Спорт
„Газдите направија голема грешка кога платија 95 милиони за Антони“

Крилниот напаѓач на Манчестер јунајтед, Антони, имаше кошмарен почеток на сезоната. Бразилскиот репрезентативец минатата сезона беше доведен за 95 милиони евра од Ајакс. Јунајтед за него плати многу над цената што тогаш му ја одреди „Трансфермаркт“ (35 милиони евра), но тренерот на Манчестер јунајтед, Ерик тен Хаг беше убеден дека инвестицијата ќе се исплати. Тен Хаг му беше тренер на Антони во Ајакс.
Денес ситуацијата е поинаква. Антони оваа сезона одигра девет натпревари, од кои седум во првенството, нема постигнато, ниту пак запиша асистенција. Како воопшто Јунајтед дојде во ситуација да потроши толку пари на играч кој не му е корисен, објасни Гери Невил, легендарниот играч на Манчестер јунајтед.
„Клубот беше во паника и сопствениците ги прифатија предлозите да ги купат Касемиро и Антони. Сопствениците се виновни бидејќи им недостасуваше лидерство. Во Ајакс не можеа да веруваат дека Манчестер јунајтед им нуди толку пари. Антони мора да игра подобро, но тој трансфер не е вистинскиот потег во овие околности“, објасни Невил.
За свои стандарди, Манчестер јунајтед игра слабо. Во Премиер лигата има пет победи и пет порази. Во последниот натпревар лесно загуби на домашен терен од Манчестер сити со 0:3.
Што се однесува до Антони, тој имаше проблеми на почетокот на сезоната бидејќи неговата поранешна девојка го обвини за злоупотреба. Сепак, Тен Хаг го остави во тимот додека не се докаже дека е виновен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Бонмати ја освои третата Златна топка по ред

Во машкиот фудбал, добитниците на Златната топка се менуваат, но во женскиот фудбал, апсолутната доминација на Аитана Бонмати продолжува.
Шпанската репрезентативка, фудбалерка на Барселона ја освои оваа престижна награда трет пат по ред.
По 2023 и 2024 година, Бонмати ја победи сонародничката и фудбалерка на Арсенал, Марион Калдентај, во овогодинешната трка.
Лионел Меси и Мишел Платини се единствените кои ја освоиле Златната топка три пати по ред, додека во женскиот фудбал, Бонмати е првата во историјата со таква серија.
Фото/ Принтскрин
Спорт
Усман Дембеле ја освои Златната топка

Напаѓачот на ПСЖ и репрезентацијата на Франција, Усман Дембеле ја освои „Златната топка“. Наградата на 69-то издане му беше врачена на гала церемонијата во Париз.
Дембеле, минатата сезона со Пари Сен Жермен ги освои Лигата на шампионите, Лига 1, Суперкупот на Европа, Купот и Суперкупот на Франција.
Усман Дембеле ја освои „Златната топка“ пред Ламин Јамал, кој беше втор и Витиња, кој го освои третото место. Следуваат Мо Салах, Рафиња, Ашраф Хакими, Килијан Мабпе, Кол Палмер, Џиџи Донарума, Нино Мендеш.
Дембеле официјално стана шестиот француски фудбалер кој ја освоил „Златната топка“, по Рејмон Копа, Мишел Платини, Жан-Пјер Папен, Зинедин Зидан и Карим Бензема.
Bravo Ousmane ! 🇫🇷#ballondor pic.twitter.com/7TA1oSpjub
— Ballon d'Or (@ballondor) September 22, 2025
Спорт
(Видео) Марсеј по пауза од 14 години на „Велодром“ го победи ПСЖ

Фудбалерите на Олимпик Марсеј го победија Пари Сен Жермен со 1:0 во петтото коло од Лига 1.
Марсеј победи благодарение на единствениот гол на натпреварот, на почетокот од натпреварот.
Се играше петтата минута кога Наиф Агерд постигна гол за водство на Марсеј од 1:0. Интересно е што тоа беше единствениот удар во рамките на голот на домашната екипа.
Пари Сен Жермен постојано напаѓаше, пропушти неколку добри шанси, но на голот на Марсеј блескаше Аргентинецот Херонимо Руљи.
Marseille 1×0 PSG
⚽️ Nayef Aguerd
Meh pic.twitter.com/LmsDySWzeV
— PICO from Portugal 🇵🇹 (@PortugalPico) September 22, 2025
Инаку ова е прав победа на Марсеј на домашен терен над ПСЖ по цели 14 години. Исто така ПСЖ го доживеа вториот пораз на последните 44 гостувања во Лига 1.
Пари Сен Жермен сега е израмнет со Монако, Лион и Стразбур, сите имаат по 12 бода и се на врвот на табелата, додека Марсеј е на шестото место со девет бода.
Во наредната рунда, ПСЖ ќе го пречека Оксер, додека Марсеј гостува кај Стразбур.
Фото/ Принтскрин