Спорт
Грчки медиуми: Партизан го сака Хезоња, но не може да го плати
Марио Хезоња беше еден од најдобрите играчи на Реал Мадрид во неверојатната завршница на Евролигата. Реал Мадрид губеше со 2:0 во четвртфиналната серија од Партизан, кој во третиот натпревар имаше 15 поени разлика, а во петтиот во Мадрид 18 поени разлика. Сепак, Реал на крајот се пласираше на фајналфорот и ја освои титулата со кошот на Серхио Љуљ на три секунди пред крајот против Олимпијакос.
По финалето шпанските и грчките медиуми објавија дека постои голем интерес за 28. кошаркар, за чија кариера се грижи грчкиот менаџер, Костас Пападакис.
Грчкиот портал „Апекс“, објави дека за Хезоња многу се заинтересирани Панатинаикос и белградски Партизан. Хезоња никогаш не криел дека е навивач на Партизан.
Сепак, како што пишува новинарот на „Апекс“, нема преголеми шанси некој од тие два клуба да го доведе Хрватот во своите редови.
„Хезоња има договор со Реал до 2024 година и клаузула за обештетување која може да се активира само во случај на преселба во НБА. Доколку некој европски клуб го сака Хезоња, ќе мора да плати многу повисока отштета, а ниту Панатинаикос, ниту Партизан можат да си го дозволи тоа во моментот.
Откако ја освои Евролигата и се наметна како многу важен дел од тимот, Реал нема да го пушти Хезоња во ниту еден европски клуб. Најреално е тој да го заврши договорот во Мадрид и потоа да одлучи каде ќе ја продолжи кариерата – или во некој европски клуб или во НБА лигата“, пишува „Апекс“.
Хезоња од Барселона, влезе во НБА во 2015 година како петти пик на драфтот на Орландо Меџик. Играше и за Њујорк Никс и за Портланд, пред да се врати во Европа во 2020 година, во Панатинаикос. Играше една година во рускиот УНИКС, а од оваа сезона е во Реал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Јуве во 94. и 96.минута од 2:4 до 4:4, Карабаг ја шокира Бенфика среде Лисабон, Реал од два пенали го победи Марсеј
Неверојатна вечер во Лигата на шампионите. Во терминот од 21 часот се одиграа четири натпреари. Сите минаа во сенка на спектаклот во Торнио, дури и сензационалната победа на Карабг во Лисабон.
Долго ќе се прашуваат во Дортмунд како ја испуштија победата во Торино. „Милионерите два пати водеа, Јуве два пати се враќаше во мечот, а кога Бенасабијани во 86.минута од пенал погоди за 2:4 се чинеше дека победникот е решен.
Борбеноста сепак им се испалтеше на играчите на Јувентус со головите на Влаховиќ во 94. и Кели во 96.минута дојдоа до 4:4. Србинот, Влаховиќ е апсолутен херој, на теренот влезе во 60.минута, мечот го заврши со два гола и асистенција за Кели.
Фудбалерите на Карабаг ја шокираа Бенфика во Лисабон, со победа по пресвртот, 3:2. Дебитантот од Азербејџан прими два гола во првите 16 минути, но тоа не го спречи да стигне до три бода до крајот на натпреварот.
Леандро Андраде ја врати надежта кај гостите пред полувремето со гол во 30-та минута.
Продолжението на натпреварот донесе молк на „Луж“, бидејќи Дуран израмни во 48-та минута, а пресвртото го комплетираше Кашчук, кој во 86-та минута ја искористи очајната реакција на одбраната на домашниот тим.
Победа на домашен терен оствари Тотенхем, кој го совлада Виљареал со минимален резултат во Лондон, 1:0.
Единствениот гол на натпреварот беше виден во четвртата минута од натпреварот. Поточно, автогол на голманот на гостите Луиз Жуниор.
Реал со два гола од белата точка успеа да направи пресврт против Олимпик Марсеј. Гостите водеа од 2-та минута со голот на Веа. Седум минути подцна изеданчи Мбапе од пенал. Во 71-та минута поради глупав потег, црвен картон доби Карвахал, но Реал и со играч помалку избори упте еден пенал. Мбапе ги постави конечните 2:1.
Спорт
(Видео) Резервите му донесоа триумф на Арсенал во Билбао, дебитантот Унион го шокира ПСВ
Со гостински победи на Арсенал и дебитантот Унион Сен Жилоа, започна сезоната 2025/2026 во Лигата на шампионите.
Арсенал на „Сан Мамес“ во Билбао, не прикажа некоја спектакуларна игра, но успеа да го победи Атлетик.
Два гола постигнаа играчите од клупата за резерви. Мартинели по нецели 15 секунди откако влезе во игра во 72.минута погоди за 0:1. Конечниот резултат го постави Тросар во 87.минута. Резервите на Артета си поделија по една асистенција.
На „Филипс“ стадионот во Ајндховен, ПСВ доживеа шокантен пораз од Унион Сен Жилоа. Дека Белгијците се дојдени по победа во Ајндховен најави Дејвид во деветтата минута од пенал. Половина час подоцна слаломот на Ел Хаџ им донесе на гостите предност од два гола.
Точка на победата на гостите стави братот на фудбалерот на Ливерпул, Алексис Мекалистер, Кевин.
