Спорт
Голот на Роналдо во 94. минута поништен, Арнаутовиќ ја инспирираше Болоња
И покрај шпекулациите во италијанските медиуми дека се обидува да го примора Јувентус да го продаде ова лето, Масимилијано Алегри го внесе Португалецот во последните половина час од првиот меч од сезоната во Серија А на гостувањето кај Удинезе, каде што постигна гол во 94. минута кој му беше поништен поради офсајд за да се задоволат со 2:2 реми откако водеа со 2:0.
Неделната „бомба“ на угледните италијански новинари беше дека Роналдо и покрај подготвеноста за игра, побарал да биде оставен на клупа во обид да издејствува трансфер, иако тоа беше демантирано од Павел Недвед.
Без него, Пауло Дибала го отвори мечот со прекрасен гол во 3. минута, пред во 23. минута да му асистира а Хуан Квадрадо за 0:2. Удинезе се закани со камбек со голот на Рикардо Переира во 55. минута со удар од белата точка, по што Алегри го внесе Роналдо во игра во 60. минута на местото на Алваро Мората. Во 85. минута, Жерард Деулофеу постигна гол, кој по долгата ВАР проверка беше признат, а потоа следуваше драмата – Кристијано Роналдо во 94. минута мислеше дека го решил мечот, но по ВАР проверката неговиот гол беше поништен.
Ronaldo’nun golü ofsayt gerekçesiyle iptal edildi.
Udinese 2-2 Juventus
— Football Spot (@footballspotcom) August 22, 2021
Во вториот попладневен луд меч, Болоња на Синиша Михајловиќ се врати за 3:2 победа над повратникот во Серија А, Салернитана. Гостите од 34. минута играа со играч помалку по вториот жолт картон на Стриндберг, но Болоња исто така остана со 10 играчи во 55. минута по ударот со лакт на Соријано.
Салернитана поведе во 52. минута со гол од пенал на Бонацоли, за седум минути подоцна да израмни Де Силвестри. Мамаду Кулибали пак ги донесе Салернитана во водство во 70. минута, за Марко Арнаутовиќ да го постигне првиот гол по враќањето во Италија во 75. минута, а две минути подоцна Де Силвестри ја обезбеди победата.
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-33-37475”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.