Спорт
Ѓоковиќ: Менталната снага не дар од Бога, таа доаѓа со многу работа

Конечно е објавено долгоочекуваното интервју на Новак Ѓоковиќ за телевизијата Си-би-ес.
Најдобриот светски тенисер одговори на бројни актуелни прашања кои се однесуваат на него и неговата кариера, но и тенисот воопшто, во долгиот и исцрпен разговор со познатиот новинар Џон Вертхајм.
Новак рече дека неговата ментална сила не е дар од Бога.
„Тоа не е подарок“, го поправи Џон Вертхајм. „Тоа е нешто што доаѓа со многу работа“.
„Разликата, претпоставувам, помеѓу момците кои можат да бидат најголеми шампиони и момците кои се борат да стигнат до највисокото ниво е способноста да не се задржуваат премногу долго во тие емоции. За мене, тоа е навистина релативно кратко. Можам да пукнам, да врескам. Но, во состојба сум да се вратам и да се ресетирам“, вели Новак.
Кршењето рекети е почесто кај многу други играчи, но понекогаш му се случува и на теренот.
„Не сум горд на тоа. И се срамам од себе кога го правам тоа, без сомнение. Но, во исто време, знаете, се прифаќам себеси како човечко суштество со мани. Количината на притисок и стрес е многу поголема ако имате толпа против вас. Во исто време, јас всушност повеќе уживам во средина каде, знаете, имам добра поддршка“, додаде Ѓоковиќ.
Позната е ситуацијата од јануари 2022 година кога беше депортиран од Австралија.
„Го имав најголемиот дел од светот против мене. Имав такво искуство на тенискиот терен со публика која можеби немаше да навива за мене, но никогаш порано во животот не сум го имал ваквото посебно искуство“, рече тој, додавајќи дека „тој не е против вакцината“ и дека тој е само „поборник на слободата на избор“.
Тој зборуваше и за својот голем ривал Рафаел Надал и обидот на Шпанецот да го „заплаши во соблекувалната“ пред нивните големи натпревари.
„Играм против Надал на Ролан Гарос, мојата соблекувална е до неговата. Блиску сме, нели? Се обидуваме да си дадеме простор, но не е голем. И го слушам како скока како што тоа го прави пред почеток на секој натпревар. Во соблекувалната го слушаш како прави кратки спринтови. Можам дури и музиката да ја чујам што ја слуша во слушалките. Знаеш,тоа ме нервира. Не сфатив на почетокот на мојата кариера дека сето тоа беше дел од сценариото, нели? Се плашев од тоа. Но, исто така ме мотивира да ги правам работите сам и да покажам дека сум подготвен. Подготвен сум за битка, за војна”.
Големо задоволство е огромниот број освоени Грен слемови, рекордни 24.
„Всушност пред многу години сонував дека ќерка ми и мојот син ќе можат да ме гледаат како го освојувам Вимблдон. Тоа се случи неколку пати. Имам голема среќа што го доживеав тоа“.
From rivals to friends? @DjokerNole says he would like that—just not for a little while…
Catch the full ’60 Minutes’ interview Sunday, December 10th at 7:30 PM ET after the football game on CBS and streaming on Paramount+
📽️ Credit: @60Minutes pic.twitter.com/RZsZDwMeBG
— Tennis Channel (@TennisChannel) December 9, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Интер оствари рекорден приход

Италијанскиот фудбалски гигант Интер оствари рекордни 567 милиони евра приходи во изминатата финансиска година, беше објавено на веб-страницата на клубот.
Финансиските извештаи за сезоната 2024/25 покажуваат приходи од 567 милиони евра, што е зголемување од 94 милиони евра во споредба со претходната сезона. Ова е рекорд, не само за Интер, туку и за италијанскиот фудбал како целина. Претходниот рекорд го држеше Јувентус кога имаше приходи од 464 милиони во првата сезона на Роналдо.
Рекордните приходи на Интер се резултат на зголемените приходи од домашните и европските натпреварувања, како и учеството во првото издание на проширеното Светско клупско првенство. Во исто време, имаше зголемување на комерцијалните приходи од спонзорства и натпревари.
Интер ја затвори финансиската година со нето добивка од 35,4 милиони евра, во споредба со загуба од 35,7 милиони евра во претходната финансиска година. Интер ја заврши рекордната финансиска година без трофеј.
Во финалето на Лигата на шампионите загуби од ПСЖ, во Серија А беше втор од Наполи, во Купот на Италија испадна во полуфиналето против градскиот ривал Милан, „росонерите“ беа подобри и во финалето на Суперкупот на Италија, додека на клупскиот Мундијал клубот загуби од Флуминензе.
Спорт
Детали го делат Бенитез од клупата на Панатинаикос

Трофејниот шпански стручњак Рафаел Бенитез (65) треба да го преземе грчкиот тим Панатинаикос во наредните денови, откако че бидат дефинирани деталите за идната соработка.
Великанот од Атина е во потрага по тренер по заминувањето на Португалецот Руи Виторија, кој беше отпуштен на 15 септември, еден ден откако „зелените“ загубија од Кифисија со 3:2.
Во меѓувреме, Панатинаикос значително ја подобри играта и резултатите под водство на привремениот тренер Христос Контис и забележа голема победа во Лигата на Европа против Јанг Бојс (4:1), но во клубот, и покрај очигледниот напредок, бараат ново, по можност звучно име за клупата.
Според грчките медиуми, изборот паднал на тренерот кој ја освои Лигата на шампионите со Ливерпул во 2005 година, две титули во Ла Лига и Купот на УЕФА со Валенсија и Лигата на Европа со Челзи.
Истите извори наведуваат дека Бенитез пристигнал во Атина со приватен авион во четврток наутро за финални преговори со челниците на клубот и најверојатно за потпишување на договорот.
Наводно, Панатинаикос му нуди дури пет милиони евра само за едногодишна соработка.
Спорт
Џексон Хејс ќе добие пасош на Словенија

Центарот на Лос Анџелес Лејкерс, Џексон Хејс (25), откри дека е во процедура за добивање словенечки пасош за во иднина да може да игра со Дончиќ и во репрезентацијата.
Хејс е член на Лејкерс од 2023 година, претходно играше за Њу Орлеанс.
Наскоро би можел да биде опција за селекторот на Словенија, Александар Секулиќ, кој бара играч на позицијата „пет“ по повлекувањето на Џош Нибо за последниот Евробаскет.
Нибо, да потсетиме, поради повреда, не доби дозвола од својот клуб Милано да игра за Словенија, што ги принуди челниците на КС Словенија да најдат посигурно решение за наредните години.
Изборот падна на Хејс, со кого неговиот соиграч Лука Дончиќ ги водеше преговорите.
„Лука е мој човек. Работиме заедно за да добиеме словенечки пасош и да можеме да играме за Словенија следното лето“, ги изненади Хејс новинарите по натпреварот со Далас.
Хејс со тоа би бил четвртиот странец во последните неколку години во дресот на Словенија, по Ентони Рандолф, Мајк Тоби и Џош Нибо.
Словенија беше европски шампион во 2017 година со Рандолф.