Спорт
Германците го зедоа американскиот скалп и закажаа финале на Мундобаскетот против Србија
Вториот финалист на Мундобаскет е репрезентацијата на Германија. Оваа селекција беше подобра од фаворизираните Американци во полуфиналето, триумфираше со 113:111 и в недела за титулата светски првак ќе се бори против Србија, која претходно денеска ја совлада Канада со 95:86.
Поучени од она што неодамна го прикажаа Литванците против Американците на овој шампионат, германската репрезентација излезе самоуверено и храбро против првиот фаворит.
Од самиот почеток на натпреварот не само што успешно им парираа на избраниците на Стив Кер, туку по само пет минути игра стигнаа до десет поени разлика, 25:15.
До крајот на првиот дел Американците успеаја да намалат, а на полувреме се замина со еден поен предност за САД, 60:59.
Германците подобро го започнаа второто полувреме и исто како на средината на првиот дел кога набрзина стигнаа до „плус 10“, така и кон средината на третиот Шридер погоди за импресивни 76:68. Џош Харт одговори со тројка за 76:71, но Германците не запреа.
Тие по само три четвртини им дадоа 94 поени на Американците, а за „стотка“ се погрижи Шредер по две минути игра во последната четвртина – 100:90.
Со тројката на Ривс, Американците навестуваат поинтересна завршница, а Едвардс погоди за 106:100.
Во тие моменти Американците добија голема поддршка од трибините, а Едвардс со тројка намали на само три поени негатива – 106:103 влегувајќи во последните три минути.
Можеа да го израмнат резултатот на две минути до крајот, но Едвардс овојпат не беше прецизен во шутот за три поени.
САД намали на 108:107, но на минута и 14 секунди до крајот, Обст погоди тројка за 111:107! Бриџис промаши на другата страна, а Шредер стави точка на ова полуфинале, 113:107.
Обст беше најефикасен во победничкиот тим со 24 поени и шест асистенции, Франц Вагнер го следеше со 22 поени и пет скока, Тајс постигна 21 поен и седум скока, а капитенот Шредер имаше 17 поени и девет асистенции.
Кај Американците Едвардс имаше ефект од 23 поени и 8 скока, Ривс 21, Бриџис 17 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.