Вечерва со натпреварите кои ќе се одиграат во групите А, Б, Ц и Д ќе биде комплетирано првото коло во Лигата на шампионите. Во терминот од 18.55 часот ќе се одиграат натпреварите Реал Мадрид-Шахтјор и Салцбург-Локомотив Москва.

Актуелниот шампион Баерн одбраата на титулата. која пред 58 дена ја освои во Лисабон, ќе ја започне на домашен терен против Атлетико Мадрид. Серж Гнабри нема да настапи за Баерн, тој е позитивен на коронавирусот. Атлетико ќе биде без Саул и Диего Коста кој се повреди во саботата.

Последен пат, во Лигата на шампионите, овие два тима играа во 2016 година. Тогаш во полу-финалето Атлетико успеа да го елиминира Баерн.

Распоред на натпреварите:

Група А:

Салцбург-Локомотив Москва 18.55
Баерн Минхен-Атлетико Мадрид 21.00

Група Б:

Реал Мадрид-Шахтјор 18.55
Интер-Борусија Менхенгладбах

Група Ц:

Манчестер сити-Порто 21.00
Олимпијакос-Олимпик Марсеј 21.00

Група Д:

Ајакс-Ливерпул 21.00
Митјиланд-Аталанта 21.00

Фудбалерот на Реал Мадрид, Еден Азар, нема да се врати на терените уште најмалку еден месец, тврди „Марка“. Репрезентативецот на Белгија последен пат бил на теренот во август, во Лигата на шампионите.

Азар има повреда на бутниот мускул, а рехабилитацијата не се одвива според планираното.

Реал за Азар на Челси им платија 115.000.000 евра во 2019 година, меѓутоа поради повредите тој има одиграно само 25 натпревари за „кралскиот клуб“.

Реал вечерва против Шахтјор ја започнува новата сезона во Лигата на шампионите, а во сабота противник ќе им биде Барселона.

Најдобриот тенисер во светот, Новак Ѓоковиќ, нема да игра на мастерсот во Париз. Тенисерот за „Спортски журнал“ потврдил дека оваа година нема да ја брани титулата во главниот град на Франција.

Минатата година Ѓоковиќ во финалето на овој турнир го победи Денис Шаповалов. Ѓоковиќ нема да остане без 1.000 бодови бидејќи поради пандемијата со корнавирусот АТП ги замрзна бодовите кои тенисерите ги освоија минатата година.

За разлика од Ѓоковиќ, светскиот број 2, Рафаел Надал, го потврди своето учество во Париз.