Спорт
Ѓоковиќ во последниот меѓусебен меч го победи Надал

Новак Ѓоковиќ го победи Рафаел Надал во борбата за третото место на егзибицискиот турнир „Шест кралеви“. Српскиот тенисер славеше со 6:2, 7:6.
Овој дуел и покрај тоа што нема да влезе во официјалната статистика беше 60. меѓу легендите на светскиот тенис.
Првиот меѓусебен дуел Ѓоковиќ и Надал го одиграа пред 18 години на Ролан Гарос.
Судбината сакаше, Надал, последниот меч во кариерата надвор од Шпаноја да го одигра токум против Ѓоковиќ.
Се чинеше дека Надал нема да го добие заслуженото збогување. Новак направи брејк во првиот гем и му требаа само 31 минута за да го добие сетот.
За време на паузата меѓу двата сета, неговиот тренер Карлос Моја истакна дека Рафа е нервозен поради природата на овој меч и дека сигурно ќе биде подобар во вториот. И тоа се случи.
Ѓоковиќ направи брејк во првиот гем од вториот сет, Надал возврати во следниот. Ѓоковиќ потоа му го одзеде сервисот на противникот во деветтиот гем, сервираше за победа, имаше и меч топка, но Надал успеа да се врати и да избори тај-брејк.
Во 13. игра Новак брилијантно сервираше и го реши нивниот последен дуел во своја корист.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Роналдо го продаде Ваљадолид

Ваљадолид испадна од Примера, но неговите навивачи денес слават. Клубот објави дека Роналдо Назарио повеќе не е сопственик.
„Претседателот на Управниот одбор и мнозински сопственик на Ваљадолид, Роналдо Луис Назарио де Лима, објавува дека потпишал договор за продажба на поголемиот дел од акциите на инвестициска група од Северна Америка, која е поддржана од фонд од Европа“, се вели во соопштението за медиумите на Ваљадолид.
Навивачите во последно време протестираа против Роналдо, кој на крајот сфати дека е најдобро да се повлече.
Особено, бура од незадоволство кај навивачите предизвика снимката на која се забележува Бразилецот како пијан излегува од ноќен клуб додека клубот грчевиот се бореше за опстанок.
Спорт
Ѓоковиќ со мали проблеми се пласира во 143-то финале во кариерата

Новак Ѓоковиќ избори пласман во своето 143-то финале на АТП турнирите и во сабота ќе игра против Хуберт Хуркач за својата 100-та титула.
Во полуфиналето на АТП турнирот од серијата 250, во Женева, Ѓоковиќ го победи Камерон Нори во три сета.
Мечот траеше два часа и 30 минути, а Новак победи со резултат 6:4, 6:7, 6:1.
Ѓоковиќ релативно лесно мина низ првиот сет, во вториот, успеа да се врати по водството на противникот 1:4 и 2:5 избори тај-брејк, не успеа да искористи меч-топка и мораше да игра решавачки сет.
Сепак, во третиот сет го потврди својот квалитет и го скрши Британецот во раната фаза.
Финалето на турнирот во Женева е закажано за сабота во 15 часот.
Спорт
(Видео) Јанакопулос направи хаос, тргна да се пресмета со челниците на Евролигата

Првиот човек на Панатинаикос, Димитрис Јанакопулос, повторно имаше „шоу“, овојпат на завршниот турнир во Абу Даби.
Јанакопулос, познат по својот жесток темперамент и човек што нема добар однос со челниците на Евролигата и судиите, тоа го покажа на полувремето.
Кога судиите се упатија кон соблекувалната, Јанакопулос стана и почна да им вика, по што влезе на теренот и продолжи вербално да ги напаѓа.
Потоа тој ги нападнал и водечките луѓе на Еверолигата, Дејан Бодирог и Паулиус Мотиејунас, но обезбедувањето спречи поголем инцидент.
İlk yarının sonunda Panathinaikos başkanı Dimitris Giannakopoulos, hakemlerin üzerine yürüdü. Devamında böyle uzaklaştırıldı: pic.twitter.com/ToCOwUvxxm
— Buğra Balaban (@BugraBalaban_) May 23, 2025
Сопственикот на ПАО мораше да го напушти своето место крај теренот и го гледаше дуелот од тунелот, односно од зад вратата низ која се влегува во салата.
Инаку неговиот тим не успеа да влезе во финалето. Фенербахче го порази Панатинаикос со 82:76.