Спорт
Гатузо: Татко ми ќе ме тепаше ако не потпишев за Ренџерс
![](https://makfax.com.mk/wp-content/uploads/2022/12/ezgif-1-9430236737-e1672075312910.jpg)
Џенаро „Рино“ Гатузо открива дека неговиот татко се заканил дека ќе го истепа ако не потпише за Ренџерс поради парите кои ги нуделе за трансферот. Поранешниот италијански фудбалер, кој сега е тренер на Валенсија, пристигна на „Ајброкс“ во 1997 година, пред само година подоцна да биде продаден за 4 милиони фунти на Салернитана бидејќи новиот тренер Дик Адвокат не го „мирисаше“.
По ова, тој потпиша за Милан, со кои освои две титули од Серија А и две од Лигата на шампионите, како и светска титула со Италија во 2006 година.
„Не сакав да одам во Глазгов. Одиграв ва меча во Серија Б и влеговме во Серија А со Перуџа, каде што играв осум меча без договор. Потоа играв и на У-19 финалето со Италија. Еден ден дојде мојот татко и ми кажа дека луѓето од Глазгов ренџерс се во градот и дека ми нудат договор. Не сакав да одам и му го кажав тоа. Тој ми кажа дека парите кои ги нудат се големи и дека не можел да ја напише цифрата. Тоа беше четири пати повеќе од неговата вкупна заработувачка во животот. Кога му повторив дека не одам, тој ми кажа дека ќе ме истепа ако не го прифатам. Така станав играч на Ренџерс. Отидов во Глазгов и не знаев никого и не знаев два збора на англиски. Но, по две недели, изгледав повеќе како Шкотланѓанец од вистинските Шкотланѓани. Тренирав три-четири пати дневно и се градев со тој менталитет. Знаев дека немам добра техника, но бев подготвен да го убијам противникот. Го посветив мојот живот на фудбалот“, вели Гатузо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Осимен во живо на Инстаграм му врачи отказ на селекторот
![](https://makfax.com.mk/wp-content/uploads/2024/06/unnamed.jpg)
Виктор Осимен, нигериски напаѓач вреден 100 милиони евра, со една објава на Инстаграм „му врачи“ отказ на селекторот Финиди Џорџ.
Нигерија не игра добро во квалификациите за Светското првенство, а по поразот од Бенин, прашање е дали оваа репрезентација ќе избори место на Мундијалот во 2026 година.
Осимхен поради повреда ги пропушти натпреварите против Јужна Африка и Бенин (реми и пораз) во квалификациите за Светското првенство.
Селекторот Финиди Џорџ наводно рекол дека не можел да го моли Осимхен на колена да игра за Нигерија. Оваа изјава предизвика без кај напаѓачот на Наполи.
Во директен пренос на Инстаграм му одговори на селектор: „Се повредив на последниот натпревар во првенството и не прифаќам шпекулации. Секогаш играв со срце за репрезентацијата и покрај повредите. Изгубив секаква почит кон тренерот. Ќе му го покажам мојот здравствен картон. Јас барав да бидам со соиграчите и покрај тоа што сум повреден“.
После тоа, некој од неговиот тим му го зеде мобилниот телефон на Осимхен.
Финиди по оваа објава доби отказ. На функцијата селектор на Нигерја се задржа само два месеци.
Victor Osimhen lambastes Finidi George for singling him out for criticism.
— YabaLeftOnline (@yabaleftonline) June 15, 2024
Спорт
Јувентус го купува Даглас Луиз и неговата девојка
![](https://makfax.com.mk/wp-content/uploads/2024/06/maxresdefault.jpg)
Бразилецот Даглас Луиз (26) е на прагот на трансфер во Јувентус. Играчот на Астон Вила постигнал договор со италијанскиот клуб и во следните четири години би требало да заработува околу пет милиони евра по сезона. Луиз е еден од најдобрите играчи за врска во Премиер лигата, а минатата сезона постигна десет гола и исто толку асистенции на 53 натпревари.
Според „Трансфермаркт“, Бразиелцот вреди 70 милиони евра. Јувентус нема толку пари, па Италијанците смислија опција која Англичаните ќе ја прифатат. Имено, Јувентус ќе плати нешто повеќе од 20 милиони евра и ќе ги испрати во Астон Вила, Вестон Мекени (25) кој вреди 28 милиони евра и англиското крило Семјуел Илинг-Џуниор (20) кој вреди 13 милиони евра.
Вила сака да ги донесе двајцата и е подготвена да се откаже од својот клучен играч.
Сепак, овој трансфер ќе има и една многу необична ставка.
Освен Луиз, Јувентус ќе го реализира и трансферот на неговата девојка Алиша Леман (26). Таа е една од најпопуларните фудбалерки во светот и е дел од женската екипа на Астон Вила. Таа е репрезентативка на Швајцарија, за која има 53 настапи и постигнато девет голови.
Покрај тоа што игра добро фудбал, Леман е популарна и поради атрактивниот изглед и има речиси 17 милиони следбеници на Инстаграм, а нејзиното доаѓање во женската екипа на Јувентус во пакет со Луиза не само што би било фудбалски туку и маркетиншки потег.
Луиз наводно инсистирал и Леман да биде вклучена во неговиот трансфер.
Спорт
Пикси: А зошто да не ги нападнеме Англичаните?
![](https://makfax.com.mk/wp-content/uploads/2024/06/Untitled-1_piski_slem.jpg)
Фудбалската репрезентација на Србија, вечерва во Гелзенкирхен, ќе дебитира на Европските првенства под ова име. Србите, во Д групата за противник ја имаат селекцијата на Англија.
Во Србија за разлика од Светското првенство во Катар, нема некоја голема еуфорија. Целта е да се помине групата, во која уште се Данска и Словенија.
„Многу сум порелаксиран, помирен во споредба со Катар. Верувам, ги чувствувам и играчите… Тогаш имавме мала болница со нас, сега е многу подобро“, рече српскиот селектор, Драган Стојковиќ и дополни.
„Зошто да не ги нападнеме Англичаните? Ја почитуваме моќта на Англија, Србија нема да чека и да гледа како игра еден од фаворитите на првенството. Ќе се обидеме да одиме напред, офанзивно. Го познавам тимот, би било глупо да не го знам. Убеден сум дека играчите ќе дадат се од себе за да ги испочитуваат договорите. Исто така го знам и англискиот тим, но тука ќе го оставам Саутгејт да зборува“.
Дуелот Србија-Англлија во Гелзенкирхен ќе започне во 21 часот.