Спорт
Ѓоковиќ посилен од Каспер Руд и судијата Нур

Новак Ѓоковиќ е првиот финалист на мастерсот во Рим. Првиот носител во полу-финалето го победи Каспер Руд од Норвешка со 7/5, 6/3. Мечот на Централниот терен траеше два часа и 10 минути. Ѓоковиќ утре ќе го игра своето 52 финале на Мастерс турнирите и ќе се обиде да ја освои 36 титула.
Каспер Руд веројатно го одигра најдобриот меч во кариерата, но ниту тоа не му беше доволно да слави против најдобриот во светот. Младиот Норвежанец прв стигна до брејк во воедниот сет, во десеттиот гем сервираше за водство од 1:0, имаше и две сет топки, а откако не ги искористи Ѓоковиќ го врати брејкот, потоа беше сигурен и во наредните два гема и го освои првиот сет.
Вториот сет беше малку полесен за Ѓоковиќ, покрај сервисот кој одлично му функционираше во текот на целиот меч проработе и неговиот бекхенд. Во раната фаза направи брејк кој не го испушти до крајот.
Покрај со мотивираниот противник Ѓоковиќ мораше да „бори“ и со судијата Адел Нур кој три пати направи груби грешки на штета на првиот носител.
#IBI20 (?@Eurosport_RU ) pic.twitter.com/pLYCGGXa4L
— doublefault28 (@doublefault28) September 20, 2020
#IBI20 (?@Eurosport_RU ) pic.twitter.com/JYo647pABZ
— doublefault28 (@doublefault28) September 20, 2020
На крајот Ѓоковиќ имаше 36 директни поени, Руд 26, а и двајцата направија по 19 грешки.
Утре во финалето Ѓоковиќ ќе игра против Денис Шаповалов од Канада или Диего Шварцман од Аргентина кој во четврт-финалето го победи Рафаел Надал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Франција трета во Лигата на нации

Франција го освои третото место во Лигата на нации со победата 2:0 над домаќинот на завршниот турнир, Германија.
Французите, кои загубија од Шпанија со 5:4 во луд натпревар во полуфиналето, поведоа во судиското продолжение во првото полувреме.
Откако топката беше уфрлена од десната страна, Килијан Мбапе совршено реагираше во шеснаесетникот и им донесе предност на актуелните вицешампиони на светот.
Шест минути пред крајот, Мбапе се најде во улога на асистент, а играчот на Баерн, Олисе, го потврди триумфот на Франција.
По големата грешка во одбраната на Германија, играчот на Реал направи брз пробив, а потоа несебично му асистираше на Олисе кој ја погоди празната мрежа.
За титулата во Лигата на нации, вечерва од 21 часот ќе играат Шпанија и Португалија.
Спорт
Спалети повеќе не е селектор на Италија

Лучано Спалети повеќе не е селектор на Италија, беше објавено во недела.
Фудбалскиот сојуз на Италија, му врачи отказ на селекторот по дебаклот во првото коло од квалификациите за Светското првенство во 2026 година во Осло.
Четирикратните светски шампиони беа поразени од Норвешка со 3:0, а сè беше решено веќе во првото полувреме.
Италијанците не се квалификуваа за последните две Светски првенства, а уште еден неуспех да се пласираат на завршниот турнир би бил вистинска фудбалска трагедија на Апенините.
Спалети дојде на чело на „Азурите“ од август 2023 година, кога го наследи Роберто Манчини.
На Европското првенство во Германија минатата година, тие не успеаја да ја одбранат титулата, бидејќи веќе беа елиминирани во осминафиналето од Швајцарија.
Спорт
Три клуба ќе истапдна од Првата лига, два ќе играат бараж за опстанок

На редовната седница на Управниот одбор на Фудбалската федерација на Македонија (ФФМ) беа донесени значајни одлуки поврзани со организацијата и регулативите во македонскиот фудбал.
Усвоен е нивиот систем за натпреварување во Прва МФЛ, Втора МФЛ и Третите регионални лиги, почнувајќи од натпреварувачката сезона 2026/27.
Се врши реорганизација на регионалната поставеност на Третите лиги во шест нови региони, кои дополнително ќе бидат дефинирани преку измени во Правилникот за регионална организација на ФФМ.
Prvata MFL од sezobata 2026/27 ќе брои 10 екипи, а не како досега 12, додека Втората лига се намалува на 14 клубови. Од Првата лига ќе испаднат екипите кои ќе бидат пласирани на 10, 11 и 12. место во шампионатот, додека осмата и деветтата екипа ќе играат бараж за опстанок.
Од Втората лига следната сезона ќе испаднат дури пет екипи, кои ќе бидат пласирани од 12. до 16. место, додека од деветта до 11. позиција ќе играат бараж за опстанок.