Спорт
Герет Бејл замина во фудбалска пензија на 33 години
Велшкиот голгетер, Герет Бејл, објави повлеување од фудбалот на 33 години. Поранешниот фудбалер на Саутемптон, Тотенхем и Реал Мадрид, кој се приклучи на американскиот Лос Анџелес ФЦ, ја објави својата одлука н социјалните мрежи.
„По внимателно размислување, објавувам повлекување од клупскиот и од репрезентативниот фудбал. Имав многу среќа што го остварив мојот сон за играње во спортот кој толку го сакам, и кој ми даде некои од најдобрите моменти на мојот живот. Најдобрите моменти во последните 17 години нема да можам да ги повторам без разлика што ме чека во иднина. Одлуката да се повлечам од репрезентацијата на Велс беше најтешка во мојата кариерата. Среќата да се биде Велшанец и да се биде капитен на репрезентацијата ми беше најдобро искуство, да бидам дел одисторијата на оваа неверојатна земја“, вели Бејл.
Бејл произлезе од академијата на Саутемптон, каде што дебитираше на 16 години, по што во 2007 година направи трансфер во Тотенхем. Почетоците во лондонскиот клуб не беа најдобри – тој немаше гол во првите 24 меча во Премиерлигата, но потоа влезе во врвна форма, откако во 2012/13 имаше 21 гол во Премиерлигаата.
Ова му помогна да го направи трансферот во Реал Мадрид во 2013 за тогаш рекордни 100.8 милиони евра. Во Реал, покрај Кристијано Роналдо и Карим Бензема тој имаше 106 гола во 258 настапи и пет пати ја освои титулата од Лигата на шампионите и трипати беше шпански шампион. Тој постигна фантастичен гол со ножички во финалето во 2018 од ЛШ против Ливерпул, а беше стрелец и во финалето во 2014 против Атлетико Мадрид.
Но, последните години, повредите и слабата форма придонесоа навивачите на Реал и шпанските медиуми да се свртат против него. Тој се врати во 2020 на позајмица во Тотенхем, пред минатото лето да си замине од Мадрид по крајот на договорот.
— Gareth Bale (@GarethBale11) January 9, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.