Легендата на Ливерпул, Стивен Џерард, отворено го критикуваше Милош Керкез, за изведбата против ПСВ. Џерард, истакна дека во текот на целиот натпревар правел големи тактички грешки, поради што Денис Ман често се наоѓал во поволна позиција и правел разлика на крилната позиција.

„Керкез речиси постојано грешеше. Неприфатливо е да ја брани посилната страна на противникот. Требаше да се спушта внатре, а тој му оставаше простор на напаѓачот“, рече Џерард, нагласувајќи дека дефанзивецот на Борнмут, платен 40 милиони фунти, им дозволувал на играчите на ПСВ Ајндховен премногу простор“, рече Џерард.

За да ја појасни својата критика, Џерард беше уште подиректен:

„Не е важно дали е Мо Салах или некој друг, во такви ситуации не можете да им дозволите да ве поминат со еден дриблинг. Керкез, според мене, беше целосно надвор од позиција поголемиот дел од натпреварот“.

Осврнувајќи се на Ливерпул и гореспоменатиот Салах, кој игра под очекувањата оваа сезона, Џерард смета дека проблемот не е индивидуално кај Египќанецот, туку кај целиот тим.

„Ливерпул е во многу тежок период. Кој и да е на клупата, секогаш би го ставил Салах на теренот. Тимот мора да ги има сите клучни играчи на располагање за да ја врати стабилноста. Тие примаат премногу голови, премногу лесно се отвораат во транзиција. Изгледаат ранливи штом противникот тргне во напад.“

Поранешниот селектор на Словенија, Грузија и Србија, Игор Кокошков, повеќе не е тренер на Анадолу Ефес.

Србинот доби отказ по катастрофалниот пораз од Монако (102:66).

„Анадолу Ефес се раздели со тренерот Игор Кокошков.

Му благодариме за неговиот придонес во нашиот клуб и му посакуваме успех во понатамошната кариера.

Нашиот тим продолжува да работи под водство на Радован Трифуновиќ додека не се назначи нов главен тренер.“

Кокошков се врати во европската кошарка ова лето, но од самиот почеток работите не одеа според очукувањата.

Во Евролигата, Ефес има биланс од пет победи и осум порази, а во турското првенство, шест победи и три порази.

Кокошков е петтиот тренер што доби отказ од почетокот на сезоната, по Јанис Сверопулос (Црвена звезда), Еторе Месина (Олимпија Милано), Џоан Пењароа (Барселона) и Жељко Обрадовиќ (Партизан).

Победничката низа на Детроит Пистонс заврши изминатата ноќ во Бостон. Селтикс славеа победа 117:114, сега се на скор од 10 победи и осум порази. Пистонс останаа на лидерската позиција во Источната конференција со 15 победи и три порази.

Генерацијата на Детроит предводена од Кејд Канингем застана на 13 победи во низа, со што го изедначи рекордот на шампионските генерации на Пистонс од 1990 и 2004 година.

Натпреварот беше неизвесен до самиот крај, Дерик Вајт погоди тројка за +3 на минута до крајот, Тобијас Харис брзо одговори, а потоа тимовите влегоа во пенал завршница, која им припаднаа на Селтикс. Пејтон Причард стави точка на натпреварот две секунди пред крајот, кога ги погоди двете слободни фрлања за 117:114.

Бостон Селтикс до победата ги предводеше Џејлен Браун со 33 поени, 10 скока и пет асистенции, по него следуваше Дерик Вајт со 27 поени, седум скока и три асистенции, додека Пејтон Причард постигна 16 поени со пет скока и две асистенции.

Кејд Канингем се истакна за Детроит со 42 поени, осум скока и пет асистенции, по него следуваше Џејлен Дурен со 12 поени и 16 скока, додека Тобијас Харис постигна 12 поени со четири скока и три асистенции.

Кошаркарите на Торонто Репторс, ги победија Индијана Пејсерс со 97:95, со поените на Брендон Инграм во последните секунд.

Ова беше деветта победа по ред за тимот на српскиот тренер Дарко Рајаковиќ, односно 14-та во 19 натпревари од стартот на сезоната.

Торонто до победата го предводеа Инграм со 26 поени и осум скока, по него следуваа Скоти Барнс со 24 поени, 10 скока и четири асистенции, и Имануел Квикли со 15 поени, пет скока и шест асистенции, како и Џејкоби Волтерс со 13 поени.

Репторс беа ослабени во овој натпревар, бидејќи не играше Еј Џеј Барет.

Кај Пејсерс се истакна Ти Џеј Меконел со 16 поени, по него Бенедикт Матурин со 15, додека Паскал Сиакам имаше 11 поени со четири скока и две асистенции.

Репторс се на второто место на Истокот со 14 победи и пет порази, додека Пејсерс се на 14-то место со резултат од 2-16.

Оклахома Сити Тандер гази се пред себе. Актуелниот шампион забележа нова победа синоќа против Минесота со 113:105.

МВП-то на лигата Шеј Гилџис-Александер беше најефикасниот актер на натпреварот со 40 поени.

Од нив, тој постигна 15 од линијата за слободни фрлања од 17 обиди, имаше одлични 12/19 од поле, шутираше само двапати за три, погоди еднаш и додаде шест скока и шест асистенции.

Во неизвесна завршница, кога Тандер беа под голем притисок од Минесота, Шеј погоди три од четирите слободно фрлања.

Најважниот шут, сепак, дојде од раката на Чет Холмгрен, тројка, на 37 секунди пред крајот, кога и донесе на Оклахома предностод четири поени.

Тандер заслужено стигнаа до нова победа, 18-та во 19 натпревари, бидејќи водеа речиси целиот натпревар, освен во почетните минути и во средината на последниот дел, кога гостите накратко поведоа (94:93).

Ентони Едвардс беше најдобар во поразениот тим со 31 поен (5/10 за три), осум скока и шест асистенции.

Кај Оклахома, Ајзеа Хартенштајн беше втор стрелец со 15 поени, Чет Холмгрен додаде 12, а Еј-Џеј Мичел 13 од клупата.

Резултати:

Шарлот – Њујорк 101:129
/Милер 18 – Бренсон 33/

Мајами – Милвоки 106:103
/Хироу 29 – Ролинс 26/

Њу Орлеанс – Мемфис 128:133
/Алварадо 24 – Џексон 27/

Портланд – Сан Антонио 102:115
/Авдија 37 – Фокс 37/

Голден Стејт – Хјустон 100:104
/Батлер 21 – Шеферд 31/

Сакраменто – Феникс 100:112
/Вилијамс 21 – Мареј 19/