Спорт
Ѓорѓиоски тврди дека е жртва на измама
Кога финансиската полиција поднесе кривична пријава против 11 луѓе, меѓу кои и против поранешниот претседател на Фудбалската федерација на Македонија (ФФМ), Илчо Ѓорѓиоски, поранешниот прв човек на мак-фудбалот се јави со изјава во која тврди дека и тој самиот е жртва на измама и најави поднесување кривични пријави.
Соопштението на Ѓорѓиоски го пренесуваме целосно:
Како поранешен претседател на Фудбалската федерација на Македонија (ФФМ) и неправедно инволвиран во случајот „ФФМ“, би сакал да ѝ се обратам на јавноста.
Во однос на написите во медиумите за моја вмешаност во кривичното дело несовесно работење би сакал да кажам дека ова е уште еден од низата напади против мене.
Јас од лицата наведени во кривичната пријава сум измамен и искористен, а тоа можам да го видам од приложените докази, кои ми беа дадени на увид од страна на финансиската полиција и за овие лица ќе поднесам кривични пријави, на кои веќе работи мојот правен тим.
Пријавата за случајот се однесува на периодот од 2016 до 2019 година, а јас како претседател на ФФМ поднесов оставка во 2018 година, што значи дека наведеното лице го правела истото дело не само во мое време туку и по мојата оставка, а многу веројатно и пред јас да станам претседател на ФФМ.
Јас како претседател и одговорно лице сум бил измамен од одговорното лице за финансиско работење во ФФМ, кое работи повеќе од 30 години како раководител на финансискиот сектор во ФФМ и секако дека ќе поднесам кривична пријава против неа и ќе преземам соодветни мерки за заштита на својот углед и достоинство како како човек и спортски работник.
Во својство на претседател согласно статутот и правилниците на ФФМ и позитивните законски прописи, формирана е финансиска комисија (експерти од областа на финансиско работење, пет члена) и е ангажирана надворешна ревизорска куќа, чија задача е да вршат контрола на финансиско работење на одделот за финансии при ФФМ, што значи дека како одговорно лице сум ги презел сите дејства за правење контролен механизам во финансиското работење на ФФМ.
Најлесно е да оцрниш човек, дефинитивно, без никаква совест и одговорност. Да ставиш бомбастичен наслов, во кој ќе срушиш сè што некој создавал со посветеност и макотрпна работа. Никогаш не видов бомбастичен наслов дека во времето на Илчо се направија Куќата на фудбалот и тренинг-центарот, ниту дека беше направена Академијата и Детската лига, од која излегоа врвни фудбалери и репрезентативци. Се направи најтешката смена на генерацијата во А-репрезентацијата и од 175. место на ФИФА ранг-листата, сега сме на 63., можеби и понапред во моментот, и ќе бидеме во иднина – сигурен сум во тоа зашто направивме одлична компетитивна репрезентација и влог и база за сите идни успеси. Во времето на Илчо се случи најголемиот успех – пласман на ЕП за фудбалери до 21 година, која генерација денес е носител на играта во А-репрезентацијата. Пласманот на младите репрезентации на елитните УЕФА-турнири стана нормална работа, иако претходно беа многу ретки. На клупско ниво Вардар играше во групите на Лига Европа. Се изградија многу терени и стадиони, со што значително се подобри инфраструктурата.
И на крај, во времето на Илчо се одржа Суперкупот на УЕФА, во кој играа Реал Мадрид и Манчестер јунајтед, настан со кој во центарот на светот беа Скопје и нашата Македонија и првпат од осамостојувањето имавме еден позитивен настан. Можам сега да ви кажам дека Илчо е директен виновник за тоа што се одржа Суперкупот во Македонија и никогаш не ми требале ловорики за што и да било од ова. Секогаш сум го давал најдоброто од себе за Федерацијата и државата да имаат успеси. Мојата единствена грешка е што имав целосна доверба и бев измамен од луѓе вработени во Федерацијата за кои верував дека се компетентни и чесни во својата работа.
Со почит,
Илчо Ѓорѓиоски
Финансиски малверзации во ФФМ, поднесени 25 кривични пријави
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ѓоковиќ со мали проблеми успешно стартуваше на Вилблдон

