Без победник, 1:1, заврши последниот натпревар од саботната програма во Ла Лига помеѓу Алавес и Барселона. Барселона на последните три натпревари во шпанскиот шампионат нема победа. Каталонците од шест одиграни натпревари имаат осум поени и се наоѓаат на 12 место на табелата. Лидерот Реал со натпревар повеќе има 16 поени, а Атлетико е втор со 14 и натпревар помалку од водечкиот тим во лигата.

Барселона имаше целосна доминација на теренот на Алваес, упатија 22 удари кон голот на одличниот Пачеко, но само Антоан Гризман успеа да го совлада голманот на Алавес. Пачеко се ситакна со шест бравурозни интервенции.

Барса не успеа да постигне повеќе од еден гол иако од 62 минута играа со фудбалер повеќе. Поради два жолти картони натпреварот пред време го заврши Хота.

Во првото полувреме, Риоха, во 31 минута ја искористи комичната реакција на голманот Нето и му донесе предност на Алавес.

Алавес претходно успеа да остане непоразен против Барселона на домашен терен во 2005 година.



Фудбалерот на Валенсија, Жофри Кондогбија, го договорил својот трансфер во Атлетико Мадрид, објави новинарот Фабрицио Романо. Поранешниот играч на Ленс, Севилја, Монако и Интер на „Ванда Метрополитано“ доаѓа како замена за Томас Парти кој замина во Арсенал.

Валенсија од трансферот на Кондогбија ќе заработи 11.000.000 евра, а ќе има и 10 отсто од наредниот трансфер, доколку тој се случи некогаш.

Францускиот фудбалер изминатите три сезони ги мина во Валенсија.

Роџер Федерер, по подолго време, се огласи на социјалните медиуми. Швајцарецот се надева дека на почетокот на наредната годин ќе се врати на терените.

„Се надевам дека во јануари ќе се вратам на терените. Се чувствувам добро, здрав сум, сите во моето семејство се здрави“, рекол Федерер.

Швајцарецот по Австралија опен замина на операција на коленото.

„Напредувам. Можеби не од ден во ден, но секако дека чувствувам напредок од недела во недела. Минатата недела бев на тенискиот терен, прв пат од февруари. Тоа ме охрабрува. Работам колку што ми дозволува коленото“.

На крајот тој потврдил дека не размислува за крај на кариерата.

„Ништо не се сменило, се уште сакам да се вратам и да играм тенис. Уште сакам да играм пртив легендите на овој спорт и против најдобрите играчи. Забавно е да се биде филантроп, тенисер, се во исто време. Не размислувам да се пензионирам“, заклучил Федерер.

🎥Roger talked about his knee recovery status #federer #on #theroger #live pic.twitter.com/m1ZGHYjZoU

— Scarlett♡RF (@Scarlett_Li) October 31, 2020