Спорт
Гатузо се откажа од платата, ја подели со оние што се на принуден

Тренерот на калчолигашот Наполи, Џенаро Гатузо се откажа од месечната плата за да им помогне на луѓето вработени во клубот од Неапол кои се на принуден одмор.
Поради пандемијата на коронаврусот спортот застана, а клубовите во целиот свет доживуваат големи финансиски удари.
Наполи реши сите вработени, освен фудбалерите и стручниот штаб, да ги испрати на принуден одмор и тоа во месеците март и април, што значи дека за тие луѓе овие месеци ќе нема плата.
Поради тоа, Гатузо и спортскиот директор, Кристијано Џунтоли се откажале од своите месечни примања, со цел парите да им бидат поделени на 30-мина кои се на принуден. Договорот на Гатузо со Наполи за првите 6 месеци беше потпишан на 1.5 милиони евра, што значи дека месечната плата која му изнесува 250.000 евра оди за луѓето кои овој месец се без примања.
Фудбалерите и стручниот штаб и понатаму преговараат со Управата околу намалување на платите за една третина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дуплантис повторно го урна светскиот рекорд

Швеѓанецот Арман Мондо Дуплантис го собори сопствениот светски рекорд во скок со стап со скок од 6,29 метри на атлетскиот собир во Будимпешта.
На 25-годишна возраст, Дуплантис го собори светскиот рекорд по 13-ти пат, трет пат во 2025 година по Клермон-Феран (6,27 м) во февруари и Стокхолм (6,28 м) во неговата татковина на 15 јуни.
Од настапот во Стокхолм, тој на три последовни натпревари скокна преку шест местри и повеќе (6,13 м во Острава, Чешка, 6,00 м во Јуџин, Орегон и 6,05 м во Монако).
Дуплантис ја забележа својата 33-та натпреварувачка победа и е непоразен од Монако на 21 јули 2021 година.
Foto/ EPA/Tamas Vasvari
Спорт
Дебакл на Шкендија во Баку

Актуениот македонски шампион Шкендија доживеа елиминација од квалификациите за пласман во Лигата на шампионите. Шкендија ја очекува плеј-офот за место во Лига Европа, доколку и тука загуби ќе игра во фазата по групи во Конференциската лига.
Шкендија по поразот во првиот меч на домашен терен (0:1) од Карабаг, вечерва доживеа дебакл во реваншот во Баку. Карабаг победи со 5:1.
Почетокот на натпреварот ветуваше бидејќи Тамба во 10.минута и донесе водство на Шкендија и во тој момент ја анулира предноста на Азербејџанците.
Потоа играчите на Шкендија влегоа во „црна дупка“, од која не успеаја да излезат 19 минути. Во периодот од 16. до 35.минута Карабаг постигна четири гола. Цаке си постогна авто-гол, а потоа погодија Кади, Акундзаде и Јанковиќ од пенал Точка на натпреварот стави Леандро Андраде во 59.минута.
Шкендија во плеј-офот за пласман во Лига Европа ќе игра со поразениот од пресметката меѓу Лудогорец и Ференцварош.
Фото/ Принтскрин
Спорт
Балотели: Жалам што не се трудев повеќе во кариерата

Марио Балотели (34), поранешен италијански репрезентативец, ја напушти Џенова откако му истече едногодишниот договор. Контроверзниот напаѓач одигра само шест натпревари во текот на минатата сезона. Денес е слободен играч кој бара нов клуб.
„Мојот сон беше да играм за Реал Мадрид. Денес само барам клуб кој ќе верува во мене. Сакам да играм уште две или три години. Потоа ќе одам кај мојот брат Енок. Тој сега игра за Вадо. Тоа е аматерски тим. Му ветив дека ќе ја завршам кариерата играјќи со него“, рече тој во интервју за „Газета дело Спорт“.
Тој зборуваше и за италијанската репрезентација, вели дека му е жал што не играл повеќе за Италија.
„По сè низ што поминав, мислам дека можев да се потрудам повеќе. Жал ми е што повеќе не играв во репрезентацијата. Некои луѓе дури и не ме сакаа во репрезентацијата, но тоа е минато. Сега селектор е Џенаро Гатузо. Му посакувам се најдобро. Тој е личност која дефинитивно ќе го даде својот максимум“, рече Балотели ден пред неговиот 35-ти роденден.
Балотели сега ќе го бара 12-от клуб во својата професионална кариера. Досега играл за Интер, Манчестер сити, Милан, Ливерпул, Ница, Марсеј, Бреша, Монца, Адана Демирспор, Сион и Џенова.
Foto/ EPA/JEAN-CHRISTOPHE BOTT