Спорт
Германско-шкотска пресметка во Лига Европа, Рома-Феенорд во конференциска битка
Ајнтрахт Франкфурт и Глазгов Ренџерс ќе играат за титулата од Лига Европа по победите во реваншите на домашен терен, додека Рома на Жозе Мурињо ќе игра со Феенорд во првото финале на новата Конференциска Лига Европа на УЕФА.
Ајнтрахт, по елиминацијата на Барселона, успеа да победи и на гости кај Вест хем со 2:1 во првиот меч, за пред домашната бурна публика, повторно да го победи тимот на Дејвид Мојс, овојпат со 1:0 со голот на Рафаел Боре во 26. минута, откако „чеканите“ уште во 17. минута останаа со играч помалку по црвениот картон на Арон Кресвел.
Ренџерс на Џовани ван Бронкхорст, пак, спречија германско финале во Лига Европа, победувајќи ги РБ Лајпциг со 2:0 … Џејмс Таверниер уште во 19. минута ги донесе Ренџерс во водство за во 24. минута, Глен Камара да зголеми на 2:0. Кристофер Нкунку во 71. минута ја врати надежта за германскиот клуб, за Џон Лундстрам во 81. минута да го потврди пласманот на шкотскиот клуб.
Теми Абрахам пак, повторно беше клучен за Рома на Мурињо, постигнувајќи го единствениот гол за 1:0 победа над Лестер, по 1:1 ремито на гости, за „волчицата“ да добие шанса да ја заврши сезоната со титула. Во финалето тие ќе играат со Феенорд, кои издржаа на „Велодром“ кај Олимпик Марсеј за 0:0 реми по 3:2 победата на домашен терен.
ЛИГА ЕВРОПА,1/2 ФИНАЛЕ, 2.МЕЧ
Ајнтрахт Франкфурт – Вест хем 1:0, прв меч 2:1, вкупно 3:1
Глазгов Ренџерс – РБ Лајпциг 3:1, прв меч 0:1, вкупно 3:2
КОНФЕРЕНЦИСКА ЛИГА ЕВРОПА, 1/2 ФИНАЛЕ, 2.МЕЧ
Рома – Лестер 1:0, прв меч 1:1, вкупно 2:1
Олимпик Марсеј – Феенорд 0:0, прв меч 2:3, вкупно 2:3
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.
Спорт
(Видео) Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024