Спорт
Говор од 78 минути – Флорентино Перез доби овации за критиките кон УЕФА, Ла Лига, Барселона…
На годишното Собрание на Реал, првиот човек на „кралскиот клуб“ остро ги критикуваше практично сите нивоа на фудбалот. За тоа, тој доби овации од сите делегати.
Годишната седница на Собранието на Реал ја отвори Флорентино Перез, кој по којзнае кој пат „удри“ по Ла Лига и нејзиниот шеф Хавиер Тебас, кон УЕФА и кон Барселона и секако кон судиите.
Не е прв пат, но зборовите на Перез, се чини, никогаш не биле толку остри. Говорот на првиот човек на клубот траеше 78 минути и, според новинарите од Шпанија, никогаш еден негов говор не бил успратен со толку многу аплаузи. Сите делегати, со оваации ја поздравиле неговата презентација.
„Освоивме 30 титули во последните 15 сезони, но сите знаеме што се очекува од Реал. Минатата сезона се боревме до самиот крај, но мора да се сетиме дека таа сезона беше многу тешка поради повредите на Карвахал и Милитао. Себаљос, Камавинга, Менди исто така имаа повреди. Одигравме повеќе од 80 натпревари и тоа е резултат на сè понапорниот распоред“, рече Перез.
Критика кон УЕФА
„Не е вистина дека сме против сè, туку сме против она што е нелегално и неетичко. Не е ниту нормално ниту легално да се обидувате да им ја одземете можноста на клубовите да организираат свои турнири. Не е нормално УЕФА да се обидува да ја одреди нашата судбина или да нè принудува да играме натпревари во формати што не се добри за навивачите. Никој не може да нè казни – клубовите се слободни, како што покажува пресудата.
Имаме две права – правото на надомест што се мери во милијарди евра и правото да го воспоставиме нашето натпреварување, и ве уверувам дека ќе ги искористиме обете права. Но, имајте предвид дека УЕФА се грижи за своите гласачи. Затоа нè принудуваат да играме натпревари во Азија или на границата со Кина. Тоа не е нормално во 21 век, а самото гледање фудбал станува премногу скапо.“
Потоа дојде Ла Лига и Хавиер Тебас
„Нивото на судење во Ла Лига е едноставно неприфатливо. Голем срам е што ФИФА не избра ниту еден од 35-те шпански судии. Исто така, неприфатливо е што Барселона, од која било причина, му плаќа на потпретседателот на судиите осум милиони евра во последните 17 години. Тој беше на важни позиции, и дали е случајност што во тој период Барселона ги забележа најдобрите резултати?
Исто така, не е нормално што Ла Лига продолжува да троши милиони евра од нашите пари на неуспешниот проект на Музејот на легендите, што треба да ги оправда инвестициите во медиумите.
Постојат медиуми кои се создадени само за да му наштетат на Реал. И уште позагрижувачки е што го прават тоа отворено. Нивниот претседател одбива да ни даде информации.
Ќе кажам уште неколку работи. Сега е на нив да ги утврдат своите одговорности. Претседателот на Ла Лига дејствуваше сам и мора да преземе одговорност. Не смееме да заборавиме на начинот на кој беше реагирано на штрајкот на играчите. Сите сме сведоци на срамна цензура. Не знам што беше посрамно – одложувањето на натпреварите за 30 секунди или фактот што за луѓето пред екраните беше напишано „ние сме посветени на мирот“. На кој мир?
Дали мислите дека е нормално што некои играчи на Реал освоија повеќе титули во Европа отколку во лигата? Мислам дека тоа е проблемот.
Исто така, не мислам дека е нормално претседателот на лигата да биде потпретседател на фудбалската асоцијација. Исто така, сакам да ви кажам нешто што никој не го знае – претседателот ми понуди да бидам член на Сојузот. Морав да им кажам дека мислам дека не ме познаваат.“
Ниту Здружението на европски клубови не се извлече од критиките
„Баравме договор со УЕФА, но тоа не беше можно. Ни рекоа да одиме во Здружението на европски клубови. Но, од Здружението не замолија да се откажеме од борбата против УЕФА. А тоа потенцијално би значело откажување од милијардите евра што ќе ги добиеме на крајот.“
За крај упати и извинување поради еден бизарен детаљ што го одбележа Собранието: додека траеше говорот.
Реал им се извини на Елче и на играчот на овој клуб, Андре да Силва, чија слика, по грешка, се појави во видеото наместо сликата од Андреа Силва, братот на Диого Жота, кој загина во сообраќајна несреќа со играчот на Ливерпул.
