Спорт
Голман на Брајтон „ја брани“Австралија, собра 28.000 долари за пожарите
Голманот на премиерлигашот Брајтон, Австралиецот Метју Рајан продолжи со сјајните одбрани во најсилната фудбалска лига на Островот (можеби и во Европа). Тој ја зголеми донацијата за својата татковина која се мачи со силни пожари, па сега таа изнесува 28.000 долари.
Рајан се приклучи на големата акција на спортистите ширум светот па одлучи за секоја негова одбрана да донира по 500 долари. До сега има 56 успешни интервенции.
Колку добро брани сезонава во Брајтон покажува и податокот дека има просек од 5,6 одбрани по меч. На последниот дуел на Брајтон со Евертон („Карамелите“ славеа со 1-0) Рајан дури петпати добро интервенираше пред сопствената мрежа.
„Им благодарам на сите за неверојатната поддршка која ја добивам поради ситуацијата во татковината. Благодарен сум што многу луѓе помагаат“ напиша Рајан на Твитер.
and most importantly donating to the cause. We appreciate it all and hope to continue to raise more. 48 saves and counting.
Wildlife victoria (https://t.co/egwWSReoiw) is another organisation that as far as I’ve been told has raised $500k and is need of some desperate help. ???? pic.twitter.com/Lm8QVc9kt8
— Maty Ryan (@MatyRyan) January 12, 2020
Голманот е еден од многуте спортисти кои помагаат за Австралија. Меѓу нив се и Новак Ѓоковиќ, Рафаел Надал, Ник Кирјос, Јанис Адетокумбо, Марија Шарапова и многу други.
Рајан во следниот меч против тимовите на Астон Вила, Вест Хем и Вотфорд ќе може да го подобри паричното салдо за помош на Австралија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Му платија 700 милиони долари, веднаш направи нешто што МЛБ досега не видела
Јапонскиот бејзбол играч Шохеи Охтани, изминатата ноќ, влезе во историјата на МЛБ.
Шохеи Охтани дојде во Лос Анџелес Ејнџелес како фрлач (pitcher) и веднаш стана голема ѕвезда бидејќи правеше работи кои не се видени во модерниот спорт, а тоа е да игра и во поле и покрај тоа што е фрлач.
Јапонецот уриваше рекорди во фрлања и погодоци (хоум ран), па го привлече вниманието на градскиот ривал Лос Анџелес Доџерс кој му плати дури 700 милиони долари.
Овој 10-годишен договор е најголемиот во историјата на спортот, а лудилото допрва ќе следи бидејќи Шохеи Охтани направи нешто што досега не е видено.
Шохеи Охтани игра на позицијата удирач и стана првиот играч во историјата на МЛБ кој има 50 хоум ран (погодок кога топката оди преку трибините и не може да се фати) и 50 украдени бази (кога играчот ќе стигне до базата пред да дојде топката до неа).
„Овој спорт се игра повеќе од 200 години, никој во историјата на лигата не го направил она што него му успеа“, изјави тренерот на Лос Анџелес Доџерс, Дејв Робертс.
Рекордот беше соборен во Мајами за време на натпреварот помеѓу Доџерс и Марлинс, во седмиот ининг Охтани влезе во историјата.
Спорт
Симеоне: Овој формат на ЛШ ве тера да играте на победа
Тренерот на Атлетико Мадрид, Диего Симеоне изјави дека е задоволен од исходот на натпреварот против Лајпциг.
Фудбалерите на Атлетик во четвртокот го победија Лајпциг со 2:1, во натпреварот од првото коло во Лигата на шампионите.
Шпанскиот клуб победи со голот на дефанзивецот Хосе Марија Хименез во 90. минута.
„Овој формат нè принудува да победиме, од нерешен резултат има малку корист. Целосно сум задоволен, натпреварот беше многу добрар. Ова ќе го кажев и доколку завршеше нерешено. Игравме на различни начини и со различни играчи. Играчите добро го протолкуваа тоа и добивме важен натпревар. Се се одвиваше онакак како што замисливме, контролиравме 80 проценти од играта“, изјави Симеоне по мечот.
Клубот од Мадрид во недела ќе му гостува на Рајо Ваљекано во шестото коло од шпанската лига.
Спорт
Ембид ќе заработува 64 милиони долари по сезона
Џоел Ембид е еден од најдобрите центри во денешната НБА и е член на Филаделфија ’76 од почетокот на кариерата.
Според Шемс Чаранија, моментално единствениот активен НБА инсајдер, Филаделфија ќе му плати на Џоел Ембиид 193 милиони долари во следните три сезони.
Максималниот договор трае до 2028/29 година и тоа значи дека Ембид ќе заработува 64,33 милиони долари годишно, или ќе инкасира над 301 милион долари за пет години со стариот максимален договор.
Тоа е еден од најголемите договори во историјата на НБА.
Ембид дојде од Универзитетот Канзас во НБА во 2014 година кога Фили го избра од третата позиција на драфтот. Тој беше МВП во 2023 година и член на идеалната петорка.
Ембид е седумкратен Ол-стар, двапати водечки стрелец во лигата, четири пати член на втората најдобра петорка во лигата и три пати се најде во вториот најдобар одбранбен тим во лигата.