Фото/ EPA/NEIL HALL
Новак Ѓоковиќ успешно го помина првото коло на Вимблдон по 20-ти пат во својата кариера.
На почетокот од турнирот, кој го освои седум пати, шестиот играч во светот го победи Александер Муле со 3-1, во сетови 6:1, 6:7 (7), 6:2, 6:2.
Новак се мачеше во одредени моменти, му подаруваше поени на својот ривал, бараше медицински тајм-аут, но по речиси три часа и 20 минути игра, забележа победа.
Првиот, третиот и четвртиот сет минаа во доминација на Ѓоковиќ. Српскиот тенисер самиот си направи проблеми во вториот сет. Ѓоковиќ пропушти дури 11 брејк топки и шест сет топки за предност од 2:0, а во тај-брејкот испушти предност од 5:2 и буквално му го подари сетото на Муле, 41-ви на АТП листата. .
Ѓоковиќ во второто коло ќе игра против домашниот тенисер, Даниел Еванс.
Спорт
(Видео) Гонзало Гарсија го одведе Реал во четвртфиналето

Фото/ EPA/CRISTOBAL HERRERA-ULASHKEVICH
Фудбалерите на Реал Мадрид се пласираа во четвртфиналето на Светското клупско првенство во САД по минималната победа над Јувентус.
Дерби натпреварот од оваа фаза од натпреварувањето, одигран на стадионот „Хард Рок“ во Мајами, заврши со резултат 1:0 (0:0). Стрелец на единствениот гол беше Гонзало Гарсија во 54-та минута.
Реал Мадрид се пласираше во осминафиналето како победник во Групата Х, додека Јувентус заврши втор во Групата Г зад Манчестер сити.
Во првото полувреме немаше голови, иако играчите на двата тима имаа шанси во неколку ситуации, пред сè Рендал Коло Муани (Јувентус), Џуд Белингам и Феде Валверде (двајцата Реал Мадрид).
Во продолжението, се започна со иницијатива на шпанскиот тим (шанси на Белингам и Хујсен), а во 54-та минута, конечно беше затресена италијанската мрежа: Стрелец беше 21-годишниот напаѓач Гонзало Гарсија Торес, кој сè повеќе му се наметнува на Чаби Алонсо.
Тој скокна високо по центаршутот на Трент Александар Арнолд и го совлада одличниот голман Микеле Ди Грегорио.
Тоа беше неговиот трет гол и сега е најдобар стрелец на Реал на Светското клупско првенство.
Реал имаше повеќе можности во остатокот од натпреварот, но Ди Грегорио повторно се истакна и ги сопре обидите на Валверде, Арда Гулер и Чуамени.
Реал Мадрид ќе игра во четвртфиналето на 5 јули во Њу Џерси против победникот од последниот осминафинален натпревар помеѓу Борусија Дортмунд и Монтереј. Таа средба започнува во три часот по полноќ.
Сите четвртфинални парови
4 јули, Пасадена: Палмеирас (Бразил) – Челзи (Англија)
4 јули, Орландо: Флуминенсе (Бразил) – Ал Хилал (Јужна Арабија)
5 јули, Атланта: ПСЖ (Франција) – Баерн (Германија)
5 јули, Њу Џерси: Реал (Шпанија) – Дортмунд (Германија) / Монтереј (Мексико)
Спорт
Ден полн со големи изненадувања: Зверев и Коко Гоф си одат дома

Foto/ EPA/DANIEL HAMBURY
Вториот ден од Вимблдон донесе голем број интересни натпревари, но и неколку изненадувања. Сензационални елиминации доживеаја третиот носител кај мажите, Александар Зверев и втората носителка во женска конкуренција Коко Гоф.
Во натпревар што траеше два дена, Артур Риндеркнеч го победи третиот играч во светот, Александар Зверев со 7:6 (3), 6:7 (8), 6:3, 6:7 (5), 6:4 по четири часа и 42 минути игра. За неверување е податокот францускиот тенисер не му дозволи на Зверев ниту една брејк топка.
Дарија Јастремска направи големо изненадување елиминирајќи ја втората тенисерка во светот, Коко Гоф. Украинката, која моментално е 42-ра на ВТА листата, против актуелната шампионка на Ролан Гарос славеше со 7:6 (3), 6:1 за прв триумф против Американката, во нивниот четврти меѓусебен дуел.
Негова следна противничка ќе биде Захарова.