Спорт
Ѓоковиќ го декласира Рубљов за полу-финале во Торино
Новак Ѓоковиќ избори пласман во полу-финалето на Завршниот мастерс во Торино. Ѓоковиќ со 6/3, 6/2, го победи Андреј Рубљов во Зелената група.
Најдобриот тенисер во светот, за 68 минути игра, целосно го надигра Рубљов. Особено беше импресивен на сервисот, мечот го заврши со 14 ас-сервиси.
Со оваа победа, Ѓоковиќ го обезбеди првото место во својата група. Во последното коло, Ѓоковиќ ќе игра против Камерон Нори, кој го замени повредениот Стефанос Циципас.
Интересно, Ѓоковиќ и Рубљов прв пат одиграа официјален меч. Победата над Рубљов е 50. во 56.меч сезонава за Ѓоковиќ.
Вечерва, во 21 часот, во вториот меч од групата ќе играат Каспер Руд и Камерон Нори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Орсато ќе го суди натпреварот во Манчестер
Италијанскиот судија Даниеле Орсато ќе ја дели правдата на реваншот од четвртфиналето на Лигата на шампионите меѓу Манчестер сити и Реал Мадрид.
Првата средба меѓу овие две екипи на стадионот „Сантијаго Бернабеу“ заврши со резултат 3:3.
УЕФА повторно му го додели дуелот на овие два тима на искусниот Италијанец, кој судел многу големи натпревари во кариерата. Еден од најзначајните е оној од 2020 година кога го судеше финалето во Лигата на шампионите.
Интересно е што Орсато беше главен судија во 2022 година, кога ја делеше правдата на дуелот меѓу истите ривали во Мадрид, кога Реал помина во наредната фаза по победата од 3:1.
Спорт
Раул Гарсија ќе се пензионира на крајот од сезоната
Атлетик Билбао објави дека Раул Гарсија ќе се пензионира на крајот од сезоната.
Фудбалерот од Навара ќе ја заврши својата долгогодишна кариера со 602 одиграни натпревари во Примера, во дресот на Осасуна (101), Атлетико Мадрид (216) и Атлетик Билбао (285), пишува „Марка“.
„Се има крај“, вели тој во прошталното видео, во кое дресовите на трите клуба ги става во плакарот.
Тој е еден од четворицата капитени на Атлетик Билбао и ќе ја носи капитенската лента до крајот од сезоната како признание од соиграчите.
Фудбалерот роден во Навара ќе наполни 38 години во јули и е многу омилен во соблекувалната, а тренерите и соиграчите ја фалат неговата посветеност и пожртвуваност.
Раул Гарсија, во професионалниот фудбал од неговото деби за Осасуна во 2004 година, зад себе остава успешна кариера. Купот (2024) со Атлетико ќе остане последна титула на кариерата.
Го освои и Суперкупот (2021) во Билбао, додека со Атлетико ја освои Ла Лига (2014), Купот (2013), Суперкупот (2014), Европа Лига (2010 и 2012) и Суперкупот на Европа (2010 и 2012).
Спорт
Ларкин одбил три милиони долари по сезона од Ефес
Еден од најдобрите кошаркари во Европа, iграчот на Анадолу Ефес, Шејн Ларкин на крајот од сезоната ќе стане слободен играч.
Намерата на клубот е да го задржи Американецот, но барем засега преговорите не одат во посакуваната насока.
Имено, турскиот клуб му понудил двегодишен договор со плата од 3.000.000 долари по сезона. Ларкин оваа понуда ја одбил, сакал подолгорочен договор, на три или повеќе сезони, бидејќи го сака животот во Турција и клубот за кој настапува.