Менаџерот на Арсенал, Микел Артета, даде „зелено светло“ за активирање на клаузулата со која Пјеро Инкапие (24) официјално ќе стане играч на „Топџиите“.

Еквадорскиот дефанзивец пристигна во Лондон ова лето како позајмен од Баер Леверкузен за 6.000.000 евра, се покажа добро и кога ќе започне летниот преоден рок, Арсенал ќе го откупи за 52.000.000 евра.

Инкапије е универзален дефанзивец, може да ги покрие сите позиции во задната линија, а Артета го користи најмногу на позицијата лев бек.

Тој ја искористи својата шанса додека Рикардо Калафиори беше повреден, се етаблираше во стартната постава, а викендот доби предност пред закрепнатиот Италијанец во дербито против Тотенхем, кое Арсенал го доби со 4:1.

Како дел од договорот за позајмица, веќе е договорен петгодишен договор што Инкапије ќе го потпише. Германскиот клуб ќе задржи 10 отсто од секој иден трансфер.

Артета неодамна ги пофали квалитетите на Инкапије.

Арсенал моментално е лидер во Премиер лигата со пет бода повеќе и натпревар повеќе од Манчестер Сити, ќе играат против Сити во финалето на Англискиот Лига Куп, а исто така се квалификуваа и за осминафиналето на Лигата на шампионите и завршницата во ФА Купот.

Foto/ depositphotos

Вечервашните реванши од плејофот во Италија, Шпанија и Франција ќе ги пополнат преостанатите места во првата „вистинска“ нокаут рунда од елитното натпреварување, познато како Лига на шампиони.

Апенините ќе „горат“ поради Јувентус и Аталанта, со мала надеж дека претставниците на Серија А ќе ја избегнат резултатската гилотина, бидејќи опстанокот во најсилното натпреварување на УЕФА им виси на двата клуба.

Јувентус е во особено тешка ситуација, откако минатата недела го напушти Истанбул со пет гола во мрежата.

Прогнозите се дека Јувентус треба да одигра идеален натпревар или да Галатасарај треба да има многу лош ден.

Во слична позиција е и Аталанта, најмногу поради тоа што во Дортмунд изгледаше многу лошо. Борусија во Бергамо брани предност од два гола.

Доколку два та клуба вечерва испаднат, тоа ќе биде вистинска катастрофа за Серија А, откако синоќа сензационална елиминација од Боде/Глимт доживеа Интер.

Реал Мадрид има минимално водство по првите 90 минути, противБенфика, иако покажаа повеќе од она што резултатот го покажува од гостувањето во Лисабон.

Фудбалската јавност е љубопитна да види како домашната публика ќе ги пречека гостите од Лисабон, откако нивниот играч Винисиус беше жртва, како што тој тврди, на расистичка навреда на „Ла Луж“.

Бенфика ќе биде без тренерот Жозе Мурињо и Џанлука Престијани, кој доби суспензија од УЕФА, токму поради поплаките од Винисиус и Мбапе.

Минатата недела, актуелниот европски првак ПСЖ, надомести минус од два гола во Монако, поради што во реваншот влегува како апсолутен фаворит.

Денот во Лигата на шампионите ќе го отвори дуелот Аталанта-Борусија, во 18.45 часот, сотанатите три натпревари ќе започнат во стандардниот термин од 21 часот.

За прв пат во историјата, две жени ќе го добијат своја кривина во Формула 1, а честа им припаѓа на тркачката инженерка на Естебан Окон, Лаура Милер, и шефицата за стратегија на Ред Бул, Хана Шмиц.

Како дел од прославата на Меѓународниот ден на жената, кривината 6, на патеката „ Алберт Парк“ ќе ги носи имињата на Лаура и Хана на денот на Големата награда на Австралија, со која започнува овогодинешното првенство во Формула 1, но и нова ера во спортот.

Сè ќе биде организирано во рамките на иницијативата „Во нејзиниот агол“, која е дел од партнерството помеѓу компанијата „Engineers Australia“ и организаторите на Големата награда на Австралија со цел да се инспирира следната генерација инженери.

Милер стана првата жена тркачка инженеркам, во историјата на Формула 1, кога ја презеде улогата по доаѓањето на Окон во Хас.

Францускиот возач постојано нагласуваше дека е задоволен што соработува со Лаура и дека нејзиниот напредок во кариерата е исклучително импресивен.

Шмиц соработуваше со голем број возачи откако се приклучи на Ред Бул, а таа одигра голема улога во освојувањето на титулите на Макс Ферстапен во 2022 и 2023 година благодарение на нејзините стратегии.

Големата награда на Австралија на патеката „Алберт Парк“ се одржува на 8 март, но акцијата во Мелбурн започнува два дена порано.