Спорт
„Газета“: Манчини ќе биде селектор на Саудиска Арабија и ќе заработи 120 милиони евра
Роберто Манчини ќе стане нов селектор на Саудиска Арабија, пишува „Газета дело спорт“. По оставката на селекторската функција на италијанската репрезентација, Манчини наводно добил понуда со која за три години на клупата на Саудиска Арабија, која остана без селектор по заминувањето на Ерве Ренар, ќе заработи 120 милиони евра.
Сепак, тој засега ги демантира тие информации.
„За мене Италија отсекогаш била приоритет. После толку години на оваа позиција добивам различни предлози кои ќе ги проучувам во наредните недели, но во моментов нема ништо конкретно. Така што Саудиска Арабија нема никаква врска со тоа“, изјави Манчини за италијанските медиуми.
За да ја објасни својата одлука, Манчини го впери прстот кон Италијанската фудбалска федерација (ФИГЦ), конкретно кон претседателот Габриеле Гравина, кого ја обвинува за недоверба и кадровски промени, особено за заминување на неговите помошници.
„Размислував за тоа со месеци и беше време да заминам бидејќи кога некои работи, некои ситуации ќе се променат одвнатре без мене, тоа значи дека одиме кон крајот“, објасни тој.
„Според мое мислење, повеќе не бевме на иста бранова должина со раководството на ФИГЦ, секогаш е подобро да се предвиди пред да се случи нешто посериозно. Тоа е одлука што ја донесов со голема тага бидејќи се грижев за „аѕурите“. Ако сакаа да ме задржат, можеа. Дали требаше да заминам порано? Веројатно“, изјави поранешниот тренер на Интер и на Манчестер Сити.
ФИГЦ веќе размислува за Антонио Конте и за Лучијано Спалети како можни наследници на Роберто Манчини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Синер го декласира Де Монор, во полуфиналето го чека Шелтон
Јаник Синер експресно се пласираше во полуфиналето на Австралија опен. Најдобриот светски тенисер го совлада Австралиецот Алекс Де Минор со 6:3, 6:2, 6:1 за помалку од два часа игра.
Синер против Де Минор одигра речиси перфектен меч во кој на својот ривал му дозволи само една брејк топка. Од друга страна, Де Минор немаше решение за агресивната игра на Синер.
Првиот сет беше решен во петтиот гем, кога Јаник ја реализираше втората брејк топка и потоа без многу мака дојде до водство од 1:0.
Ништо не се смени и во вториот сет. Брејк во првиот гем, уште еден во петтиот и по час и 20 минути на Род Лејвер арената, Синер имаше два сета предност.
Третиот сет беше само формалност. Забележлово беше дека Де Минор полека се откажува. Синер набрзина стигна до 4:0 и лесно го заврши сетот.
Синер во петок ќе игра за место во финалето против Бен Шелтон. Американецот претходно го победи сонародникот на СИнер, Лоренцо Сонего, по речиси четири часа игра со 6:4, 7:5, 4:6, 7:6.
Синер и Шелтон досега одиграа пет натпревари и резултатот е 4:1 за Италијанецот. Американецот го доби само првиот меч во Шангајво 2023 година, а во следните четири не освои ниту еден сет против Синер.
Спорт
Гринвуд ја одјави Англија, ќе игра за Јамајка
Фудбалерот на Олимпик Марсеј, Мејсон Гринвуд во иднина ќе игра за репрезентацијата на Јамајка.
Според англиските медиуми, поранешниот фудбалер на Манчестер јунајтед има право на јамајканско државјанство бидејќи неговиот татко е роден во таа земја.
Ова ќе биде големо засилување за тимот на Стив Мекларен, кој ја презеде репрезентацијата на Јамајка.
Гринвуд оваа сезона одигра 20 натпревари за Марсеј, постигна 13 гола и запиша четири асистенции.
Фудбалерот со англиско потекло ќе има право да и се приклучи на националниот тим на Јамајка, иако во кариерата ги минал сите младински селекции на Англија.
Спорт
Рафиња нападнат во тунелот на „Ла Луж“, интервенирала полицијата
Спектакуларнит натпревар на „Ла Луж“ во Лисабон, меѓу Бенфика и Барселона (4:5) има и трето полувреме. Во тунелот, играчот на Барселона имал блиска средба со неколку фудбалери на Бенфика. Според извештаите, на шпанските медиуми, интервенирала и полицијата.
Бенфика испушти предност од два гола 3:1 и 4:2, загубија од Барселона и веднаш по последниот судиски свиреж го оплојија судијата Дани Макели. Домашните смеаат дека судијата жестоко ги оштетил во 94.минута кога не досудил чист пенал за нив по стартот на Касадо врз Бареиро. Макели дозволи играта да продолжи, а во контранападот Рафиња го постигна голот за победа на Барселона.
Фудбалерите на Барселона бучно го прославија неочекуваниот триумф, а тоа не им се допадна на домаќините. Неколку играчи на Бенфика го нападнале Рафиња во тунелот. Шпанските медиуми јавуваат дека полицијата морала да интервенира. Рафиња го потврди судирот.
„Ме навредуваа, а јас возвратив. Да ме почитуваа, ќе ги почитував. Наместо тоа, ме навредуваа, но јас не им останав должев. Херојот на Барселона додаде: Ова е мојот најдобар натпревар. Горд сум што сум во Барса и овој тим. Би убил и би умрел за овој клуб“.
Тренерот на Бенвика, Бруно Лаж, на прес конференцијата посочи дека судијата немал ист критериум.
„Мислам дека тоа судијата направи голема грешка. Во ситуации како оваа, судиите мора да имаат слични критериуми во однос на казните. Погледнете го ова. Ако го досуди оној пенал за Барселона, мораше и за нас“.