Спорт
Гебдан е херојот, десеткуваниот Вардар освои бод против Кјлеце
Вардар и Виве Кјелце одиграа 28:28 (17:16) во дерби мечот одигран во рамките на седмото коло во Лигата на шампионите. Херој на Вардар е алжирскиот голман Калифа Гебдан кој бранеше неверојано во второто полувреме.
Вардар на овој натпревар беше соочен со големи кадровски проблеми, практично црвено-црните играа без класичен бек-шутер. Во отсуство на Криштопанс на позицијата десен бек играше Чупиќ, а откако во вториот дел се повреди Атман позицијата лев бек ја презеде Дибиров.
Носени од френетичната публика вардарци „летаа“ по теренот на отворањето на натпреварот. Големи проблеми Кјелце имаа со нападот „7 на 6“ што го форсираше тренерот Кокшаров.
Стекнаа предност 6:3 во осмата минута, а на половина од првиот дел имаа 10:5. Полјаците возвратија со серија од три гола, а во 26 минута го имаа првото водство 14:15. Сепак предност од еден гол на полувреме имаше Вардар (17:16).
Вардар добро влегоа и во второто полувреме во 33 минута секнаа предност од четири гола (20:16) и тука застанаа. Во перидот од 33 до 46 минута Кјелце направија серија 2:9 и поведоа со 22:25.
Во тие критични моменти стапи на сцена голманот Гебдан. Имаше неколку фантастични интервенции два пати одбрани удари од седум метри, а во последните 90 секунди со две одбрани против Јуркиевич практично му обезбеди бод на Вардар.
Скубе со седум и Чупиќ со гол поалку го предводеа Вардар. Гебдан имаше 12 интервенции, 10 од нив во второто полувреме. Кај Кјелце се истакнаа Јанц со седум и Фернандез со шест гола.
Во наредното коло, на 16 ноември, Кјелце ќе го пречека Вардар.
фото/sport.onet.pl
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дождот направи хаос, Норис пред Хамилтон и Алонсо на пол-позицијата за спринт трката во Шангај
Ландо Норис најдобро се снајде во хаотичните услови во квалификациите за првата спринт трката оваа сезона во Формула 1, Големата награда на Кина.
Дождот им создаде големи проблеми на возачите, а во такви услови најдобар беше пилотот на Мекларен. Норис забележа време 1:57.940 минути, кое беше за 1,2 секунди подобро времето на Луис Хамилтон (Мерцедес) и 1,9 секунди побрзо од времето на Фернандо Алонсо (Астон Мартин).
Искуството на Хамилтон и Алонсо пресуди во борбата со пилотите на Ред Бул и Ферари кои возат подобри болиди.
Актуелниот светски првак, Макс Ферстапен спринтот в Шангај ќе го започне од четвртото место, зад него се Карлос Саинц (Ферари), Серхио Перез (Ред Бул), Шарл Леклер (Ферари), Оскар Пјастри (Мекларен), Валтери Ботаси и Жу од Заубер.
Спринт трката во пресрет на Големата награда на Кина, утре се вози во 5 часот по македонско време. Квалификациите за главната трка ќе се одржат четири часа подоцна. Големата награда на Кина започнува во недела во 9 часот.
Спорт
„Им посакувам сѐ најдобро на моите браќа на Олимпијадата, јас не сум доволно добар“
Кошаркарот на Далас Кајри Ирвинг не се најде на списокот на репрезентацијата на САД за претстојните Олимписки игри во Париз.
Плејмејкерот на Маверикс изјави дека не е изненаден што не е меѓу 12-те избрани за олимпискиот турнир.
Ирвинг, освои злато со тимот на САД на Олимпијадата во 2016 година во Рио де Жанеиро.
„Им посакувам се најдобро на моите браќа. Едноставно не бев доволно добар за овој тим“, рече Ирвинг.
„Процесот на изборот беше тежок. Но, повторно, немам ништо друго освен почит кон овие момци. Во овој момент од мојата кариера, мислам дека мојот фокус треба да биде на освојување на шампионатот“, додаде бекот на Далас.
Тимот на Стив Кер во Париз го сочинуваат Леброн Џејмс, Девин Букер, Џејсон Тејтум, Кави Ленард, Џоел Ембид, Тајрис Халибартон, Џру Холидеј, Бем Адебајо, Стеф Кари, Ентони Дејвис, Ентони Едвардс и Кевин Дурент.
Спорт
Нема повеќе повторување на натпревари во ФА Купот
Фудбалската асоцијација на Англија (ФА), објави дека од следната сезона, во ФА купот нема да се преигруваат натпреварите кои ќе завршат без победник. Правилото, старо колку и самото натпреварување, од следната сезона ќе важи само во квалификациите. за повторување ќе важи само во квалификациите.
Укинувањето на повторувањата е само еден од неколкуте чекори договорени од ФА и Премиер лигата во следните шест години.
Во иднина сите натпревари од ФА Купот ќе се играат за викенди, со исклучок на четвртото коло, во кое натпреварите ќе се играат од петок до среда. Во четвртото и петтото коло од ФА Купот нема да се играат натпревари од Премиер лигата.
Финалето на ФА Купот ќе се одигра во претпоследниот викенд од сезоната во Премиер лигата. Тој ден нема да се играат натпревари од Премиер лигата. Во петок, на ден пред финалето на ФА Купот, нема да има натпревари од Премиер лигата.
Промените во ФА Купот ќе донесат поинаков вид посветеност на Премиер лигата. Прво, Премиер лигата ќе обезбеди дополнителни 33 милиони фунти за фудбалот, покрај 100-те милиони фунти што досега ги плаќаше на крајот од секоја сезона.
Покрај тоа, Премиер лигата ги задржува сите претходни обврски – на секои три години Премиер лигата исплаќа 1,6 милијарди фунти за сите нивоа во машка и женска конкуренција за да помогне во развојот на фудбалот.
Одлучено е и Комјунити Шилд натпреварот за сезоната 2024/25 да се одигра во сабота на 10 август. Една недела подоцна ќе започне сезоната во Премиер лигата.