Познатиот бразилски фудбалер Ривалдо порача дека Ламин Јамал, треба да има повеќе опции во својата игра и дека неговата сегашна игра, нема да му помине во иднина.

Легендарниот Ривалдо е еден од ретките што го критикуваат Јамал. Тој го направи тоа по натпреварот со Челзи во Лигата на шампионите, кој каталонскиот тим го загуби со 3:0, а Јамал беше невидлив на теренот.

Ривалдо ја откри слабоста на ѕвездата на Барселона. Ламине едноставно не го користи целиот талент што го има, а го користат и противниците.

„Ламин против Челзи не беше успешен затоа што го чуваа добро. Во такви случаи, мислам дека мора да има повеќе опции во играта, поголема разновидност“, вели Ривалдо и продолжува: „Тој не може само да игра десно и секогаш да ги повторува истите движења. За вештините што ги има, тоа е премалку за него.“

„Кога се соочува со дефанзивец кој го познава добро, како што беше случајот против Челзи, лесно е да се запре“, рече Ривалдо.

Легендарниот Ривалдо го носеше дресот на Барселона пет години. Тој пристигна на „Камп Ноу“ во 1997 година од Депортиво Ла Коруња и остана до 2002 година.

Како играч на Барселона, тој беше прогласен за најдобар играч во светот во 1999 година. Освои два трофеи во Ла Лига.

Вкупно, тој одигра 235 натпревари за каталонскиот гигант и постигна вкупно 130 голови и 49 асистенции.

Четирикратниот последователен светски шампион и актуелен владетел на „најбрзиот циркус“, Макс Верстапен, ја загреа атмосферата пред претпоследната трка во сезоната, можеби клучна за рапслет во шампионската трка.

Ферстапен, кој е трет во генералниот пласман зад Норис и Пјастри, рече дека веќе ќе ја обезбедел титулата доколку бил зад воланот на Мекларен.

Провокацијата на Холанѓанецот, или тоа е само негова проценка, следеше по квалификациите за неделната трка во Катар, која, во случај на победа на Норис, би ја решила трката за шампионската титула.

Макс ќе ја започне трката трет, зад двата Мекларена, а ако заврши зад Норис, математички нема да има шанси да ја одбрани титулата.

„Сè уште сме далеку, но среќен сум бидејќи успеавме да надминеме некои граници. Беше тешко да се освои првото место, но ќе видиме како ќе возиме во недела“, рече Холанѓанецот по завршувањето на квалификациите.

„Да возев Мекларен, ќе ја обезбедев титулата многу порано“, испрати Холанѓанецот јасна порака до своите конкуренти.

Неговите зборови многу брзо му беа пренесени на Норис, кој не се двоумеше да одговори.

„Тој е слободен да каже што сака. Го заслужил тоа, има четири титули, го почитувам. Понекогаш знае што зборува, но понекогаш нема поим. Но, тоа е начинот на Ред Бул: тој е агресивен и зборува глупости. Ние сме фокусирани на нас“, рече Норис.

Пред трката за Големата награда на Катар, Норис води со 396 поени, Пјастри е втор со 374, Ферстапен е трет со 371.

Претпоследната трка во сезоната на патеката „Лосаил“ ќе започне во 17 часот по македонско време.

Foto/ EPA

Јувентус, вчера, го победи Каљари со 2:1, но остана без првиот напаѓач, Душан Влаховиќ. Репрезентативецот на Србија, побара измена во 30 минута.

Препоната е проблемот со кој се соочи Влаховиќ во текот на натпреварот. Со болна гримаса, во очај, Влаховиќ се упати кон клупата кога од неговите усни можеа да се прочитаат зборовите упатени до тренерот Спалети.

„Мистер, мислам дека гадно се повредив“.

На прес-конференцијата, тренерот на Јувентус потврди дека српскиот фудбалер ќе мора да мирува некое време, не е сигурен колку долго, но стравува дека тоа ќе биде подолг период.

„Го одморив против Боде/Глимт бидејќи не сакав да го преоптоварувам, но и покрај таа претпазливост, тој се повреди. Според мене, тој скапо плати за ударот што не го изведе како што сакаше – ако имаше целосен контакт со топката, немаше да се повреди. Штета, ќе бидеме без него долго време.“

Точниот степен на повредата на Влаховиќ ќе се знае во текот на денот кога ќе биде подложен на детални прегледи во амбулантата на клубот.

Лошата среќа со Влаховиќ доаѓа во лошо време за Јуве, пред месецот во кој тимот ќе игра со кандидати од врвот на табелата: Наполи, Болоња и Рома.