Спорт
Главниот спонзор на Јунајтед се повлекува, 465 милиони за ваков тим се премногу

Одамна вака не било во Манчестер Јунајтед. Криза на теренот, криза во Управата. Најновиот удар за „цевените ѓаволи“ доаѓа од главниот спонзор – Шевролет.
Медиумите на Островот пишуваат дека од Шевролет решиле, по 5 години, да се повлечат од спонзорирањето на Јунајтед.
Образложението е дека вложувањата во висина околу 465 милиони евра за период од 7 години не соодветствуваат со успесите на клубот.
Од 2014, кога Американците го „залепија“ нивното лого на предниот дел од дресот на Јунајтед, освоени се само Лига Европа, ФА куп и Лига куп, додека „ѓаволите“ не беа ниту близу до освојување титула во ПЛ или, пак во ЛШ.
Според пишувањата на „Тајмс“, Американците увиделе дека го преплатиле кубот, дека парите кои ги дале за реклама не ја следат репутацијата на клубот која ја има во изминативе години, посебно откако Сер Алекс Фергусон не е на чело на екипата.
„Од почетокот работата беше осудена за пропаст. Чувствувавме дека на Манчестер му дадовме повеќе пари отколку што требаше и работите никогаш не можат да се вратат на рамниште како што се заслужува“ – наводно изјавил инсајдер од Шевролет.
Договорот на Шевролет со Јунајтед истекува во 2021 година, а потоа клубот ќе мора да си бара нов спонзор.
„Манчестер нема тим, едноставно нема доволно добри фудбалери. Од првите 11 кои играа на последниот меч со Њукасл, тројца, најмногу четворица би можеле во иднина да го носат дресот на Јунајтед“ – изјави екс-репрезентативецот на Англија, Мајкл Овен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Трагичната судбина на Диого Жота: Докторот му рекол да не патува со авион

„Диого Жота патувал со автомобил со својот брат бидејќи му било советувано да не користи авион по операцијата на белите дробови што ја имал“, објавија медиумите во Португалија и Англија.
„Диого и неговиот брат Андре планирале да отпловат за Англија, па поради тоа се упатиле кон Стандандер, а потоа, откако преноќиле, се упатиле кон Бенавенте, каде што требало да се качат на траект за Англија“, објави CNN.
Жота претрпел тешка повреда на ребрата во текот на сезоната и ја искористил паузата помеѓу двете првенства не само за одмор и венчавка, туку и за рутинска операција на белодробно крило кое било малку оштетено од ударот.
Затоа, според португалските медиуми, му било советувано да не користи воздушен транспорт поради разликата во притисокот и можните компликации.
Диого и Андре поради тоа тргнале на пат со автомобил, а набргу потоа се случила трагична несреќа во која двајцата ги загубиле животите.
Гума експлодирала на нивниот автомобил додека престигнувале на патот, ја изгубиле контролата врз возилото кое се превртело и се запалило.
Спортскиот свет се уште е во шок по трагичната вест од Шпанија.
Фото/ EPA/ADAM VAUGHAN
Спорт
Иванишевиќ шокиран од состојбата на Циципас: „Не сум видел понеподготвен играч“

Патувањето на страдањето на Циципас продолжи со неговата елиминација во првото коло на Вимблдон.
Во интервју за „Спортклуб“ во Лондон, Иванишевиќ проговори за соработката со Гркот, за доблестите и недостатоците во играта на неговиот ученик, кој, како што вели, итно треба да реши одредени проблеми што ги има надвор од теренот.
„Едноставно е и не е едноставно. Разговарав со него многу пати. Ако успее да реши некои работи надвор од тенисот, ќе има шанса и ќе се врати таму каде што му е местото, бидејќи е премногу добар играч за да биде надвор од првите десет. Ако не успее тоа, нема шанси. Моја одговорност е да му поправам некои технички детали на теренот, тоа е најлесниот дел, но тој мора самиот да го реши второто. Ако успее, искрено сакам да успее, без разлика дали сум таму или не“, рече Иванишевиќ.
Во првото коло, Циципас загуби од Валентин Ројер, на кого му се предаде по два сета.
„Тој има желба, но не прави ништо. Сè е „ќе биде, ќе биде“, но не гледам никаков напредок. Ако сака да успее, мора да го реши проблемот со грбот. Бев шокиран, никогаш во животот не сум видел играч физички понеподготвен. Јас, со моето колено, сум барем три пати поподготвен од него. Не знам што правеше цела година, но ова е многу лошо“, додаде Горан.
Спорт
Шпански тинејџер е најскапиот играч во историјата на Комо

Шпанскиот крилен играч Хесус Родригез потпиша за Комо до 2030 година во трансфер вреден 22 милиони евра. Родригез стана најскапиот играч во историјата на клубот.
Рекордот што претходно го држеше Мартин Батурина брзо беше срушен. Пред една недела Батурина дојде во Комо од Динамо Загреб за 18 милиони евра.
Хесус Родригез ќе наполни 20 години во ноември, а минатата сезона постигна пет гола на 44 натпревари за Бетис.
Момчето родено во Севилја често се споредува со легендата на клубот, познатиот Хоакин, во однос на неговиот стил на игра.
Foto/ EPA