Спорт
Голден стејт поведе 3-2 против Хјустон, Дурент се повреди (видео)

Кошаркарите на Голден стејт Вориорс го добија петтиот меч од полуфиналната серија со Хјустон Рокетс и се на чекор до пласман во финалето на Западот. Вориорс победи 104:99 и во серијата води со 3-2.
Вориорс силно влезе во натпреварот, имаше двоцифрена предност на крајот од првиот период (31:17), во втората неговата предност изнесуваше и 20 поени, но Рокетс во третиот период се врати во натпреварот.
Во финишот на третата четвртина Вориорс останаа без својот најдобар играч – Кевин Дурент. КД го повреди листот на десната нога, замина во соблекувалната и повеќе не се врати на теренот.
Хјустон имаше предност во последниот период кога Стеф Кари реши да ја преземе одговорноста и на крајот да го однесе својот тим до победата.
Најефикасен играч на Вориорс беше Клеј Томпсон со 27 поени, Стеф Кари постигна 25, а Дрејмонд Грин имаше 8 поени, 12 скока и 11 асистенции, до повредата Дурент постигна 22 поена.
Џејмс Харден уште еднаш беше најефикасен кај Хјустон, тој постигна 31 поен, но само четири од нив беа во последната четвртина.
Серијата сега се враќа во Тексас, каде што Хјустон ќе биде домаќини во шестиот меч, в сабота од 4 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) „Бункерот“ на Гвардиола не издржа, Мартинели во 93-та минута му донесе бод на Арсенал

Фудбалерите на Арсенал и Манчестер сити ремизираа 1:1 (0:1) во дербито на 5-то коло од англиската Премиер лига.
Над сите очекувања, во Лондон беа видени „само“ два гола, а првиот падна во рана фаза, во 9-та минута. Ерлинг Халанд го започна и заврши одличниот контранапад на „Граѓаните“.
Тоа беше шестиот гол на Норвежанецот во пет одиграни натпревари во Премиер лигата и продолжение на феноменалната серија оваа сезона.
Сити играше добро, неговите играчи не испаѓаа, не грешеа, па може да се каже дека Гвардиола беше на пат кон победа со тактиката „ала Жозе Мурињо и Чоло Симеоне“.
„Топџиите“, беа најблиску до изедначување во судиското продолжение од првото полувреме кога Нони Мадуеке шутираше во поблискиот агол, но Донарума годбрани.
Арсенал започна многу офанзивно во продолжението, но не направи ништо значајно освен опасните шутеви на Мартин Зубименди и Еберечи Езе.
Сити водеше се до третата минута од судиското продолжение. Тогаш прв пат испадна одбраната на Сити, а Габриел Мартинели го фати Донарума на „ничија земја“ и маестрално го лобуваше од 14 метри за конечни 1:1 и екстаза на „Емирати“.
На ремито најмногу се радуват во Ливерпул. „Црвените“ се лидери со максимални 15 поени, а големите конкуренти Арсенал и Сити имаат 10 односно седум поени.
Фото/ Принтскрин
Спорт
Рашфорд сака да остане во Барселона

Маркус Рашфорд беше човекот на одлука во првиот натпревар на Барселона оваа сезона во Лигата на шампионите.
Англискиот напаѓач се врати во својата татковина со каталонскиот клуб, каде што Барса играше против Њукасл и го реши натпреварот. Постигна два гола, ја освои наградата за играч на неделата и покажа дека може да игра на најголемата сцена.
Рашфорд се раздели со Манчестер јунајтед, но само привремено. Англискиот репрезентативец е на позајмица во Барселона, но би сакал да остане таму.
Познато е дека Рашфорд не се раздели со Аморим и раководството на најдобар начин. Прво беше испратен на позајмица во Астон Вила, сега во Барселона, бидејќи повеќе не сметаат на него на „Олд Трафорд“. Сепак, има еден проблем.
Барселона сè уште има големи финансиски проблеми и големото прашање е дали ќе можат да си дозволат да го откупат договорот на Рашфорд, се разбира, ако одлучат да го откупат.
Спорт
(Видео) Атлетико се самоуништи во Мајорка, „јорганџиите“ ја продолжија лошата серија

Мајорка и Атлетико Мадрид одиграа 1:1 во петтото коло, во Ла Лига. Двата тима имаа лош старт на сезоната, мајорка се уште е без победа, додека Атлетико само еднаш победи во првите пет рунди.
Атлетико се самоуништи на „Сан Моиш“. Доминираа „јорганџиите“ во најголемиот дел од натпреварот, имаа посед 80-20, но не успеаја да го совладаат Лео Роман.
Во првите 14 минути, Бариос ја погоди стативата, а потоа Роман му одбрани пенал на Хулијан Алварез. До крајот на полувремето добра шанса пропушти и Симеоне.
Во вториот дел уште една брилијантна одбрана на Роман против Хулијан Алварез, а потоа шок за гостите. Александер Сорлот во 72.минута, по интервенциј од ВАр собара доби црвен картон.
Сепак со играч помалку Атлетико постигна гол, по акцијата на Љоренте, Роман ја одби топката, на која налета Галагер и од 14 метри го погоди голот.
Радоста на „јорганџиите“ страеше само шест минути, кога Муричи, одлично скокна по центрашутот на Виргили и го изедначи резултатот.