Српскиот шампион, Црвена звезда загуби со 2:1 од Радник Сурдулица, клуб кој првпат во својата историја ги совлада „црвено-белите“ ставајќи крај на рекордната серија од 51 меч во српската Суперлига без пораз – од 14 јуни 2020 година.

Тимот на Дејан Станковиќ имаше серија од 51 меч без пораз, односно цела сезона 2020/21, а од тие 51 мечеви, тие победија на 46, и ремизираа во сасмо пет меча.

По поразот, Звезда останува на второто место на табелата по 13 кола, со 32 поени, пет помалку од лидерот Партизан.

Шпанскиот фудбалер на Пари Сен-Жермен, Андер Ерера останал без мобилниот телефон и паричникот откако проститутка влегла во неговиот автомобил, тврдат француските медиуми.

32-годишниот Ерера, поранешен фудбалер на Манчестер јунајтед, бил застанат на семафор во Боа де Булоњ во западен Париз, по што проститутка влегла во неговиот автомобил и успеала да го ограби по што добил упатства да вози до одредена локација во градот ако сака да си ги врати работите, тврди францускиот „Ле поинт“.

Ерера го пријавил случајот на полицијата и тврдел дека жената држи нешто во својата рака што наликувало на оружје. Кога ја послушал наредбата, го добил мобилниот телефон назад, и останал само без 200 евра кои ги имал во паричникот.

Случајот на Ерера е последен во низата криминали кои се случија на играчи на ПСЖ во последните неколку години. Аргентинецот Анхел ди Марија остана без накит од 500.000 евра откако крадци влегоа во неговиот дом додека тој беше на натпревар, а капитенот Маркињос поминал и полошо – покрај грабежот, крадците го истепале и неговиот татко.

ПСЖ ќе плаќа за обезбедување за сите фудбалери по хоророт на Ди Марија и Маркињос

Според британскиот „Тајмс“, правилото за пет замени во еден натпревар, кое беше донесено за време на пандемијата на КОВИД-19, ќе стане постојано од следната сезона.

ИФАБ, Интернационалниот борд кој ги поставува правилата на фудбалската игра, ја поддржува промената и предлогот ќе биде поставен на состанокот следниот месец, пред на генералното собрание во март правилото да стане постојано.

Повеќето европски лиги го усвоија правилото минатата година, како привремена мерка да се помогне на клубовите и тренерите со можните отсуства поради корона вирусот, но тоа остана на сила во Серија А и во натпреварувањата на УЕФА, како Лига Европа и Лигата на шампионите, додека Премиерлигата се врати на правилото на три замени во еден меч. Тие кои ќе се решат да останат со три замени, ќе имаат право да го направат тоа.

EXCL: Five substitutions in football set to become permanent – proposed at International FA Board panel meeting today and strongly supported. Will put renewed pressure on Premier League to follow the rest of football from next season. Story on @TimesSport shortly.

— Martyn Ziegler (@martynziegler) October 27, 2021