Тешки денови се пред најтрофејниот италијански клуб Јувентус. Обвинителството покрена истрага, поради финансиски малверзации, поради што Управниот одбор на чело со претседателот Андреа Ањели поднесе оставка.

Андреа Ањели, поранешниот претседател на „бјанконерите“ е главен обвинет. Покрај книговодството, обвинението вклучува и манипулација со акциите на берзата, и контроверзната со платите во периодот кога фудбал не се играше поради пандемијата на коронавирусот.

Италијанското обвинителство смета дека има силен случај против човекот кој 12 години го водеше еден од најмоќните клубови во Европа и човекот кој заедно со колегите од Реал и Барселона го започма прокетот за формирање на европска Суперлига.

Италијанските медиуми пишуваат дека Ањели може да заврши со казна затвор од 12 години, доколку се потврдат обвиненијата.

Клубот е под истрага и од УЕФА, се очекуваат санкции и во спортскиот сектор на клубот. Се шпекулира за забрана за трансфери на играчи во неколку преодни рокови, одземање бодови или дури и исфрлање во Серија Б.

Јованка Радичевиќ, која неодамна со Црна Гора го освои бронзениот медал на Европското првенство, влезе во историјата на Лигата на шампионите.

Радичевиќ, во дресот на Крим против Оденесе (23:29) постигна четири гола и на тој начин стана најдобар стрелец во историјата на женската Лига на шампионите.

Радичевиќ дојде до бројката од 1.017 голови со што ја прескокана легендарната Унгарка, Анита Гербиц на вечната листа.

Јованка Радичевиќ во кариерта има играно за Крим, Ѓер, Будуќност, Букурешт… Пет сезони играше во Скопје, дресот на Вардар го носеше од 2013 до 2018 година.

👑 Your new #ehfcl ALL-TIME TOP SCORER is @jokarad4 – her 4⃣th goal today was her 1⃣0⃣1⃣7⃣th in the competition!#HandmadeHistory pic.twitter.com/BRDdNxL8SO

— EHF Champions League (@ehfcl) December 4, 2022

Фудбалската репрезентација на Англија полесно од сите прогнози избори пласман во четвртфиналето на Светското првенство во Катар. Англија, во четвртото осминафинале на турнирот, го победи Сенегал со 3:0 (2:0).

Шампионите на Африка храбро му се спротивставија на фаворитот. Ја имаа контрлата врз топката и една одлична шанса во 32.минута, кога Пикфорд успеа да го одбрани ударот на Дија.

Во 38.минута, Англичаните, кои до тој момент ништо не покажаа, изведоа добра комбинација, Белингем асистираше, а Хендеросн го совлада Менди. Во тој момент играта на Сенегал целосно се распадна.

Селекцијата на Алиу Сисе направи неколку грешки за кратко време. Една таква аматерската грешка во третата минута од судиското надополнување на времето, отвори контранапад кој со гол го заврши Кејн.

Без идеја, Сенегал го отвори и второто полувреме. Анемичната игра на противникот во 57.минута казни, Сака.

Практично во тој момент натпреварот заврши.

Англија во четвртфиналето ја предизвика Франција. Натпреварот ќе се одигра на 10.декември во 20 часот.