Спорт
Гатузо: Би бил го..о ако ги оставам овие играчи сега

Италијанскиот тренер по победата над Динамо во Загреб го спомена разрешениот спортски директор Никола Калиниќ, останува да видиме како ќе реагираат во Сплит.
Хајдук забележа голема победа против Динамо во најголемото дерби на хрватскиот фудбал. Во Загреб со голот на Марко Ливаја во 76. минута, Хајдук победи 1:0 и ја презеде челната позиција на табелата.
По мечот на Максимир, тренерот на Хајдук Џенаро Гатузо беше запрашан дали ќе поднесе оставка.
И сето тоа поради фактот што само неколку дена претходно Никола Калиниќ беше разрешен од функцијата спортски директор.
„Не се плашам да бидам отпуштен, се плашам само од смртта. Сакам да живеам, ја сакам оваа работа што ме задоволува. Можам и без фудблот, заработив доволно пари за да живеам“.
„Кога ме донесе, Никола Калиниќ ми рече дека Хајдук е религија, дека го следат милион фанови и поради него сум овде. Нему му ја посветувам оваа победа, имаше одлична кариера, тој е голем „хајдуковец“ и може да се каже дека е се само не лажго. Зад мене имам 400 натпревари во големите клубови, имам искуство и почувствував дека играчите ми го дадоа своето срце и нема да ги разочарам и нема да заминам“, изјави Гатузо и потоа додаде:
„Кога вака работат и дават се од себе, јас би се чувствувал како човечко го..о!“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хендерсон жали што тргнал во саудиски долари

Англискиот репрезентативец, Џордан Хендерсон, вели дека му било тешко кога го напуштил Ливерпул за да се пресели во Саудиска Арабија и дека „можел да донесе поинакви одлуки“.
35-годишникот се соочи со остри критики кога го напушти Ливерпул во 2023 година за да игра за Ал-Етифак, во земја каде што истополовите врски се нелегални.
Хендерсон претходно беше истакнат поддржувач на ЛГБТ правата и се извини што ги разочарал или повредил членовите на заедницата кога ја напуштил Саудиска Арабија шест месеци подоцна и се пресели во Ајакс.
„Со текот на времето, гледајќи наназад, можеби ќе донесов поинакви одлуки. Но, во тоа време се чувствував така и ја донесов одлуката од многу различни причини, кои само јас ги знам. Нема да лажам, во последните неколку години имав тешки моменти. Заминувањето од Ливерпул делуваше како раскин. Секако дека не сум совршен и сум правел грешки во минатото. Ги правев во текот на целата моја кариера. Но, сè што некогаш сум се обидел да направам е да го направам правилното“, рече Хендерсон на собирот на националниот тим на Англија.
Хендерсон не беше дел од составот на Гарет Саутгејт за Евро 2024, но сега е повторно во Премиер лигата, игра за Брентфорд и дел од составот на Англија на Томас Тухел. „Не мислам дека тоа (престојот во Саудиска Арабија) е причината зошто го пропуштив Европското првенство“, рече Хендерсон. „Додека бев таму, добивав повик за секоја акција на репрезентацијата пред првенството“.
Хендерсон има 85 настапи за Англија откако дебитираше против Франција во 2010 година.
Тој моментално е во составот на Тухел за натпреварите против Велс и Латвија оваа недела и чувствува дека сè уште има што да понуди на теренот.
„Најважните луѓе се тренерот, тренерскиот штаб и соиграчите – и што мислат тие“, рече Хендерсон.
Англија е убедливо прва во Групата К од квалификациите за Светското првенство 2026, пред Албанија и Србија. Победа им е потребна на Англичаните за да обезбедат пласман на Мундијалот.
„Горди Албион“ ги забележа сите пет победи во претходните натпревари без да прими гол (13:0).
Спорт
(Видео) Тепачка во свечената ложа на стадионот на Еспањол

Фудбалерите на Бетис го победија Еспањол со 2:1 на гости пред три дена, и со три нови освоени бода, го зазедоа четвртото место на табелата. Видео од тепачката во ложата на стадионот се шири на социјалните мрежи. Поранешниот претседател на Еспањол, Жоан Колет ја започнал тепачката.
Според извештаите од Шпанија, инцидентот во ложата се случил откако гостинските навивачи започнале со провокации по последниот свиреж на судијата.
Неколку навивачи на Бетис во свечената ложа почнале да се однесуваат провокативно, што довело до конфликт со навивачите на Еспањол.
Esto ha pasado en uno de los palcos del RCDE Stadium entre aficionados de Real Betis y Espanyol, con el expresidente Joan Collet entre ellos.
🎥 @LTV_21 pic.twitter.com/U6K9Kx0Q47
— Offsider (@Offsider_ES) October 5, 2025
Колет, кој беше претседател на клубот помеѓу 2012 и 2016 година, првично се обиде да ја смири ситуацијата, пред самиот да се вклучи во тепачката и наводно да се повреди. На Еспањол му беше дадена шанса да спаси длабоко во судиското продолжение кога им беше досуден пенал во 97-та минута по прегледот на ВАР.
Капетанот Хави Пуадо не успеа да постигне гол, бидејќи неговиот удар беше одбранет од голманот на Бетис и поранешен играч на Еспањол, Пау Лопез. Тензијата дополнително се зголеми со провокативните гестови на Лопез кон домашните навивачи.
Спорт
Црвена звезда реши да го отпушти Сверопулос

Јанис Сверопулос (58), грчки кошаркарски тренер повеќе не е тренер на Црвена звезда. Клубот реши да ја раскине соработката по двата порази во Евролигата и шокатниот пораз од Задар (79:85) дома во првото коло од АБА лигата.
Сверопулос ќе води само уште еден натпревар од Евролигата против Фенербахче во петок, по што заминува. Српските медиуми пишуваат дека фаворити за негов наследник се Дејан Радоњиќ и Саша Обрадовиќ.
Звезда инвестираше околу 20 милиони евра во тимот за оваа сезона со цел повторно да биде најдобар во регионот и конечно да направи пробив во Евролигата. Но, сезоната започна очајно.
Навивачите на Звезда по дуелот со Задар побараа оставка од тренерот. Тоа и се случи и тренерот кој претходно ги водеше Олимпијакос и Макаби Тел Авив мораше да си замине.
Тој дојде во Звезда пред две години и оттогаш освои едно регионално и едно српско првенство и два национални купа.