Спорт
Гардијан: Челси чека понуди за Кепа
Челси во летниот преоден рок ќе го стави на трансфер листата голманот, Кепа Аризабалага. Клубот од „Стенфорд Бриџ“, во летниот преоден рок во 2018 година, за Кепа на Атлетик Билбао им плати 80.000.000 евра.
Почетокот на кариерата во Челси, за најскапиот голман во историјата, беше кошмарен. Како да не успеа да го издржи притисокот, поради лошата форма, тогашниот менаџер Френк Лампард го донесе Сенегалецот Едуард Менди.
Менди, се избори за своето место во тимот, а на Кепа му остана на брани во споредните натпреварувања (Лига и ФА купот).
Оваа сезона добро го искористи отсуството на Менди, кој со Сенегал го освои Афринакскиот куп. Поради формата во која се наоѓа во Челси се надеваат дека ќе можат добро да заработат од неговиот трансфер.
„Челси го чека летниот преоден рок за да го продаде Кепа. Чекаат само добра понуда. Кепа беше во лоша форма кај Лампард, многу е подобар откако во клубот дојде Тмас Тухел. Поради тоа Челси се надеваат дека ќе можат да го продадат во некој од шпанските великани“, пишува Гардијан и додава.
„Додека Менди беше на Африканскиот куп, Кепа блескаше на голот. Тој е заслужен за елиминацијата на Тотенхем во полу-финалето во Лига купот, на Светското првенство за клубови имаше две импресивни одбрани против Ал-Ахли. Стана и експрерт за пенали. Сезонава го предводеше Челси до три победи по изведувањето на пенали“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Доживотна забрана за навивачот кој го прекина „Мадрилењо“
Фудбалскиот клуб Атлетико Мадрид соопшти дека на навивачот кој фрлаше предмети на теренот, во неделата на дербито против Реал, му изрекол доживотна забрана за влез на стадионот.
Поради тоа беше прекинат натпреварот против Реал (1:1) на стадионот „Метрополитано“ во неделата.
Натпреварот беше прекинат во 69. минута кога голманот на Реал, Тибо Куртоа, поранешен Атлетико, му се пожали на судијата дека ултрасите на Атлетико фрлаат со разни предмети кон него.
Тренерот на Атлетик Диего Симеоне и неколку играчи се обидоа да ги смират навивачите, но натпреварот мораше да биде прекинат и од играчите беше побарано да се вратат во соблекувалните. Натпреварот продолжи десет минути подоцна.
„Нашата безбедносна служба продолжува да работи со полицијата за идентификување на останатите кои трајно ќе бидат исфрлени од стадионот“, се вели во соопштението на клубот.
Спорт
(Видео) И покрај забраната навивачите на Црвена звезда се во Милано
Фудбалерите на Интер и Црвена звезда вечерва во Милано ќе играат во рамките на второто коло во Лигата на шампионите. На навивачите на Црвена звезда италијанските власти им збранија да присуствуваат на натпреварот. И покрај забраната ултрасите на клубот од Блеград синоќа имаа свој перформанс низ улиците на Милано.
Група од 50 навивачи прошетаа низ улиците на Милано, пеејќи ги песните на Звезда, а крајната дестинација беше хотелот во кој беа сместени играчите.
Тие дојдоа пред хотелот со запалени факели, а играчите предводени од Владан Милојевиќ излегоа пред хотелот и ги поздравија.
30.09.2024, Delije (Zvezda🇷🇸) are currently in Milan 🇮🇹despite the ban of the Italian police and the state, check more photos, info here: https://t.co/OF8qb5aLli pic.twitter.com/g1fCPCgOcg
— Hooligans.cz Official (@hooliganscz1999) September 30, 2024
„Ајде зошто такви мрачни лица, луѓе дојдоа овде 2500 км во двата правци само за да ве поддржат. Не можеме утре да дојдеме на стадионот поради законот, поради полицијата на која сега и пеевме, дојдовме само за да ве поддржиме. Кога ќе излезете на терен нема од што да се плашите, одиграјте добар натпревар. Веројатно бевте подобар противник против Бенфика (против која Звезда загуби со 1:2 дома во првото коло), не успеавте. Играј на ист начин утре.
Немате од што да се плашите, тие се силен противник, нека во главите ви бодат луѓето кои поминаа 2500 километри само за да ве поддржат овде. Уште нешто да ви кажам, ако не се плашеше цела Италија од Црвена звезда и нејзините навивачи, сигурно ќе имаше 5000-6000 луѓе на стадион, тоа ви го гарантирам.
Но бидејќи цела Италија се плаши од Црвена звезда, која е голем клуб, и нејзините навивачи, покажете им дека се плашеа со причина. И не плашете се од ништо, знаете да играте фудбал, ние сме со вас. Тоа е онолку колку што можеме сега“, им порача на фудбалерите водачот на „Делиите“.
Спорт
Барселона го потпиша Бернал – Откупната клаузула е 500 милиони
Фудбалскиот клуб Барселона потврди дека Марк Бернал денеска потпишал нов договор. Тоа е последниот играч од средниот ред, роден во 2007 година, кој експлодираше летово за време на претсезоната со Ханси Флик, но за жал заработи тешка повреда на коленото поради која ќе отсуствува една година.
Барселона реши да му понуди нов договор, за да му покаже максимална самодоверба на долгиот пат на рехабилитација. Како што е потврдено во соопштението, Бернал потпишал договор до јуни 2026 година, но тој автоматски ќе биде продолжен до 2029 година кога ќе бидат исполнети одредени услови.
Исто така, Барселона постави недостижна откупна клаузула која ќе изнесува 500 милиони евра.