Спорт
Градоначалникот на Бергамо му одговори на Ањели: Аталанта со пот и имагинација заслужија место во ЛШ
Градоначалникот на Бергамо, Џорџо Гори, му одговори на претседателот на Јувентус, Андреа Ањели, за неговото тврдење дека Аталанта не заслужува да биде во „елитата“, во уште еден обид да се промовира неговата идеја за Европска суперлига.
„Имам голема почит за тоа што го прави Аталанта, но без интернационална историја и со една добра сезона тие имаат директен пристап до елитното европско натпреварување. Дали тоа е праведно?“, се праша Ањели.
Од Аталанта засега нема одговор, но градоначалникот Гори застана во одбрана на клубот.
„Го почитувам Андреа Ањели, но не се согласувам со тоа. За разлика од елитата на богатите и славни, повеќе ги сакам резултатите остварени на теренот и тие кои ’само’ го претставуваат провинцискиот град, заслужиле место во Европа со пот и имагинација. Тоа е СПОРТ“, вели Гори.
Аталанта заврши трета во Серија А минатата сезона и играше во финалето на Копа Италија. Во првата сезона во ЛШ, „Ла деа“ ја помина групата и го доби првиот меч од осминафиналето со 4:1 против Валенсија.
Rispetto Andrea Agnelli ma proprio non sono d’accordo. All’élite dei ricchi e famosi preferisco di gran lunga l’esito del campo e il merito di chi, pur rappresentando “solo” una città di provincia, l’Europa s’è l’è guadagnata con sudore e fantasia. Si chiama SPORT. #GoAtalantaGo pic.twitter.com/9QdPa0LQoN
— Giorgio Gori (@giorgio_gori) March 5, 2020
Ањели ја турка идејата за европска Суперлига: Аталанта не е за во ЛШ!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.
Спорт
Надал: Ако немам чувство дека можам да се натпреварувам тогаш нема да играм на РГ
Шпанскиот тенисер Рафаел Надал, по Мастерсот во Рим, ќе донесе одлука дали ќе настапи на вториот гренс слем во сезоната, Ролан Гарос.
Рафа моментално се наоѓа во Мадрид, каде во првото коло убедливо славеше во дуелот со 16-годишниот Американец Дарвин Бланш.
„Реален сум за тоа што се случува. Искрено, играв против играч кој направи многу грешки и ми ги олесни работите. Со најголема почит кон играчот кој има голема иднина, тој направи многу грешки и мечот траеше само еден час. Ова нема да ги смени моите размислувања за Ролан Гарос. Овде нема да донесам никаква одлука, по Мастерсот во Рим ќе ја донесам конечната одлука. Не зборувам за победите, туку за чувството дека можам да дадам се од себе и дека можам да се натпреварувам. Мислам дека ова е логично по се што направив во Париз“, изјави Надал.
Негов следен ривал ќе биде Алекс де Минор, кој го елиминира минатата недела во Барселона.
Спорт
Бруно Гимараеш има посебна клаузула во договорот која важи до 30 јуни
Играчот од средниот ред на Њукасл, Бруно Гимараеш е на мета на бројни клубови, а тој има посебна клаузула во договорот.
Како што откри трансфер-инсајдерот, Фабрицио Романо, од последната недела на мај до крајот на јуни, Гимараеш има откупна клаузула од 100 милиони фунти или 116 милиони евра.
Доколку Бразилецот се договори со некој клуб и тој клуб ја плати сумата, Њукасл ќе биде принуден да го пушти.
Во моментов не се знае дали некој клуб е подготвен да потроши толку пари, но веќе е познато дека ПСЖ покажува интерес за бразилскиот репрезентативец.
Прашање е само дали е реално еден ваков трансфер да се случи пред официјалниот почеток на летниот преоден рок.
Летниот преоден рок стартува на 1 јули.