Честа на ПСВ ја спаси, Ван Бомел во 90.минута.
Спорт
Шејн Ларкин ја заврши репрезентативната кариера
Шејн Ларкин, кошаркарот на Ефес, одлучи повеќе да не го носи дресот на Турција.
Искусниот плејмејкер го водеше тимот на Ергин Атаман до сребрен медал на Евробаскетот, по што реши да стави крај на репрезентативната кариера.
Тој ја информираше јавноста за својата одлука на социјалните мрежи.
„Пред седум години се согласив да играм за Турција без никакви очекувања. А седум години подоцна, чувствувам дека ова е мојот втор дом. Начинот на кој ме прифативте и ме поддржавте не може да се опише со зборови. Иако не ја постигнавме главната цел, а тоа е златен медал, поддршката што ја добивме од целата земја значеше повеќе од само медал“, напиша Ларкин и додаде:
„Беше чест и привилегија да го носам овој дрес и да играм за Турција. Засекогаш ќе бидам еден од вас! Ве сакам од се срце“, заврши тој со зборови на турски.
Ларкин имаше просек од 11,6 поени и 5,1 асистенции на Европското првенство.
(Фото) „Не умираме од несреќи, умираме од корупција“, „Шест месеци без правда за Кочани“: на плоштадот во Скопје одбележани шест месеци од трагедијата во „Пулс“
Вечерва во 20:16 часот, на плоштадот „Македонија“ во Скопје, со ѕвездено небо и молк, како симбол на солидарност и граѓанска...
(Видео) Путин во униформа на огромна воена вежба на источната граница на НАТО
Рускиот претседател Владимир Путин се појави во воена униформа на големата воена вежба на руската и белоруската армија, „Запад 2025“,...
ИЈЗ смирува: Нема тешки метали во почвата и водата не е радиоактивна
Институтот за јавно здравје изврши вонредно испитување во засегнатото подрачје, и во неделата беа земени примероци, мостри од страна на...
„Ќе бидеш моја или ќе бидеш мртва“ – Росица сведочела за заканата од Илија кој подоцна ја уби
Обвинителството го објави записникот од испитувањето на Росица Коцева (31) од Велес, даден на 9 септември годинава, само неколку дена...
Јас не сум од вчера во политиката, партијата Левица фрли гума за спасување на ДУИ со кандидатите во Струга, Гостивар и во Тетово, вели Мицкоски
Партијата Левица предложи кандидати за градоначалници во Струга, Гостивар и во Тетово само за да ги раслои анти-ДУИ гласовите во...
Обвинителството испитува одговорност за големиот пожар во Трубарево, утре увид на терен
Утре, ќе почне увидот на самото место за причините за големиот пожар во Трубарево. Увидните екипи ќе работат под координација...
Подметнување пожар ќе биде тероризам, а фрлање отпад на недозволени места ќе се казнува со затвор над пет години, Мицкоски најави итни законски измени
Премиерот Христијан Мицкоски, денес, при посетата на Јегуновце најави законски измени со кои најстрого ќе се казнува подметнување пожар и...
Идентификувани 20 лица осомничени за подметнување пожари во Скопје
Премиерот Христијан Мицкоски денес изјави дека дваесетина лица се идентификувани како осомничени за серијата подметнати пожари во Скопје. Според него,...
Пред убиството Росица го пријавувала Стефановски за насилство и непочитување на забраната за приближување, го запалил и автомобилот на татко ѝ
Против Илија Стефановски, осомничен за убиството на Росица Коцева (31) и на татко ѝ Киро Коцев (68) во Велес, претходно...
Намалена активната транспарентност на Владата и на министерствата, најмалку информации има за финансиите, објави Центарот за граѓански комуникации
Центарот за граѓански комуникации го објави редовното годишно рангирање на институциите според Индексот на активна транспарентност, односно според активното објавување...
Синоќа повторно предизвикан пожар на „Дрисла“
Синоќа, пред 23 часот, повторно беше предизвикан пожар на депонијата „Дрисла“, на сосема друго место, подалеку од местото што беше...
Рубио: Трамп е единствениот лидер што може да разговара со Русија, Украина и со Европа
Американскиот претседател Доналд Трамп би можел да се сретне со украинскиот лидер Володимир Зеленски следната недела во Њујорк, објави американскиот...
„Марш за ангелите” во Кочани и мирен протест во Скопје: шест месеци од трагедијата во дискотеката „Пулс“
Денеска се навршуваат шест месеци од трагедијата во дискотеката „Пулс“ во Кочани, во која животот го загубија 62 млади лица....
Изгаснат тежок пожар пред Пинтија, под контрола се пожарите на „Дрисла“ и во Трубарево, активен пожарот на Кожуф
Рано утрово пред 4 часот избувна тежок пожар во сервис за возила пред Пинтија (над „Стакларата“ на местото наречено Каменик)...
Мицкоски треба да одговара за ширење страв и паника по признанието на Тошковски дека нема центри на моќ зад пожарите, велат од СДСМ
Панче Тошковски во интервју призна дека нема осомничени дека одреден центар на моќ влијаел да се подметне пожарот во Трубарево...
Зеленски до Трамп: Покажете јасен став и сопрете го Путин
Украинскиот претседател Володимир Зеленски го повика Доналд Трамп да заземе јасна позиција за да го запре Владимир Путин и да...
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
