Спорт
Ѓоковиќ понуди помош по разговорот со синот на Борис Бекер

Новак Ѓоковиќ откри дека контактирал со еден од синовите на Борис Бекер за да понуди каква било помош откако германската тениска легенда заврши во британски затвор за измама по криење на имот.
Србинот работеше со Бекер три години од 2014 до 2016, период во кој освои шест гренд слем титули и 14 Мастерс титули. 54-годишниот Бекер доби казна од две и пол години во април и му се заканува депортирање по отслужувањето на казната.
„Како човек кој го смета Борис за пријател и член на семејството, многу ми е тешко. Секогаш имавме фантастични односи, посебно кога работевме заедно и остваривме големи работи. Дури и подоцна, нашите односи беа уште подобри. Бев во контакт со еден од неговите синови, Ноа, за да прашам дали може да помогнам некако, бидејќи не можам да контактирам со Борис. Многу е тажно кога некој кој го познавам толку добро и кој е легенда во нашиот спорт, поминува низ такви работи. Помина само еден месец, не знам колку време ќе треба да биде таму. Се надевам дека ќе биде здрав и силен“, вели Ѓоковиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сензација каква што не памети Европа – Финска ја елиминира Србија

Кошаркарите на Финска ја приредија најголемата сеозанција на Европското првенство во кошарка, во осминафиналетоо ја елиминираа Србија со победата 92:86. Херој на Финска е Валтунен, 26-годишниот копаркар на Гранада кој постигна осум поени во клуните моменти од натрпреварот.
Почетокот намечот ја навести сензацијата. Финсите отворија со 11:1, со домонација во скокот и одличен шут за три поени (6/11). Србите уште во првиот период бркаа довфифрен минус.
Србија успеа да фати ритам во вториот период, а со тројката на Мициќ замина на полувреме со плус од летири поени.
Третиот период им приладна повторно на Финците кои на преноста на Србија одгоровија со серија од седум поени и повторно ја презедоа доминација во скокот.
Драмата кулминираше во последните четири минути кога на водствот на Србија од четири поени, Финците одговорија со нова серија за плус 4. Потоа на сцена стапи Валтонен која на 53 секунди до крајот и донесе на Финска 78:82. Кога Марканен погоди две слободни за плус 6 јасно беше дека Финците ќе ја испратат Србија дома.
Залудни за Србија беа 33-те поени на Никола Јокиќ со осум скока. Проблем беше што само Никола Јовиќк имаше двоцифрен број на поени, 20. Од друга страна, Марканен го оправда статусот на прва ѕвезда на Финска со 29 поени и осум скока. Јантунен постигна 15, а Литл и големиот херој Валтонен постигнаа по 13 поени.
Финска во четвртфиналето го чека победникот од натпреварот Франција-Грузија, кој ќе се игра во недела.
Фото/ Принтскрин
Спорт
Галатасарај по Гундоган го сака Чалханоглу

Галатасарај сака преодниот рок да го заврши со уште еден звучен трансфер. Преодниот рок во Турција трае до наредната недела. .
Галатасарај го потпиша Илкај Гундоган, а сега редот за врска сака да го засили со Хакан Чалханоглу.
Клубот понудил 17 милиони евра, но Интер нема намера да го пушти Турчинот, особено не за таа сума. Сепак, во Галатасарај се убедени дека Чалханоглу ќе дојде:
„Хакан сака да дојде кај нас, но околностите не се поволни. Сепак, ние сме уверени дека ќе дојде. Ако не денес, тогаш утре. Порано или подоцна, Чалханоглу ќе го носи дресот на Галатасарај. Нека ја погледне кариерата на Гундоган и нека таа биде негова ѕвезда водилка. Хакан е млад и ние ја почитуваме неговата желба да ја заврши кариерата кај нас“, соопшти раководството на Галатасарај.
Foto/ X
Спорт
Холандија остана без Де Јонг, се повредил против Полска

Холандскиот репрезентативец Френки де Јонг го напушти кампот на националниот тим и се врати во клубот откако се повреди на квалификацискиот натпревар против Полска.
Како што објави Фудбалската федерација на Холандија, 28-годишниот играч од средниот ред беше принуден да се врати во Барселона по повредата здобиена на натпреварот со Полска во Ротердам (1:1).
Претходно, селекторот на Холандија, Роналд Куман, изјави дека Де Јонг се пожалил на болки во мускулите во второто полувреме, поради што бил заменет од Квинтен Тимбер во 83-та минута.
Френки де Јонг ќе го пропушти следниот квалификациски натпревар на „лалињата“ против Литванија, закажан за 7 септември во Каунас.
Де Јонг е еден од клучните играчи на холандската репрезентација, досега одигра 60 натпревари.
Холандија има седум бода од првите три натпревари и моментално го дели првото место во Групата Г заедно со Полска и Финска.