 и 8 август.
Претходно директен пласман во Ла лига изборија Кадиз и Уеска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Спектакуларен пресврт на Бортнмут во режија на Семењо

Фудбалерите на Борнмут го победија Фулам со 3:1 во првиот натпревар од 7. коло од Премиер лигата, по големиот пресврт во второто полувреме.
Првото полувреме беше лошо, монотоно. Единствено нешто што вреди да се забележи е повредата на српскиот репрезентативец Саша Лукиќ, поради која тој ја напушти играта.
Во второто полувреме, се случи спектакл.
Откако Сесењон го совлада Ѓорѓе Петровиќ во 70. минута по совршено „двојно додавање“ со Чуквуезе, следеше урагански одговор од тимот на Виталити.
Во 78., феноменалниот Семењо ја испрати топката во мрежата низ нозете на Бенрд Лено, од речиси „мртов агол“, а пресвртот следеше шест минути подоцна – стрелец беше Клајверт.
Асистентот сеприсутениот Семењо.
Антоан Семењо стави крај на одличната игра, или поточно на одличното второ полувреме, во судиското продолжение.
Борнмут ќе ја помине ноќта на втората позиција на табелата во Премиер лигата.
Спорт
Барселона го извиси Реал, го напушти проектот Суперлига

Реал Мадрид остана сам во проектот наречен Европска Суперлига. Најверниот сојузник на Реал, Барселона, се откажа од проектот.
Како што објави Радио Каталуња, Барселона е задоволна од промените што ги направи УЕФА во новиот формат на Лигата на шампионите, па затоа повеќе не сака да го турка проектот околу новото натпреварување. Мотивот за основање на Суперлигата беше токму од финансиска природа.
Најбогатите европски клубови се обидоа да формираат натпреварување во кое ќе учествуваат и во кое ќе можат да заработат многу повеќе пари отколку што беше случај во натпреварувањата под покровителство на УЕФА.
Флорентино Перез, претседателот на Реал Мадрид, сега е сам во своите напори за лансирање на Суперлигата.
Односите меѓу УЕФА и Барселона се подобрија во последните неколку месеци. Претседателот на УЕФА, Александар Чеферин, го гледаше како гостин на Барселона натпреварот против ПСЖ од ВИП ложата.
Барселона е во финансиска криза неколку години и мора да работи според посебни правила, според кои не смее да троши повеќе отколку што заработува.
Суперлигата е проект кој беше прифатен од најголемите европски клубови во 2021 година, но тие набрзо се повлекоа, главно под притисок на навивачите.
Спорт
Ѓоковиќ со победа стартуваше во Шангај

Новак Ѓоковиќ успешно стартуваше на Мастерс турнирот во Шангај. Србинот во второто коло го победи Марин Чилиќ со 7:6, 6:4. Мечот траеше еден час и 54 минути.
Првиот сет Ѓоковиќ го реши во тај-брејк, откако ниту еднаш не успеа да дојде до брејк топка, додека Чилиќ пропушти две во 11-от гем.
Чилиќ, кој играше можне добро во тај-брекот се распадна. Го освои првиот поен, на крајот 13-от гем му припадна на Ѓоковиќ со 7:2.
Добрата игра од финишот на првиот сет, Ѓоковиќ ја пренесе во вториот, во третиот гем направи брејк, а потоа беше мошне сигурен во своите сервис гемови и го доби Чилиќ 20-ти пат во нивниот 22-ри меч.
Инаку ова беше „најстариот“ меч во историјата на турнирите од Мастерс серијата. Ѓоковиќ и Чилиќ заедно имаат 75 години и 139 дена.
Ѓоковиќ во третото коло ќе игра против Ханфман кој го победи Френсис Тијафо со 6:7 (9:11), 6:2, 6:1