Спорт
Ѓоковиќ лесно со Штруф, Медведев и Зверев ги декласираа своите противници
Фаворитте на тенискиот турнир во Токио, лесно ја минаа втората рунда. Пласаман во третото коло обезбедија Новак Ѓоковиќ, Данил Медведев и Александар Зверев.
Првиот носител, Ѓоковќ, за 75 минути го победи Германецот Јан-Ленард Штруф.
Ѓоковиќ славеше со 6/4, 6/3. Клучниот брејк во првиот сет го направи во десеттиот гем. Вториот го започна со брејк, но иако Штруф возврати, немаше сили посериозно да му се закани на најдобриот светски играч.
Ѓоковиќ во третото коло ќе игра против Шпанецот Давидович-Фокина, кој во три сета го победи Џон Милман.
Данил Медведев го декласира Сумит Нагал од Индија. Русинот на противникот му препушти само три гема, два во првиот и еден во вториот сет. Во наредната рунда ќе игра против Фабио Фоњини.
Гем повеќе од Медведев, на противникот му препушти Александар Зверев. Германецот слвеше со 6/2, 6/2 против Даниел Галан. Зверев во треотот коло ќе игра против Николоз Басилашвили од Грузија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.
Спорт
Пулишиќ е повреден, нема да игра против Лацио
Кристијан Пулишиќ американскит репрезентативец и херој на неодамнешната победа во дербито против Интер ќе го пропушти претстојниот првенствен натпревар против Лацио, потврди тренерот Масимилијано Алегри.
На прес-конференцијата пред натпреварот, Алегри истакна дека Пулишиќ „веројатно нема да игра“, но остави мала можност за промена со оглед на тоа што остануваат уште два дена до натпреварот.
Тој нагласи дека остатокот од тимот е во добра состојба, но дека не сака да ризикува со Американецот, особено затоа што неодамна се опорави од повредата на тетивата.
Оваа ситуација е особено фрустрирачка за Милан бидејќи Пулишиќ штотуку се врати во полна форма по повредата здобиена за време на репрезентативните обврски во октомври.
И покрај тоа што пропушти четири натпревари, Пулишиќ беше клучен играч за Милан оваа сезона со седум гола и две асистенции во само 10 настапи во сите натпреварувања.

