Спорт
Ѓоковиќ преку Зверев до полу-финалето на АО
Новак Ѓоковиќ, деветти пат во кариерата, ќе игра во полу-финалето на Австралија опен. Бранителот на титулата во Мелбурн, во четврт-финалето, го победи шестиот фаворит, Александар Зверев.
Дуелот на Србинот и Германецот, на „Род Лејвер“ арената, траеше три часа и 30 минути, Ѓоковиќ победи со 6/7, 6/2, 6/4, 7/6.
Ѓоковиќ во полу-финалето ќе игра против сензацијата од Русија, Аслан Карацев.
Зверев, првиот сет го доби во тај-брејк, откако му го одзеде сервисот на противникот во првиот гем, а потоа кога сервираше за освојување на сетот, Ѓоковиќ го врати брејкот.
Вториот сет во целост му припадна на Ѓоковиќ, ги освои првите четири гема и за 29 минути израмни на 1:1.
Третиот сет веројатно беше клучен за конечниот победник. Зверев, со брејк, имаше водство од 4:1, Ѓоковиќ на грајот од петтиот гем го искрши рекетот, откако не ги искористи брејк шансите.
Djokovic goes crazy #AO2021 pic.twitter.com/TgyT85YnWF
— ارسلان (@LioM10__) February 16, 2021
Во шестиот гем Зверев имаше 30:0 и потоа „исчезна“ од теренот. До крајот на сетот Ѓоковиќ освои пет гема и го презеде водството.
Четвртиот сет, започна со 3:0 за Зверев, а потоа Ѓоковиќ возврати. Во тај-брејкот, првиот носител имаше повеќе нерви и малку повеќе среќа.
На крајот Ѓоковиќ имаше негативен скор, во директните поени и неизнудените грешки (48/56), додека Зверев забележа 45 винери и 38 неизнудени грешки. Ѓоковиќ, изненадувачки имаше повеќе ас сервиси (23/20), а двајцата направија по пет дупли грешки.
Ѓоковиќ подобро ги искористи своите шанси за брејк, имаше девет шанси и шест пати му го одзеде сервисот на Зврев, додека Германецот искористи три од 12 брејк топки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тен Хаг задоволен по победата над Шефилд Јунајтед
Фудбалерите на Манчестер Јунајтед со пресврт слаеа со 4:2 против нјлошиот тим во Премиер лигата, Шефилд Јунајтед на свој терен го пречекаа последно пласираниот Шефилд Јунајтед .
Славниот клуб двапати загуби, но на крајот успеа да победи. Тренерот на Јунајтед, Тен Хаг, по натпреварот рече дека неговиот тим одиграл добар натпревар,
„Имавме целосна контрола! Извинете, јас на поинаков начин г гледав натпреварот. Да, имавме две грешки, затоа двапати губивме. Зборуваме за две негативности, концентрација и дисциплина. Но, во остатокот од натпреварот имавме целосна контрола. Тимот покажа издржливост. Не е лесно кога губиш, но успеавме да направиме пресврт против компактен тим. Ги надигравме, бевме многу мирни“, изјави Тен Хаг и додаде:
„Мораме да го запреме тој процес. Вакви грешки не смее да се прават на врвно ниво ако сакаш да постигнуваш цели, ако сакаш трофеи. Не смеете да дозволите вакви пропусти во концентрацијата и дисциплината, бидејќи животот е многу полесен без нив.“
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.
Спорт
Ла Лига од следната година ќе се игра во САД
Претседателот на шпанската Ла Лига, Хавиер Тебас, даде неколку интересни коментари во интервју за „Експансион“. Тамошната јавност најмногу ја коментира изјавата во која тој отворено призна дека навива за Реал Мадрид. Овој факт е познат одамна, но сега за прв пат е и јавно потврден. Тебас го откри овој детал коментирајќи ја приказната за доаѓањето на Килијан Мбапе во Реал.
Сепак, претседателот на една од најдобрите светски лиги донесе и по малку шокантна вест за сите љубители на традиционалниот фудбал. Имено, од сезоната 2025/26, некои натпревари од Ла Лига ќе се играат во Соединетите Американски Држави.
Тоа значи дека веќе следната година би можеле да го видиме првиот натпревар од шпанското првенство на американска почва.
„САД е втор најголем пазар за нас, веднаш по Шпанија. Тоа ќе ја зајакне нашата позиција таму. Другите европски лиги веќе работат таму и немаме избор, во спротивно ќе не избришат“, рече Тебас.
Инаку, уште во 2018 година имаше предлог да се игра каталонското дерби меѓу Барселона и Џирона во САД, но УЕФА го блокираше тој потег.