Спорт
Галтие во 2021: Би можеле ли да немаме толку црни и муслимански фудбалери
![](https://makfax.com.mk/wp-content/uploads/2023/04/thumbs_b_c_e7b62642b1f2fcb798f6a7522641de77.jpg)
Францускиот шампион, Пари Сен-Жермен ќе спроведе интерна истрага за својот тренер Кристоф Галтие и наводните расистички изјави за црните и муслиманските фудбалери додека бил тренер на Ница, тврдат француските медиуми.
Истрагата се однесува за изјавите на Галтие од 2021 година, откако електронската порака од поранешниот спортски директор на Ница, Жулиен Фурние се појави во јавноста, објавнува „РМЦ спорт“.
„Би можеле ли да немаме толку многу црни и муслимански фудбалери во тимот“, изјави Галтие според електронската порака.
56-годишниот Галтие го презеде ПСЖ минатиот јули и има договор до јуни 2024 година. Тој ја освои титулата со Лил во 2020/21 пред сезоната 2021/22 да ја помине во Ница. Да потсетиме, ПСЖ е во сопственост на Катарецот, Насер Ал-Хелаифи.
Галтие преку своите адвокати ги демантираше обвинувањата, а во исто време, навивачката група Ултрас Парис Колектив најави дека го следи случајот и дека ќе побара Галтие да биде избркан од клубот ако се докаже дека изјавите се вистинити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Прво засилување за новиот тренер на Јувентус
![](https://makfax.com.mk/wp-content/uploads/2024/06/brazil.jpg)
Бразилскиот играч Даглас Луиз (26) ја напушти Астон Вила и кариерата ќе ја продолжи во Јувентус, објави италијанскиот фудбалски гигант.
Луиз потпиша петгодишен договор за „Старата дама“, вреден 50 милиони евра. Бразилецот кариерата ја започна во Васко де Гама, а во 2017 година се пресели во Манчестер Сити, кој го испрати на двегодишна позајмица во Џирона.
За Астон Вила во 2019 година. „За време на неговиот престој во Бирмингем, Даглас Луиз стана еден од најдобрите играчи од средниот ред во Премиер лигата, постигнувајќи 22 гола и давајќи 24 асистенции во неговите 204 натпревари“, соопшти фудбалскиот клуб Јувентус.
Даглас Луиз, кој моментално е со репрезентацијата на Бразил на Копа Америка, е првото засилување на новиот тренер на Јувентус, Тиаго Мота кој го наследи Масимилијано Алегри.
Спорт
Холидеј размислува дали да го напушти „Нагетс“
Американскиот кошаркар Џастин Холидеј размислува да го напушти Денвер Нагетс.
Џастин Холидеј е најстариот од тројцата НБА браќа (Џру од Бостон и Арон од Хјустон) и е во Денвер од 2023 година.
Во 2015 година ја освои шампионската титула со Голден Стејт Вориорс, а локалната публика го памети и по неговите игри во дресот на унгарскиот Солнок во сезоната 2013/14.
Според американските новинари од Колорадо, Нагетс најверојатно нема да го продолжат договорот на Холидеј и тој ќе стане слободен агент.
Реџи Џексон веќе ги напушти Нагетс, Кентавиус Колдвел Поуп е во преговори за нов договор, додека Деандре Џордан се верува дека ќе потпише нов минимален договор со Денвер.
Изгледа дека нема да има место за Холидеј на овој список.
Спорт
Англија фаворит, Словачка аутсајдер?
![](https://makfax.com.mk/wp-content/uploads/2024/06/eng.jpg)
Вицешампионот од Европското првенство пред три години пред почетокот на шампионатот во Германија се сметаше за можеби најголемиот фаворит за конечно освојување на титулата најдобар на стариот континент.
Англичаните целосно разочараа со неубедливиот и поразително неефикасен настап во групната фаза.
Тие постигнаа само два гола и беа соучесници во неславниот рекорд – само седум гола беа забележани на шест натпревари во групата Ц.
Ако се занемари впечатокот и статистиката, факт е дека фудбалерите кои ги одбра контроверзниот и секогаш предизвикуван Герет Саутгејт си ја завршија работата.
Со четири бода го освоија првото место во групата Ц и беа наградени (барем на хартија) со полесен противник во осминафиналето.
Денеска се големи фаворити во Гелзенкирхен, но Словаците веќе покажаа и докажаа кои се.
Англичаните ќе мора да бидат многу поконкретни, понапнати и похрабри.
Словаците преку изедначената и чудна група Е во која сите четири репрезентации освоија по четири бода стигнаа до осминафиналето на ЕП и средбата со Англичаните во Гелзенкирхен.
Три постигнати гола и исто толку примени за неутрална гол-разлика (0) беа доволни за избраниците на Франческо Калзона да ја остават Украина зад себе и да влезат во нокаут фазата на натпреварувањето како една од четирите најдобри третопласирани репрезентации.
Словачките фудбалери на тој начин го повторија најголемиот успех постигнат досега, во Франција во 2016 година.
Кога на дебитантското учество на завршниот турнир на Европското првенство ја завршија и групната фаза како една од најдобрите третопласирани селекции.