Шпанскиот тенисер Карлос Алкараз е елиминиран во четвртфиналето на АТП турнирот во Доха. Него го порази Чехот Јиржи Лехечка со 2:1, во сетови 6:3, 3:6, 6:4.

Третопласириот на АТП листата и прв носител на турнирот во Доха одлично го започна мечот и направи брејк во третиот гем од првиот сет.

Сепак, Алкараз не успеа да го задржи темпото што го наметна и потклекна во втората половина од првиот сет.

Лехечка ја презеде иницијативата, двапати му го одзеде сервисот на Шпанецот и поведе со 5:2 со серија од четири последователни гејма, пред рутински да го заврши сетот.

Во вториот сет се очекуваше реакцијата на Алкараз и тој го направи токму тоа.

Клучниот момент се случи во четвртиот гем, кога Шпанецот го направи единствениот брејк од сетот и без поголеми проблеми ја сочува предноста, со што го израмни резултатот и го одведе мечот во третиот, решавачки сет.

Алкарас изгледаше како да ја контролира ситуацијата кога поведе со 4:2 во сетот на одлука.

Сепак, Лехечка не се откажа. Чешкиот тенисер одигра поагресивно и комплетно го сврте мечот со серија од четири гема и обезбеди пласман во полуфиналето.

Лехечка за место во финалето ќе игра со победникот од дуелот меѓу Матео Беретини и Џек Дрејпер.

LEHECKA TAKES OUT ALCARAZ! 🤩

Jiri Lehecka defeats World No. 3 Carlos Alcaraz 6-3 3-6 6-4 to reach the semi-finals in Doha#QatarExxonMobilOpen pic.twitter.com/R1dvymf9Q0

— Tennis TV (@TennisTV) February 20, 2025

Кошаркарот на Сан Антонио, Виктор Вембањама ќе го пропушти остатокот од сезоната.

Шамс Чаранија, познат НБА инсајдер, како причина го наведува згрутчувањето на крвта во десното рамо.

Францускиот центар минатиот викенд учествуваше на Ол-стар натпреварот во Сан Франциско, па оваа вест е дотолку повеќе изненадувачка.

Сезонава тој има просек од 24,3 поени, 11 скока и 3,7 асистенции на 46 натпревари.

Вембањама е член на Спарс од 2023 година, кога беше избран како прв пик на драфтот.

Минатата година беше прогласен за дебитант на годината, беше лидер во блокади, а беше и член на најдобрата дефанзивна петорка.

Фудбалерот на Милан, Кристијан Пулишиќ остро го демантираше написот на италијанскиот весник „Ла Република“, кој објави дека капитенот на репрезентацијата на САД сака да го напушти клубот поради наводно несогласување што го имал со тренерот Серж Консеикао.

„Никогаш не сум се расправал со тренерот и никогаш не сум побарал да си заминам. Многу сум среќен во Милан и сакам да продолжам да го носам овој дрес. Читањето на овие лаги е неприфатливо, но ајде сите да останеме обединети и да се бориме заедно на теренот, за клубот и за нашите навивачи“, рече Пулишиќ во изјава за клупската веб-страница.

Пулишиќ беше заменет во 63. минута од натпреварот против Феенорд во вторникот вечерта, а нема старт на два од последните четири натпревари на Милан.

Оваа сезона Американецот одигра 33 натпревари за Милан во сите натпреварувања и постигна 12 гол што го прави најдобар стрелец на тимот.

Милан во вторникот вечерта беше елиминиран од Лигата на шампионите од Феенорд и е седми во Серија А со 41 бод, пет помалку од Јувентус кој е на четвртото место.

Во Купот на Италија, Милан се пласираше во полуфиналето каде ќе игра против победникот од натпреварот Интер – Лацио.