Спорт
Голден стејт Вориорс вреди 9,13 милијарди долари

Кошаркарскиот клуб Голден стејт Вориорс е највредната франшиза во НБА и вредноста на овој бренд се проценува на 9,13 милијарди долари, пренесуваат американските медиуми.
Во споменатата сума е вклучен целиот кадар, инфраструктура, недвижности, како и женскиот тим, а со споменатата сума Вориорс се втората највредна спортска франшиза во САД. Пред нив се само НФЛ гигантите Далас Каубојс, кои вредат 10,3 милијарди долари.
Веднаш зад тимот од Сан Франциско се Њујорк Никс чија вредност е 8,3 милијарди долари, а на третото место на листата на највредни клубови во најсилната светска кошаркарска лига се ЛА Лејкерс со 8,07 милијарди долари.
Медиумите нагласуваат дека просечната вредност на НБА клубовите е 4,6 милијарди долари, а над таа сума се Бруклин Нетс (5,7), ЛА Клиперс (5,68), Бостон Селтикс (5,66), Чикаго Булс (5,56 ), Мајами Хит (5) , Хјустон Рокетс (4,77) и Торонто Репторс (4,66).
Она што е особено интересно е дека од гореспоменатите најбогати клубови, само Бостон Селтикс и ЛА Лејкерс не ги поседуваат арените во кои ги играат своите натпревари.
На дното на НБА листата на клубови кога станува збор за вредноста на вкупната актива се Минесота (3,29), Њу Орлеанс (3,09) и Мемфис (3,06).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ги елиминира Фенербахче од Лигата на шампионите, па потпиша договор со нив

Во денот кога Фенербахче му врачи отказ на тренерот Жозе Мурињо, турските медиуми објавија дека клубот го договорил трансферот на поранешниот играч на Галатасарај, Керем Актуркоглу.
Бенфика ќе добие фиксни 22.500.000 и низ бонусите уште 2.500.000 евра.
Интересно, Актуркоглу на некој начин му го потпиша отказот на Жозе Мурињо.
Во средата, тој го постигна единствениот гол во плејоф двомечот меѓу Бенфика и Фенербахче. Овој гол и овозможи на Бенфика да игра во Лигата на шампионите, а Фенербахче го испрати во Лига Европа.
Актуркоглу од семејни причини инсистираше да трансферот.
Foto/ EPA/ERDEM SAHIN
Спорт
Миовски се враќа во Шкотска, ќе потпише за Глазгов Ренџерс

Македонскиот репрезентативец Бојан Миовски се враќа во Шкотска. Џирона и Глазгов Ренџерс го договориле трансферот. Миовски ќе гоо стави потписот на договорот со „полицајците“ кога ќе ги мине лекарските прегледи, кои се најавени до крајот на денот.
Бојан Миовски две сезони блескаше во дресот на Абердин, во кои постигна 44 гола. Минатото лето реши да се пресели во Шпанија, за да игра во Лигата на шампионите. Џирона за него на Абердин му плати 8.500.000 евра.
Во Каталонија немаше добра сезона, постигна четири гола во 25 натпревари во сите натпреварувања, но речиси не играше во вториот дел од сезоната, поради повредите, но и поради одлука на тренерот.
Неговиот статус не се смени ниту во новата сезона и покрај тоа што беше стартер во првото коло против Рајо Ваљекано (0:2). Миовски одигра 45 минути, а потоа беше заменет кога голманот Газанига доби црвен картон.
Во второто коло и убедливиот пораз од Виљареал, Миовски воопшто не беше во составот на Џирона и тогаш беше јасно дека во клубот повеќе не сметаат на него.
Џирона реши да го продаде напаѓачот и покрај тоа што имаше до јуни 2028 година.
Глазгов Ренџерс за Миовски на Џирона ќе и плати 5.000.000 евра.
Foto/ EPA
Спорт
Челниците закажале состанок со Аморим

Манчестер јунајтед, во средата доживеа шокантна елиминација од Лига купот од членот на Четвртата лига Гримзби.
Поразот во медиумите беше означен како најголем срам во клупската историја. Логично е дека елиминацијата предизвика потреси во клубот.
Рубен Аморим не успева да ги спроведе своите идеи, а за време на репрезентативната пауза се очекува да разговара со клупските челници, објавува „Дејли меил“.
Португалецот истакна дека нешто мора да се промени, но да се сменат 22 играчи е невозможно. Медиумите оваа изјава ја протолкуваа како знак на заминување.
Сепак, во клубот не размислува за такво сценарио, иако Аморим нема победа во првите две кола од Премиер лигата. Ќе видиме дали оваа шлаканица во Купот ќе ги раздвижи „црвените ѓаволи“, кои потрошија повеќе од 200.000.000 евра во овој преоден рок.
Фото/ Принтскрин