Никола Јокиќ, изминатата ноќ против Феникс, одигра историски натпревар. Денвер, надополни негатива од 21 поен и по едно продолжение го победи Феникс со 149:141.

Јокиќ стана првиот играч со најмалку 30 поени, 20 скока и 20 асистенции на еден натпревар.

Актуелниот МВП во НБА лигата, натпреварот го заврши со 31 поен, 21 скок и 22 асистенции.

Јокиќ успеа да оствари трипл-дабл во двете полувремиња, нешто што никому досега не му успеало во НБА.

Во првото полувреме имаше 13 поени, 10 скока и 11 асистенции, додека во вториот дел имаше 18 поени, 11 скока и 11 асистенции.

Исто така постигна рекордни 22 асистенции, кога се во прашање високите играчи, го собори рекордот на Вилт Чембрлен стар 57 години за асистенции (21).

Интересно е што на врвот на оваа листа се појавуваат само имињата Никола Јокиќ и Вилт Чембрлен.

Јокиќ досега во кариерата имал уште еднаш 19 асистенции, двапати 18, три пати 17 во НБА натпревар…

Милан е во очајна форма. Тие се без победа на четири меча во Серија А (три порази и едно реми), а тренерот Серж Консеисао се соочува со отказ.

Милан поради лошите резултати му врачи отказ на Паоло Фонсека. На неговото место дојде Серж Консеисао, но неговиот ангажман на клубот му донсе само инстант успех. Неколку добри резултати по неговото доаѓање, меѓу кои е и освоениот Суперкупо на Италија.

Кога помина почетниот период, тимот повтоно влезе во криза. Започна со елиминацијата од Феенорд во Лигата на шампионите, а продолжи со лошите резултати во Серија А.

Според италијанските медиуми, доколку Милан вечерва не го победи Лече, Португалецот би можел да добие отказ.

„Газета дело Спорт“, пишува дека Милан има сериозен план да го врати Масимилијано Алегети на клупата. Познатиот стручњак е без работа откако го напушти Јувентус.

Тој веќе го освои Скудетото со Росонерите и затоа е прв избор на раководството на клубот. Како кандидати се споменуваат Роберто Де Зерби и Цеск Фабрегас, но за нив на „Сан Сиро“ би можеле да размислуваат дури по завршувањето на сезоната, бидејќи одлично работат во Олимпик Марсеј, односно Комо.

Џенаро Гатузо го привлече вниманието на јавноста кога ги почести играчите и стручниот штаб на Хајдук во септември минатата година, откако неочекувано го совладаа Динамо со 1:0 на Максимир. Потоа на сите им купил нови модели на iPhone 16, за кои платил 30 илјади евра. Сега, половина година подоцна, Гатузо уште пораскошно се однесува кон своите играчи и соработници.

Гатузо им порачал ваучери за подароци од модниот бренд Луј Витон, омилен меѓу фудбалерите. Така тие ќе изберат кој било од производите на добро познатиот бренд. Некои играчи на Хајдук веќе имаат производи од овој бренд, а сега ќе ги имаат сите. За ова тренерот на Хајдук плати 50 илјади евра. Тоа значи дека износот на секој ваучер ќе биде помеѓу 1.500 и 2.000 евра.

Гатузо повторно им дава подароци на играчите кога им оди лошо. Сепак, можат да го заземат првото место.

Гатузо им подари подарок на своите играчи ова лето кога, кога наспроти сите прогнози, го подобрија лошиот почеток на сезоната со победата над најголемиот ривал. Сега повторно го прави тоа кога работите одат лошо за нив. Од седумте натпревари во пролетната сезона, Хајдук победи само на два. Вараждин (1:0) и Осиек (4:0) на домашен терен, двата во првенството.

Ремизираше во домашното првенство против Славен Белупо (0:0) и против Истра (1:1) и Динамо (2:2). Тие го загубија првенствениот натпревар од Локомотива (2:3), а од купот беа елиминирани во четвртфиналето со поразот на домашен терен од Риека со 1:3. И покрај ваквите слаби резултати, Хајдук може да го заземе првото место доколку по киксовите на лидерот Ријека против најлошите тимови во лигата, а утре на Пољуд ја победи претпоследната Горица.