Спорт
Германија лесно со Австрија во меч без резултатско значење (видео)
Ракометната репрезентација на Германија стигна до убедлива 34:22 победа над домаќинот Австрија во меч од Европското првенство во ракомет, во меч со малку значење, бидејќи двете репрезентации веќе се елиминирани од борбата за полуфинале.
По „кобниот“ и драматичен пораз од Хрватска, на Германците им требаше „чудо“ за пласман понатаму – победа на Белорусија над Шпанија од над шест гола разлика, што секако не се случи (Шпанците стигнаа до лесна победа).
Австрија во првото полувреме имаше предност од два гола (9:7), но по 30 минути беше 16:12 за Германија, предност која „маншафт“ ја зголемуваше како што течеше второто полувреме за на крај да стигне до убедлив триумф.
Тимо Кастенинг со шест гола и Тобијас Рајхман со пет беа најефикасни за германската репрезентација, додека за домаќините Никола Билик пет пати беше прецизен.
ЕВРОПСКО ПРВЕНСТВО ВО РАКОМЕТ
ГРУПА 1
Хрватска – Чешка 22:21 (11:9)
Белорусија – Шпанија 28:37 (16:17)
Австрија – Германија 22:34 (14:16)
Табела: 1.Шпанија 8, 2.Хрватска 8, 3.Германија 4, 4.Австрија 2, 5.Белорусија 2, 6.Чешка 0
Watch the Game Highlights from Austria vs. Germany, 01/20/2020 pic.twitter.com/xmfIaIzn1C
— EHF EURO (@EHFEURO) January 20, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Роналдо го поврзуваат со трансфер во европската сензација
Португалскиот фудбалер Кристијано Роналдо би можел да се врати во Европа, пренесуваат саудиските медиуми.
Роналдо пристигна во Саудиска Арабија, во Ал Наср на почетокот на 2023 година.
Според информациите, Баер Леверкузен на чело со Чаби Алонсо е заинтересиран за Кристијано.
Стратегот на „фармацевтот“ е добар пријател со Роналдо, кој со години му беше соиграч во Реал Мадрид.
Роналдо е главната ѕвезда во Арабија, па вистинското прашање е дали има желба повторно да се докаже на највисоко ниво на 39 години.
Оваа сезона има учинок од 42 гола на 41 натпревар.
Во текот на кариерата играше за Спортинг, Манчестер унајтед,Реал Мадрид и Јувентус.
Пет пати ја освојуваше „Златната топка“.
Спорт
Жоржињо останува во Арсенал
Фудбалерот на Арсенал, Жоржињо го продолжи договорот со клубот.
Арсенал не прецизираше детали од договорот, се работи за краткорочен договор, а британските медиуми објавија дека договорот е продолжен за уште една сезона.
32-годишниот италијански играч за врска се пресели од Челзи во Арсенал минатиот јануари и стана важен играч во тимот на Микел Артета.
Оваа сезона одигра 35 натпревари во сите натпреварувања, а единствениот гол го постигна против Ленс во Лигата на шампионите.
Спорт
Ливерпул ја одредил цената за Дарвин
Дарвин Нуњез неодамна ги шокираше навивачите на Ливерпул со тоа што на Инстаграм ги избриша сите свои фотографии во дресот на клубот. За многумина Ургваецот со овој потег го најавил своето заминување од „Енфилд“.
Шпанските медиуми тврдат дека Нуњез ќе го апушти клубот во летниот преоден рок. Овие извори не ја исклучуваат можноста тој да ја засили Барселона. Наводно и ЛИверпул веќе ја одредил цената за напаѓачот.
Нуњез пристигна во Ливерпул во сезоната 2022/23, за клупски рекорд од 85 милиони евра. Со бонусите трансферот може да дојде и до 100 милиони евра. Уругваецот потпиша договор до летото 2028 година.
Сумата за која Ливерпул би бил подготвен да се откаже од Нуњез е 85 милиони евра.
Барселона во моментов ги нема тие пари, но би можела да ги заработи со прдожбата на неколку играчи во преодениот рок.