Спорт
Грчко дерби на стартот на новата сезона во Евролигата
Евролигата го објави распоредот за сезоната 2023/24. И следната сезона ќе играат истите 18 екипи како и претходната сезона.
Сигурно најинтересниот дуел ќе биде грчкото дерби меѓу Панатинаикос и Олимпијакос на 6 октомври, а сите погледи ќе бидат вперени во еден човек, Костас Слукас. Тој од Олимпијакос направи трансфер во Панатинаикос.
Во првото коло Црвена Звезда го пречекува Асвел, додека Партизан е му гостува на Макаби во Тел Авив. Двата дуели се закажани за 5 октомври.
Српското дерби е закажано за петтото коло во Евролигата, кое е на 26 октомври, а домаќин е Партизан.
Шампионот на Европа, Реал Мадрид, ќе ја започне одбраната на титулата со гостувањето кај Басконија, а во првото коло ќе видиме интересни дуели меѓу Барселона и Ефес, како и Фенербахче против Олимпија Милано.
Евролигата започнува на 5 и 6 октомври. Лигашкиот дел ќе заврши на 11 и 12 април. Новововедениот плеј-ин за клубовите пласирани од седмото до десеттото место ќе се игра на 16 и 19 април. Ќе се одиграат 34 кола.
Четвртфиналната серија ќе започне на 23 и 24 април, ќе заврши на 30 или 1 мај, а најдоцна на 8 мај.
Фајналфорот е закажан за периодот од 24 до 26 мај во Берлин.
🚨THE 2023-24 SEASON CALENDAR IS HERE🚨
Download it right using this link 👉https://t.co/arjJc5Amw5 pic.twitter.com/vxkrEwv2lJ
— Turkish Airlines EuroLeague (@EuroLeague) July 18, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Официјално – Лучано Спалети го презеде Јувентус
Поранешниот селектор на Италија, Лучано Спалети, официјално стана нов тренер на Јувентус.
Харизматичниот тренер дополнително го збогати богатото портфолио кога станува збор за големи тренерски работни места.
Претходно ги водеше Интер, Рома, Наполи и италијанската репрезентација, а во Јувентус доаѓа откако Игор Тудор беше отпуштен бидејќи „Старата Дама“ не постигна гол во лигата повеќе од еден месец и имаше серија од осум натпревари без победа.
Спалети го постигна својот најголем успех како тренер на Наполи кога го освои Скудетото во 2023 година. Со Рома освои два италијански купа и еден италијански Суперкуп, а трофеи освои само со Зенит, со кого беше двократен шампион на Русија и еднаш го освои Купот и Ссуперкупот на таа земја.
Тој беше селектор на Италија од 1 септември 2023 година до 9 јуни 2025 година и беше елиминиран во осминафиналето на ЕУРО 2024.
Спорт
Талески си заминал од Вардар 1961
Поранешниот македонски репрезентативец, Филип Талески, си замина од Вардар 1961.
Левиот бек, минатото лето се врати во Вардар 1961, но овој пат неговиот престој заврши по само неколку месеци.
Талески побарал од клубот договорот спогодбено да му биде раскинат и веќе се поздравил со соиграчите. Не бил задоволен од минутажата и улогата што ја има во тимот.
Левиот бек имал намера да остане во Македонија, но не успеал да се договорои со ГРК Охрид. Сега опција за Талески е преселба во Кувајт.
Foto/ facebook.com/rkvardar
Спорт
На Никола Топиќ му е дијагностициран рак
Никола Топиќ, плејмејкерот на српската репрезентација, се лекува од рак на тестисите со хемотерапија.
Информацијата ја презентираше Сем Прести, генерален менаџер на Оклахома Сити Тандер.
Важно е што лекарите се „исклучително позитивни“ за закрепнувањето на 20-годишниот кошаркар.
На 6 октомври, Топиќ бил подложен на операција на тестисите, но до оваа изјава на Прести, причината за оваа хируршка процедура не беше позната. Во меѓувреме, Тандер го продолжи договорот со српскиот кошаркар.
Прести потврди дека интервенцијата е извршена во Хјустон.
„Онколозите се многу позитивни во врска со неговата ситуација“, рече Прести.
Прести рече дека ракот на тестисите е најлечивиот облик на рак кај мажите, но за Топиќ е препорачана хемотерапија.
„Топиќ не сакаше да ги објави овие информации сè додека не ги започна третманите, што и го направи. Тој е тука, тренира, вежба, во текот на целиот овој процес“, додаде Прести.
Во моментов, не е познато кога Топиќ би можел да се врати на теренот, а тимот го става на прво место неговото здравје.
Засега, третманот ќе трае четири до шест недели.
„Топиќ е навистина извонреден млад човек. Мислам дека сите го знаат тоа. Тој е зрел, смирен, издржлив. Има сè што е потребно за некој што се справува со ваква ситуација и ќе ја надмине“, додаде Прести.
Да ве потсетиме дека Топиќ беше драфтуван како 12-ти пик во 2024 година, но ја пропушти целата сезона поради повреда на коленото.

