Спорт
Гебдан е херојот, десеткуваниот Вардар освои бод против Кјлеце
Вардар и Виве Кјелце одиграа 28:28 (17:16) во дерби мечот одигран во рамките на седмото коло во Лигата на шампионите. Херој на Вардар е алжирскиот голман Калифа Гебдан кој бранеше неверојано во второто полувреме.
Вардар на овој натпревар беше соочен со големи кадровски проблеми, практично црвено-црните играа без класичен бек-шутер. Во отсуство на Криштопанс на позицијата десен бек играше Чупиќ, а откако во вториот дел се повреди Атман позицијата лев бек ја презеде Дибиров.
Носени од френетичната публика вардарци „летаа“ по теренот на отворањето на натпреварот. Големи проблеми Кјелце имаа со нападот „7 на 6“ што го форсираше тренерот Кокшаров.
Стекнаа предност 6:3 во осмата минута, а на половина од првиот дел имаа 10:5. Полјаците возвратија со серија од три гола, а во 26 минута го имаа првото водство 14:15. Сепак предност од еден гол на полувреме имаше Вардар (17:16).
Вардар добро влегоа и во второто полувреме во 33 минута секнаа предност од четири гола (20:16) и тука застанаа. Во перидот од 33 до 46 минута Кјелце направија серија 2:9 и поведоа со 22:25.
Во тие критични моменти стапи на сцена голманот Гебдан. Имаше неколку фантастични интервенции два пати одбрани удари од седум метри, а во последните 90 секунди со две одбрани против Јуркиевич практично му обезбеди бод на Вардар.
Скубе со седум и Чупиќ со гол поалку го предводеа Вардар. Гебдан имаше 12 интервенции, 10 од нив во второто полувреме. Кај Кјелце се истакнаа Јанц со седум и Фернандез со шест гола.
Во наредното коло, на 16 ноември, Кјелце ќе го пречека Вардар.
фото/sport.onet.pl
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Розениор тренер на Челзи до 2032 година
Досегашниот тренер на Стразбур, Лиам Розениор, е назначен за тренер на Челзи.
41-годишниот Англичанец ќе го замени Енцо Мареска, кој го напушти клубот на Нова година. Розениор и Челзи договорија соработка до 2032 година.
„Не можев да ја одбијам оваа можност да се приклучам на неверојатен клуб и неверојатен тим кој го освои Светското клупско првенство“, рече Розениор.
Стразбур е дел од групацијата „BluCo“, во сопственост на Тод Боли и „Клирлејк Капитал“, која исто така управува со Челзи.
„Ќе го сакам овој клуб до крајот на животот, но не можам да го одбијам Челзи“, рече новиот стратег на двократните европски шампиони.
Лиам Розениор претходно го водеше Хал Сити и беше привремен менаџер во Дерби Каунти. Својата тренерска кариера ја започна како тренер на младинскиот тим на Брајтон.
Како фудбалер играше во Бристол Сити, Фулам, Рединг, Хал и Брајтон.
Челзи моментално е на петтото место во Премиер лигата.
Foto/ EPA
Спорт
Португалец и Аргентинец го засилија нападот на Вест Хем
Вест Хем Јунајтед вложи 50 милиони евра во двајца напаѓачи, во обид да избори опстанок во Премиер лигата. „Чеканите“ се 18-ти на табелата, со 14 поени и само три победи во првите 20 натпревари.
Нови играчи на Вест Хем се Валентин Тати Кастељанос и Пабло Фелипе.
Трансферот на Кастељанос од Лацио ги чини „чеканите“ 29 милиони евра. Овој напаѓач е еден од ретките што испеал против Реал Мадрид да постигне четири гола. Тоа беше во периодот кога играше во Џирона.
Од Џирона се пресели во Лацио, каде не успеа да се наметне. На 98 натпреври за небесносините постигна само 22 гола.
Пабло Фелипе е 22-годишник кој пристигна од редовите на Жил Висенте. Со 10 гола во 13 натпревари, тој ги одведе до четвртото место во лигата, резултат што ги надмина сите очекувања.
Тимот од главниот град на Англија плати 23 милиони евра за португалскиот играч, што е висока цена за некој што постигнал само 15 гола во својата професионална кариера до оваа сезона.
Спорт
Росениор потврди дека е новиот тренер на Челзи
Лиам Розениор ќе стане новиот менаџер на Челзи.
Сега веќе поранешниот тренер на Стразбур, ова го потврди за медиумите, дури и пред официјалното соопштение од „Стемфорд Бриџ“.
„Ова беше неверојатна можност да бидам во неверојатен клуб, кој е светски шампион и едноставно не можев да ја одбијам. А сега конечно можам да си одам дома, да ги видам моите деца. Жртвував многу за да бидам толку далеку од нив. Последните 18 месеци во Стразбур се најдобриот период од мојата кариера. Во текот на последните 18 месеци од мојата кариера во Стразбур запознав некои неверојатни луѓе и ништо од ова немаше да се случи без напорната работа на сите во клубот. Немав понуда само од Челзи, имаше и други од Лигата на шампионите, но не можев да ја одбијам оваа можност“, подвлече Розениор.
Се очекува новиот менаџер да дебитира за време на викендот во ФА Купот против Чарлтон.
Foto/ EPA

