Спорт
Фуриозен пресврт на Шпанија против Словенија

Ракометарите на Шпанија ја победија Словенија на стартот на Олимписките игри со 25:22 (8:11).
Словенците одиграа лошо, особено во нападот во последните 20 минути поради што го загубија натпреварот. Словенците 40 минути го контролираа натпреварот, имаа предност од тригола по првиот дел, таа разлика ја пдржуваа до 40.минута кога Шпанците, предводени од голманот Де Варгас направија серија 8:2 и од 11:14, дојдоа до предност 19:16.
Де Варгас со 15 одбрани беше најдобриот во редовите на Шанија, каде стрелците ги предводеа Алекс Гомез со седум, односно Даниел Душебаев и Даниел Фернандез со по четири гола. За Словенија Бмбач постигна пет гола, Тилен Кодрин четири, Кристијан Хорзен и Миха Зарабец по три гола.
Во оваа А група се и Хрватска, Германија, Шведска и Јапонија. Во втората група се Данска, Франција, Унгарија, Норвешка, Египет и Аргентина. Во четвртфиналето ќе се пласираат четири селекции од двете групи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Де Јонг: Не ми се допаѓа што треба да играме во Мајами

Еден од капитените на Барселона, Френки де Јонг, го крена гласот против одлуката натпревар од Ла Лига да се игра на американска почва.
Како што е познато, УЕФА и Ла Лига конечно се согласија оваа недела и официјално објавија дека Виљареал и Барселона ќе играат натпревар на стадионот „Хард Рок“ во Мајами на 20 декември.
Де Јонг смета дека таквата одлука е неприфатлива.
„Не ми се допаѓа што ќе играме таму и не се согласувам со таквата одлука. Едноставно, не е фер за натпреварувањето. Ќе гостуваме на неутрален терен. Не е во ред и мислам дека не е добро за играчите. Разбирам дека клубовите добиваат пари за тоа, но не е фер“, рече Де Јонг.
Спорт
Ненадејно почина тренерот на Бока Јуниорс големиот Мигел Русо

Тажни фудбалски вести ја погодија Аргентина, ненедејно почина тренерот на Бока Јуниорс, Мигел Анхел Русо.
Поранешниот стратег на Бока имаше 69 години и долго време се бореше со рак на простата. Тој почина изминатата ноќа.
Русој се сметаше за еден од најпочитуваните тренери во Јужна Америка, поради неговата кариера што траеше повеќе од половина век.
Прво беше фудбалер, а потоа и тренер, освојувајќи бројни трофеи. Го крена трофејот на Копа Либертадорес во 2007 година, што е последната континентална шампионска титула за Бока.
Тој ги водеше и Ланус, Естудијантес де ла Плата, Велез Сарфилд, Росарио Централ и Милионариос.
И покрај болеста, тој се врати во Бока во јуни 2025 година и ја водеше на Светското клупско првенство со истата страст.
До последните денови, тој беше активен на клупата на Бока, но во септември, сепак мораше да се пензионира и да им ги препушти тренинзите на своите помошници.
Спорт
Џејмс Тарковски ќе остане во Евертон

Англискиот фудбалер Џејмс Тарковски го продолжи договорот со Евертон до крајот на јуни 2028 година, објави клубот од Ливерпул.
Тарковски (32) е член на Евертон од 2022 година и во тој период одигра 128 натпревари и стана заменик-капитен.
„Многу сум возбуден и горд што сум играч на Евертон и што го продолжувам ова патување. Беа луди неколку години со огромни падови и огромни подеми. Успеавме да ги надминеме тешките времиња и се надеваме дека сега нè очекува попозитивна и возбудлива ера“, рече Тарковски.
Во текот на својата кариера, Тарковски играше и за Олдам, Брентфорд и Барнли.
Евертон е на осмото место на табелата во Премиер лигата со 11 бода, а во следното коло ќе го пречека Манчестер Сити.