Синоќа, во натпревар од НБА Купот, Голден Стејт Вориорс пред своите гледачи ги совладаа Далас Маверикс со 120:117. Вориорс и понатаму се меѓу најдобрите екипи во лигата со скор од 9-2, додека Вориорс со негативен скор од 5-6 сега се на 11-то место во Западната конференција.

Овој натпревар беше првиот во кој на спротивните страни беа Стеф Кари и Клеј Томпсон, Кари и Томпсон беа легендарниот тандем на „Splash Brothers“ во Голден Стејт цели 13 години и заедно освоија четири шампионски титули.

Натпреварот имаше трилер завршница во која се истакна Кари. Тој ги постигна последните 12 поени за својот тим, вклучително и тројката преку Дерек Лајвли на помалку од 30 секунди со која ја зголеми предноста на Вориорси на четири поени. Натпреварот го заврши со 37 поени, девет асистенции и пет тројки.

Од друга страна, Лука Дончиќ не постигна ниту еден поен во последната четвртина, а натпреварот го заврши со 31 кош. Тој и Кајри Ирвинг, кој постигна 21 поен, искомбинираа десет загубени топки, што беше значаен фактор за поразот.

Томпсон го одигра еден од најдобрите натпревари од почетокот на сезоната, постигна 22 поени (шест тројки).

Дрејмонд Грин одигра брилијантна дефанзивна партија и пополни неколку статистички категории со 11 поени, седум скока, шест асистенции, три украдени топки и две блокади.

Резултати:

Бостон – Атланта 116:117
Детроит – Мајами 123:121 пр.
Орландо – Шарлот 114:89
Филаделфија – Њујорк 99:111
Милвоки – Торонто 99:85
Јута – Феникс 112:120
Портланд – Минесота 122:108

Фудбалерот на Јувентус, Хуан Кабал (23) ги скина вкрстените лигаменти на коленото на репрезентативниот тренинг на Колумбија.

Кабал речиси сигурно ја заврши сезоната. Ова е втора ваква повреда на играч на Јувентус оваа сезона. Да потсетиме, пред еден месец клучниот стопер Бремер (27) ги скина вкрстените лигаменти на мечот со Лајпциг во Лигата на шампионите и исто така ќе отсуствува до крајот на сезоната.

Кабал оваа сезона во Јувентус пристигна од Верона за 12,8 милиони евра. Тој е еден од најперспективните дефанзивци во Серија А, а оваа сезона забележа девет настапи за Јуве.

Може да игра и на позицијата лев бек, а веднаш по повредата на Бремер требаше да добие повеќе простор за игра. Јувентус моментално во одбраната на располагање ги има Федерико Гати, Пјер Калулу и Данило.

Родри, играчот за врска на Манчестер сити, неодамна ја доби најпрестижната индивидуална награда во фудбалот „Златна топка“ во изборот на магазинотот „Франс фудбал“.

Неговиот избор предизвика големи контроверзии, бидејќи многумина мислеа дека наградата ја заслужил играчот на Реал Мадрид, Винисиус Жуниор, кој беше втор во гласањето на новинарите.

Познато е дека Винисиус и Реал ја бојкотираа церемонијата на доделувањето на наградите, а Родри го искоментира таквото однесување.

„Бев малку во неверување кога на доделувањето на трофејот половина од салата скандираше „Винисиус, Винисиус“. Како и да е, имаше голема почит кон мене од публиката бидејќи тие станаа и ми аплаудираа на крајот. Оваа награда е за константноста, тоа е најтешкото нешто во фудбалот . Дали јас ја заслужив? Во 2023 мислев дека можам да ја освојам откако имав сјајна сезона со Сити, а оваа година мислам дека бев уште подобар“, изјави Родри за „El Partidazo de COPE“.

Не крие дека наградата многу му значи.

„Сето тоа малку ти го менува животот, имаш период пред и потоа. Ми честитаа многумина, најмногу ме возбуди честитката на Андрес Иниеста, кој исто така требаше да добие награда бидејќи беше најдобар фудбалер во историјата на нашата земја“, додаде Родри.

Секако, не ја заобиколи критичната точка во целата приказна, Винисиус и Реал. Неговата изјава малк е провокативна.

„Јас би го избрал Дани Карвахал како втор, а Винисиус би бил трет!“

Не беше премногу возбуден што Винисиус и Реал решија да ја бојкотираат церемонијата.