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дејан Манасков приведен по натпреварот во Охрид
ГРК Охрид во дербито на 17-то коло, во Супер лигата, го победи актуелниот првак Еурофарм Пелистер со 29:25.
Триумфот на екипата на Борис Ројевиќ, падна во сенка поради инцидентите што се случија по завршувањето на натпреварот.
Дејан Манасков е уапсен поради напад на помошниот тренер на ГРК Охрид веднаш полсе мечот.
„На 14.12.2025 година во 20.20 часот, во СВР Охрид приведен е Д.М. (33) ракометен играч од Скопје, член на ракометен клуб од Битола.
Тој, по завршување на ракометен натпревар што, денеска се одржуваше во спортската сала „Биљанини Извори“ во Охрид, при меѓусебното поздравување на играчите, физички го нападнал К.А. помошен тренер на домашниот-охридскиот ракометен клуб.
По целосно расчистување на настанот, против напаѓачот ќе биде поднесена соодветна пријава“, извести портпаролот на СВР Охрид, Стефан Димоски.
Исто така, гостите ја искршиле вратата од соблекувалната, десното крило Богдан Радивојевиќ имал вербална пресметка со тренерот на ГРК Охрид, а инциденти имало и и во центарот на градот.
Foto/ facebook.com/hceurofarmpelister
Спорт
Лејкерс победија во Феникс, Дончиќ беше толку лош што некои побараа ФБИ да го истражи натпреварот
Лос Анџелес Лејкерс ги победија Феникс Санс со 116:114, во натпревар во кој испуштија предност од 20 поени предност во последните седум ипол минути. На крајот, Феникс дојде од 79:99, до предност 114:113, а потоа Леброн Џејмс, погоди две од три слободни фрлања и го блокираше обидот на Колин Гилеспи.
Искусниот Џејмс постигна 26 поени, но имаше и осум изгубени топки. Остави подобар впечаток од Лука Дончиќ, кој беше најдобар стрелец на натпреварот со 29 поени, со ужасен процент на реализиција.
Словенецот промашуваше во серија, погоди само две тројки од 14 обиди, а вкупно погоди седум пати од 25 обиди. Беше прецизен само од линијата за слободни фрлања, каде што погоди 13 од 14 обиди. Имаше и шест изгубени топки.
Некои корисници на социјалните мрежи одат дотаму што го повикаа ФБИ да го истражи настапот на Дончиќ. За потсетување, ФБИ се справува со НБА и некои играчи за местење натпревари.
За разлика од Дончиќ, Деандре Ајтон беше исклучително прецизен. Тој стигна до 20 поени со речиси совршени 10/11 од поле. Тој исто така имаше 13 скока против тимот што го избра како прв пик на драфтот во 2018 година и каде што помина пет сезони.
Сансите, кои успеаја да се вратат по серијата од 0:24, беа предводени од Девин Букер со 27 поени, шест скока и седум асистенции и Марк Вилијамс со 20 поени, шест скока и три блокади.
Foto/ EPA
Спорт
Кари уфрли 12 тројки, Вориорс загубија во Портланд
Портланд Треил Блејзерс ги победија Голден Стејт Вориорс со 136:131, во неверојатно возбудлив натпревар, и покрај спектакуларната игра на Стефен Кари, кој постигна 48 поени. Џерами Грант и Шејдон Шарп ги предводеа домаќините, двајцата постигнаа по 35 поени.
Заедно со фантастичното дуо, Дени Авдија одигра клучна улога во победата на Блејзерс со 26 поени, осум асистенции и седум скока. Со оваа победа, Портланд ја прекина лошата серија, забележувајќи ја втората победа во последните осум натпревари.
Домаќините беа исклучително прецизни од далечина, погодувајќи 20 од 39 тројки (51,3%), при што Грант постигна седум, а Шарп пет.
Од друга страна, Стеф Кари одигра еден од своите најдобри натпревари, погодувајќи 12 од 19 тројки, само една тројка помалку од неговиот личен рекорд. Му недостигаше само еден поен за да го израмни својот сезонски рекорд. Кари има просек од неверојатни 43,5 поени во последните два натпревари, откако се врати од повреда на квадрицепсот.
Џими Батлер додаде 16 поени и седум скока за Вориорс, додека Дрејмонд Грин имаше 14 поени, осум скока и седум асистенции, но имаше и осум од 18-те изгубени топки на својот тим. И покрај поразот, Голден Стејт исто така имаше одлична шутерска вечер со 24 тројки од 47 обиди.
Foto/ Depositphotos

