Спорт
Газдата проговори: Ливерпул не е на продажба, бараме инвеститори
Сопственикот на Ливерпул, американскиот бизнисмен Џон Хенри инсистира дека славниот англиски клуб не е на продажба, туку дека компанијата „ФСГ“ само бара нови инвеститори.
Во ноември, „Фенвеј спортс груп“ објавија дек бараат нови инвеститори во обид за рекапитализација, но повеќе англиски медиуми тврдеа дека се размислува и за целосн продажба на клубот. „Црвените“ се проценети на 3.75 милијари фунти и повеќе инвеститори од Саудиска Арабија и Катар беа заинтересирани за преземање на клубот.
Но, сега, Хенри, кој ретко дава изјави за јавноста, појасни дека во блиска иднина нема да дојде до продажба на клубот, одговарајќи прашања од новинарите кои го следат безбол тимот, Бостон ред сокс, кои исто така се во нгова сопственост.
„Знам дека имаше многу разговори и цитирани изјави за ЛФЦ, но јас ќе останам на фактите: ова е само формализирање на постојан процес. Дали ќе бидеме во Англија засекогаш? Не. Дали го продаваме ЛФЦ? Не, зборуваме со инвеститори за ЛФЦ. Верувам дека нешто ќе се случи во тој план, но нема да биде продажба. Дали сме продале нешто последните 20 години?“, одговори Хенри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот играч на Џенова обвинет за силување
Алберт Гудмундсон, фудбалер од Џенова, се соочува со повеќегодишна затворска казна доколку биде прогласен за виновен за сексуален напад.
Исланѓанецот во август бил пријавен од девојка од Рејкјавик, која тврди дека ја малтретирал во ноќен клуб.
Гудмундсон тврди дека не е виновен, но така не мисли правниот застапник на девојката. Тој тврди дека фудбалерот би можел да помине и до 16 години зад решетки.
„Секој што има сексуални односи со лице без нејзина согласност е виновен за силување и може да добие затворска казна од најмалку една година до најмногу 16 години“, изјави адвокатот на споменатата девојка.
Според тамошните медиуми, Гудмундсон наесен ќе се појави на суд, што би можело да го коммпромитира неговиот евентуален трансффер во поголем клуб.
Оваа сезона Гудмунсон постигна 14 голови. На листата најдобри стрелц пред него беа само големите ѕвезди: Лаутаро Мартинез (24), Душан Влаховиќ (16), Оливие Жиру и Виктор Осимен (15).
Спорт
Лестер соочен со рекордно одземање на поени
Лестер ексрепсно се врати во Премиер лигата. Под водство на сега веќе новиот тренер на Челси, Енцо Мареска, Лестер го освои првото место во Чемпионшип дивизјата.
„Лисиците“ започнаа да ги кројат плановите за следната сезона, но прашање е како сето тоа ќе изгледа бидејќи клубот се соочува со жестока казна поради прекршување на финансискиот фер-плеј.
„Лестер Сити може да биде казнет со одземање бодови. Не се знае точно колкава ќе биде казната за прекршување на финансискиот фер-плеј. Таа треба да биде меѓу шест и 15 поени. Тоа би било тежок удар за амбициите на клубот да остане во Премиер лигата“, пишува „Телеграф“.
Најголемата казна кога е во прашање одземањето бодови од англиската Премиер лига е доделена во сезоната 2009/10. На Портсмут тогаш беа одземени девет бода, поради што клубот не успеа да избори опстанок во Чемпионшип дивизијата.
Спорт
ЦИЕС: Белингем пред Халанд, Англичанецот има најголема вредност на фудбалскиот пазар
Меѓународен центар за спортски студии (ЦИЕС), фудбалска опсерваторија со седиште во Нојшател, Швајцарија ја објави листата на 100-те највредни фудбалери во светот.
Листата ја предводи играчот од средниот ред на англиската репрезентација и Реал Мадрид, Според ЦИЕС, вредноста на Џуд Белингем на фудбалскиот пазар изнесува 280 милиони евра.
На второ место е напаѓачот на Манчестер сити, Норвежанецот Ерлинг Халанд чија пазарна вредност е 255 милиони евра, а трет е напаѓачот на Реал Винисиус Жуниор (240 милиони евра).
Во Топ пет на листата има тројца играчи на Реал и двајца на Манчестер сити. Петмина во Топ 10 настапуваат во Премиер лигата, четворица во Шпанија, еден во Бундес лигата.
Топ 10 највредни играчи според ЦИЕС:
1. Џуд Белингем (Англија / Реал Мадрид), 280 милиони евра
2. Ерлинг Халанд (Норвашка / Манчестер сити), 255
3. Винисиус Жуниор (Бразил / Реал Мадрид), 240
4. Родриго Гоес (Бразил / Реал Мадрид), 220
5. Фил Фоден (Англија / Манчестер Сити), 203
6. Букајо Сака (Англија / Арсенал), 195
7. Хулијан Алварез (Аргентина / Манчестер сити), 168
8. Ламине Јамал (Шпанија / Барселона), 140
9. Мартин Одегард (Норвашка / Арсенал), 135
10. Флоријан Вирц (Германија / Баер Леверкузен), 133