Милвоки и Оклахома се првите две екипи кои обезбедија учество во полуфиналето на НБА Купот, чие финале се одржува во Лас Вегас. Бакс го совлада Орландо со 114:109, додека Тандер беа подобри од Далас со 118:104.

Дуелот меѓу Оклахома и Далас беше практично решен во третата четвртина. На полувремето Оклахома имаше плус три, а потоа ја доби третата четвртина со 33:19 и преднпст од 17 поени влезе во решавачкиот период. Мавс до крајот успеаја само малку да ја намалат разликата.

Клучот за триумфот на Тандер лежи во тоа што ги сопреа Лука Дончиќ и Кајри Ирвинг, главните ѕвезди на тимот од Тексас. Лука забележа 16 поени и 11 скока, додека Ирвинг имаше 17 поени. Поефикасни од двајцата беа Маршал со 19 и Томпсон со 18 поени.

На другата страна блескаше Шеј Гилџис-Александер со 39 поени и осум скока. Го следеше Џејлен Вилијамс со 18 поени.

Многу понеизвесен беше дуелот меѓу Милвоки и Орландо. Бакс во самиот финиш го скршија отпорот на Меџик. Адетокунбо постигна 37 поени и седум скока, а Лилард забележа 28 и девет асистенции.

За тимот од Флорида, Сугс броеше до 32. Треба да се каже дека Орландо беше без најдобрите играчи Франк Вагнер и Паоло Банкеро.

Ноќта меѓу среда и четврток ќе се одиграат преостанатите две четвртфиналиња од НБА купот во кои ќе се сретнат Атланта – Њујорк и Хјустон – Голден Стејт.

Фудбалерите на Реал Мадрид ја прекинаа серијата од два порази со триумфот во Бергамо против Аталанта 3.2 (1:1). Вечерва покрај Реал, победи на гостински терен забележаа Баерн Минхен, ПСЖ и Астон Вила, Баер Леверкузен го победи Интер,а домашни победи забележаа уште Брест и Бриж.

Дербито во Бергамо донесе пет гола, а можеше да има уште толку.

На овој начин Реал избега од опасната зона, бидејќи пред ова коло беше прв „над линијата“, односно на 24. позиција на табелата.

Килијан Мбапе промаши во втората минута, но не и во 10. кога лесно го мина Де Рон и ја испрати топката во голот. Неколку минути подцна Мбапе беше „еден на еден “ со Карнесеки, кој успеа да одбрани. Во средишницата на првото полувреме Мбапе поради повреда го напушти теренот.

Аталанта го притисна Реал во финишот на првиот дел и во втората минута од судиското надополнување Колашинац изнуди пенал. Сигурен реализитор беше Де Кетеларе.

Во вториот дел, во интервал од четири минути Реал стекна предност од два гола. На индивидуален квалитет најпрвин погоди Винисиус во 55., а потоа и Белингем во 59.минута.

Аталанта ексресно се врати во натпреварот, најдобриот играч на екипата од Бегамо, Адемола Лукнанго совлада Куртоа во 65.минута.

До крајот шанси за Аталанта имаа Колашинац, Самарџиќ, Лукман, а во последните секунди најголемата шанса ја имапе Ретеги, кој промаши празен гол од три метри.

Германскиот првак Баер во Левекузен, во второто дерби го победи Интер со 1:0. Единствениот гол го постигна Мукиеле во 90.минута.

Резултати:

Аталанта – Реал 2:3 (1:1)
/Де Кетеларе 45+2, Лукман 65 – Мбапе 10, Винисиус 56, Белингем 59/

Баер – Интер 1:0 (0:0)
/Мукиеле 90/

Брест – ПСВ 1:0 (1:0)
/Ле Кардинал 43/

Бриж – Спортинг 2:1 (1:1)
/Кварезма 24аг, Нилсен 83 – Катамо 3/

Лајпциг – Астон Вила 2:3 (1:1)
/Опенда 27, Баумгартнер 62 – Мегин 3, Дуран 52, Баркли 85/

Салцбург – ПСЖ 0:3 (0:1)
/Рамош 30, Мендес 72, Дуе 85/

Шахтјор – Баерн 1:5 (1:2)
/Кевин 5 – Лајмер 11, Милер 45, Олисе 70 пен. 90+3, Мусијала 87/

Неверојатен старт на Светското првенство во 25-метарски базени во Будимпешта. Во текот на првиот ден беа соборени осум светски рекорди.

Самер Мекинтош ја продолжува својата сезона од соништата. По трите златни медали на Олимписките игри во Париз, 18-годишната Канаѓанка го собори светскиот рекорд на 400 слободно на СП во 25-метарски базени.

До целта и златниот медал стигна за 3:50.25 минути, а за една секунда и пет стотинки ја надмина границата од соништата која беше во сопственост на Кинеската Ли.

Мекинтош пристигна во Будимпешта како прва ѕвезда на шампионатот и тој статус уште првиот ден го оправда.

Лани Палистер (3:53,73) го зазеде второто место со рекордот во Океанија, додека трета заврши уште една Канаѓанка, Мари Софи Харви.

Расположена за соборување на рекорди е и Гречел Волш. Таа утрото го постави најдобриот планетарен резултат на 50 метри делфин со 24.03 секунди, а потоа во полуфиналето ја помести сопствената граница на 23.94 секунди. За околу шест часа Американката заработи 50.000 долари, бидејќи секој светски рекорд се наградува со 25.000 зелени банкноти.

Трендот на поместување на границите на соништата продолжи во истата дисциплина, но во машка конкуренција. Швајцарецот Ноа Понти во полуфиналето стигна до целта за 21.43 минути и го надмина претходниот личен и светски рекорд за седум стотинки.

По Понти, на ред дојде Кејт Даглас. Американката во финалето во дисциплината 200 метри мешано исплива 2:01.63 минути и го надмина една деценија стариот рекорд на славната Унгарка Катинка Хосу. Втора беше нејзината сонародничка Алекс Волш, а трета Британката Аби Вуд.

Женската штафета 4 x 100 слободно на САД го постави најдобро време во историјата. Даглас, Шекел, Беркоф и Волф ја минаа патеката за 3:25.01 минути. Во истата дисциплина златото го освои и машката штафета на САД со време на нов светски рекорд. Алекси, Хобсон, Смит и Џулијано пливаа 3:01.66 минути.